Film News

കുഞ്ഞുരാജകുമാരിയെ കൊഞ്ചിച്ച് ശ്രീനിഷ്, പേർളി എവിടെ എന്ന് ആരാധകർ!

srinish new video with baby

പ്രേക്ഷകർക്ക്  ഏറെ പ്രിയപ്പെട്ട താരദമ്പതികൾ ആണ് പേളിയും ശ്രീനിഷും, ബിഗ്‌ബോസ് സീസൺ വണ്ണിൽ കൂടി ആയിരുന്നു ഇരുവരും പ്രണയതിലായത്, പിന്നാലെ  ശ്രീനിഷും പേളിയും വിവാഹിതരാകുകയായിരുന്നു, തങ്ങളുടെ വിശേഷങ്ങൾ എല്ലാം പങ്കുവെച്ച് പേളിയും ശ്രീനിഷും എത്താറുണ്ട്. സോഷ്യൽ മീഡിയയിൽ രണ്ടുപേരും വളരെ സജീവമാണ്. കുറച്ച് മാസങ്ങൾക്ക് മുൻപാണ് പേളി താൻ അമ്മയാകാൻ പോകുന്ന വാർത്ത എല്ലാവരെയും അറിയിച്ചത്, പിന്നാലെ പേളിയുടെ ഗർഭകാല വിശേഷങ്ങൾ പങ്കുവെച്ച് ശ്രീനിഷും എത്തിയിരുന്നു. കഴിഞ്ഞ ദിവസം ആണ് ഇരുവർക്കും പെൺകുഞ്ഞു ജനിച്ചെന്ന സന്തോഷ വാർത്ത പുറത്ത് വന്നത്. പേർളി തന്നെയാണ് തന്റെ കുഞ്ഞിനൊപ്പമുള്ള ആദ്യ ചിത്രം പങ്കുവെച്ച് കൊണ്ട് സന്തോഷം അറിയിച്ചത്.pearlee sreenish

ഇപ്പോഴിതാ തന്റെ കുഞ്ഞിന്റെ കൂടെയുള്ള വീഡിയോ പങ്കുവെച്ച്കൊണ്ട് ശ്രീനിഷും എത്തിയിരിക്കുകയാണ്. ‘എന്റെ കുഞ്ഞുരാജകുമാരിയ്ക്ക് ഒപ്പമുള്ള പ്ലേ ടൈം,’ എന്ന കുറിപ്പോടെയാണ് ശ്രീനിഷ് വീഡിയോ പങ്കുവച്ചിരിക്കുന്നത്. നിരവധി പേരാണ് ആശംസകളുമായി എത്തിയിരിക്കുന്നത്. അച്ഛനും മകളും തമ്മിലുള്ള ആദ്യ വീഡിയോ ആണ് ഇത്. വീഡിയോ കണ്ട ആരാധകർ പേർളി എന്തെ എന്നും തിരക്കുന്നുണ്ട്. തങ്ങൾ മാതാപിതാക്കൾ ആകാൻ പോകുന്നതിന്റെ സന്തോഷവും ആകാംഷയും എല്ലാം പേര്ളിയും ശ്രീനിഷും ആരാധകരുമായി പങ്കുവെക്കുമായിരുന്നു.

കുഞ്ഞുമായുള്ള ആദ്യ ചിത്രം പങ്കുവെച്ചുകൊണ്ട് പേർളി കുറിച്ചത് ഇങ്ങനെ ആയിരുന്നു,  ഞങ്ങള്‍ രണ്ടു പേരും ആരോഗ്യത്തോടെയും സന്തോഷത്തോടെയും ഇരിക്കുന്നു. എന്നാല്‍ ശ്രീനിഷ് കുറച്ച് ക്ഷീണിതനാണ്, അത് സാരമില്ല. കുഞ്ഞിന്റെ ചിത്രം പോസ്റ്റ് ചെയ്യരുതെന്ന് എല്ലാവരും എന്നോട് പറഞ്ഞു. പക്ഷെ എന്റെ കുടുംബത്തെ പോലെ ഞാന്‍ സ്‌നേഹിക്കുന്ന നിങ്ങള്‍? ഓരോരുത്തരുമായും ഈ ചിത്രം പങ്കുവയ്ക്കുന്നതില്‍ ഒരു തെറ്റുമില്ലെന്ന് എനിക്ക് തോന്നി. നിങ്ങളുടെയെല്ലാം അനുഗ്രഹം വേണം,’ എന്നായിരുന്നു ചിത്രം പങ്കുവച്ചുകൊണ്ട് പേളി കുറിച്ചത്. നിരവധി പേരാണ് ഇരുവർക്കും ആശംസകളുമായി എത്തിയത്.

Trending

To Top
Don`t copy text!