ബോളിവുഡ് നടി സണ്ണി ലിയോണ്‍ സിനിമാ തിരക്കുകളിലാണ്, കൂടാതെ മൂന്ന് കുട്ടികളുള്ള താരം ഭര്‍ത്താവ് ഡാനിയല്‍ വെബ്ബറിനൊപ്പം കുടുംബം ജീവിതം ആസ്വദിക്കുകയാണ്. കൊറോണ പാന്‍ഡെമിക് സമയത്ത് കുടുംബം അമേരിക്കയിലേക്ക് മാറി, ഇപ്പോള്‍ അവര്‍ മുംബൈയിലെ വീട്ടിലേക്ക് മടങ്ങിയിരിക്കുകയാണ്. സോഷ്യല്‍ മീഡിയയില്‍ സജീവമായ താരം തന്റെ വിശേഷങ്ങളും ചിത്രങ്ങളും ആരാധകരുമായി പങ്കുവെക്കാറുണ്ട്.
ഇപ്പോഴിതാ തന്റെ മാനേജര്‍ സ്വിമ്മിങ് പൂളിലേക്ക് തള്ളിയിടുന്ന വീഡിയോയാണ് താരം സോഷ്യല്‍ മീഡിയയില്‍ പങ്കുവെച്ചിരിക്കുന്നത്.
വെള്ള ഡ്രസ്സിട്ട് സ്റ്റാഫിനൊപ്പം നീന്തല്‍ക്കുളത്തിനരികിലൂടെ നടക്കുന്ന സണ്ണിയെ വീഡിയോയില്‍ കാണാം. അപ്രതീക്ഷിത നിമിഷത്തില്‍ അവളുടെ മാനേജര്‍ രജനി താരത്തെ വെള്ളത്തിലേക്ക് തള്ളിയിട്ടു.
View this post on Instagram
പൂളില്‍ വീണ സണ്ണി ഇയാള്‍ക്ക് നേരെ തന്റെ ചെരിപ്പ് എറിഞ്ഞു, ഉടന്‍ തന്നെ അവനോട് പ്രതികാരം ചെയ്യുമെന്നാണ് വീഡിയോ പങ്കിട്ട് താരം കുറിച്ചത്. ‘വീരമാദേവി’, ‘ഷീറോ’, ‘ഒഎംജി’ തുടങ്ങിയ മൂന്ന് ചിത്രങ്ങളാണ് നടിയുടെ പുറത്തിറങ്ങാനുള്ള ചിത്രങ്ങള്‍.
