പൈസ നോക്കി സിനിമ തിരഞ്ഞെടുക്കും..!! അങ്ങനെ ഒരു അവസ്ഥയിലാണ് സുരഭി ലക്ഷ്മി

സ്വന്തം പ്രയത്‌നം കൊണ്ട് മാത്രം മലയാള സിനിമയുടെ നായികമാരുടെ മുന്‍നിരയിലേക്ക് ഉയര്‍ന്ന താരമാണ് സുരഭി ലക്ഷ്മി. ഇപ്പോള്‍ താരത്തിന്റെ പുതിയൊരു സിനിമ വരുന്നു എന്ന് പറയുമ്പോള്‍ അത്രയും സ്‌നേഹത്തോടെയും ആവേശത്തോടെയും ആണ് ആരാധകര്‍ കാത്തിരിക്കുന്നത്. മിനിസ്‌ക്രീനിലൂടെ ഹാസ്യ കഥാപാത്രങ്ങളെ അവതരിപ്പിച്ച് വെള്ളിത്തിരയിലേക്ക് ഒരു സ്വഭാവ നടിയിലേക്കുള്ള സുരഭിയുടെ വളര്‍ച്ച പ്രേക്ഷകര്‍ കണ്ടതാണ്. ഇപ്പോഴിതാ താന്‍ സിനിമ തിരഞ്ഞെടുക്കുന്നതിനെ കുറിച്ച് തുറന്ന് പറഞ്ഞിരിക്കുകയാണ് സുരഭി.

ഒരു പ്രമുഖ മാധ്യമത്തിന് സുരഭി നല്‍കിയ അഭിമുഖത്തിലെ വാക്കുകളാണ് വൈറലായി മാറുന്നത്. താരത്തിന്റെ വാക്കുകളിലേക്ക്… ചില സമയങ്ങളില്‍ താന്‍ ആവശ്യപ്പെടുന്ന പണം അണിയറപ്രവര്‍ത്തകര്‍ പ്രതിഫലമായി തരുമെന്നതിനാല്‍ മോശം കഥാപാത്രങ്ങളും സിനിമകളും ചെയ്യേണ്ടി വന്നിട്ടുണ്ട്. ‘ചില മാനദണ്ഡങ്ങള്‍ നോക്കിയാണ് ഞാന്‍ കഥാപാത്രങ്ങള്‍ തെരഞ്ഞെടുക്കുന്നത്. അതിലൊന്ന് പൈസ കിട്ടുന്നത് നോക്കിയാണ്. ചിലത് പൊട്ട സിനിമയാകാം. പക്ഷേ ചിലപ്പോള്‍ നല്ല പൈസ ലഭിക്കും. ചിലത് നല്ല ക്യാരക്ടര്‍ ആയിരിക്കും പക്ഷെ പൈസ കുറവായിരിക്കും.”ചിലത് നല്ല ടീമായിരിക്കും.

അങ്ങനെ പല പല കാര്യങ്ങളുണ്ടാകാം. ചില പൊട്ട കാര്യക്ടറൊക്കെ അഭിനയിച്ച് വന്നാല്‍ തലവേദനയെടുക്കും. പക്ഷേ പറയുന്ന പൈസ കിട്ടുന്നതിനാല്‍ ചെയ്യുന്നതാണ്. എനിക്ക് ഇത് മാത്രമെ ചെയ്യാന്‍ പറ്റൂ എന്ന് സെലക്ട് ചെയ്യാന്‍ കഴിയുന്ന അവസ്ഥയിലല്ല ഇപ്പോള്‍ ഞാന്‍ നില്‍ക്കുന്നത്. ലൊക്കേഷനില്‍ ചെന്നാല്‍ പിന്നീട് അധികം വര്‍ത്തനമാനം പറയാന്‍ നില്‍ക്കില്ല. ഇഷ്ടപെടാത്ത രീതികളുണ്ടാകും. നമ്മള്‍ ഡയറക്ടര്‍മാരുടെ ടൂള്‍സാണ് എന്ന് വിചാരിക്കണം. എന്റെ വ്യക്തിപരമായ കാര്യങ്ങള്‍ ഞാന്‍ പറയാന്‍ പോകാറില്ല.

ബെറ്ററാക്കാനുള്ള സജഷന്‍ഷിനെ കുറിച്ച് ചോദിക്കാറുണ്ട്. അവര്‍ ഉദ്ദേശിക്കുന്നത് അങ്ങനെ നമുക്ക് മനസിലാകും. എങ്ങനെ വേണേലും ചെയ്യാവുന്നിടത്ത് ഇപ്രവൈസ് ചെയ്ത് നന്നാക്കാന്‍ പറ്റും.’ താരത്തിന്റെ ഏറ്റവും പുതിയ റിലീസ് കള്ളൻ ഡിസൂസ എന്ന സിനിമയാണ്. സൗബിൻ ഷാഹിർ നായകനായ സിനിമയിൽ‌ സുരഭിയാണ് മറ്റൊരു കേന്ദ്ര കഥാപാത്രത്തെ അവതരിപ്പിക്കുന്നത്.

 

Aswathy