ജീവിതത്തില്‍ വിജയിക്കാന്‍ ആഗ്രഹമുള്ളവരാണോ എങ്കില്‍ ‘അഡ്വക്കേറ്റ് മുകുന്ദന്‍ ഉണ്ണി’യുടെ സക്സസ് ഫോര്‍മുല പഠിക്കാം. ഈ ഓഫറുമായി എത്തിയിരിക്കുന്നത് നടന്‍ സുരാജ് വെഞ്ഞാറമൂട് ആണ്. വിനീത് ശ്രീനിവാസന്‍ ചിത്രം ‘അഡ്വക്കേറ്റ് മുകുന്ദന്‍ ഉണ്ണി’ നാളെ തിയ്യറ്ററുകളില്‍ എത്താനിരിക്കുകയാണ്. ചിത്രത്തിന്റെ പ്രൊമോഷന്‍ വര്‍ക്കുകളെല്ലാം ഏറെ ശ്രദ്ധിക്കപ്പെട്ടതായിരുന്നു.
പ്രേക്ഷകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് മുകുന്ദന്‍ ഉണ്ണി അസോസിയേറ്റ്സ്. അഡ്വക്കേറ്റ് മുകുന്ദന്‍ ഉണ്ണിയായി വിനീത് ശ്രീനിവാസനാണ് ചിത്രത്തിലെത്തുന്നത്. അഡ്വ. വേണുവായി സുരാജ് വെഞ്ഞാറമൂട് ആണ് ചിത്രത്തില്‍ എത്തുന്നത്.
‘അഡ്വക്കേറ്റ് മുകുന്ദന്‍ ഉണ്ണി’യുടെ സക്സസ് ഫോര്‍മൂല പഠിക്കുന്നതിനായി ചെയ്യേണ്ടത് ഇത്ര മാത്രമാണ്. നവംബര്‍ പതിനൊന്നിന് വിനീത് ശ്രീനിവാസന്‍ നായകനാവുന്ന ‘മുകുന്ദന്‍ ഉണ്ണി അസോസിയേറ്റ്സ്’ എന്ന ചിത്രം ടിക്കറ്റെടുത്ത് കാണുക. നിങ്ങള്‍ക്കും ‘മുകുന്ദന്‍ ഉണ്ണി’യുടെ സക്സസ് ഫോര്‍മൂല പഠിക്കാം എന്ന് സുരാജ് പറയുന്നു.
അഭിനവ് സുന്ദര്‍ നായക് ആദ്യമായി സംവിധാനം ചെയ്യുന്ന ചിത്രമാണ് മുകുന്ദന്‍ ഉണ്ണി അസോസിയേറ്റ്സ്. ജോയ് മൂവി പ്രൊഡക്ഷന്‍സിന്റെ ബാനറില്‍ ഡോക്ടര്‍ അജിത് ജോയ് ആണ് ചിത്രതിന്റെ നിര്‍മ്മാണം. ചിത്രത്തിന്റെ രചന വിമല്‍ ഗോപാലകൃഷ്ണനും സംവിധായകനും ചേര്‍ന്നാണ്. വിനീത് ശ്രീനിവാസനും സുരാജ് വെഞ്ഞാറമൂടിനുമൊപ്പം സുധി കോപ്പ, തന്‍വി റാം, ജഗദീഷ്, മണികണ്ഠന്‍ പട്ടാമ്പി, ബിജു സോപാനം, ജോര്‍ജ് കോര, നോബിള്‍ ബാബു തോമസ്, അല്‍ത്താഫ് സലിം, റിയ സൈറ, രഞ്ജിത്ത് ബാലകൃഷ്ണന്‍, സുധീഷ്, വിജയന്‍ കാരന്തൂര്‍ എന്നീ താരനിരയും ചിത്രത്തിലെത്തുന്നുണ്ട്.
എക്‌സിക്യൂട്ടീവ് പ്രൊഡ്യൂസര്‍മാര്‍: പ്രദീപ് മേനോന്‍, അനൂപ് രാജ് എ. പ്രൊഡക്ഷന്‍ കണ്‍ട്രോളര്‍: മനോജ് പൂങ്കുന്നം. സൗണ്ട് ഡിസൈന്‍: രാജ് കുമാര്‍ പി. കല: വിനോദ് രവീന്ദ്രന്‍, ശബ്ദമിശ്രണം: വിപിന്‍ നായര്‍, ചീഫ് അസോ. ഡയറക്ടര്‍: രാജേഷ് അടൂര്‍, അസോ. ഡയറക്ടര്‍ : ആന്റണി തോമസ് മംഗലി, വേഷവിധാനം: ഗായത്രി കിഷോര്‍, മേക്കപ്പ്: ഹസ്സന്‍ വണ്ടൂര്‍, കളറിസ്റ്റ്: ശ്രീക് വാരിയര്‍, ഫൈറ്റ്: സുപ്രീം സുന്ദര്‍, മാഫിയ ശശി, വിഎഫ്എക്‌സ് സൂപ്പര്‍വൈസര്‍ : ബോബി രാജന്‍, വിഎഫ്എക്‌സ് ഐറിസ് സ്റ്റുഡിയോ, ആക്സല്‍ മീഡിയ, ലൈന്‍ പ്രൊഡൂ്യസര്‍മാര്‍: വിനീത് പുല്ലൂടന്‍, എല്‍ദോ ജോണ്‍, സ്റ്റില്‍സ്: രോഹിത് കെ സുരേഷ്, വിവി ചാര്‍ലി, മോഷന്‍ ഡിസൈന്‍: ജോബിന്‍ ജോസഫ് (പെട്രോവ ഫിലിംസ്), ട്രെയിലര്‍: അജ്മല്‍ സാബു, ഡിസൈനുകള്‍: യെല്ലോടൂത്ത്‌സ് എന്നിവരാണ് അഡ്വക്കേറ്റ് മുകുന്ദന്‍ ഉണ്ണിയെ സ്‌ക്രിനീലെത്തിക്കുന്നത്.