ബോളിവുഡിലെ താര വിവാഹങ്ങള്‍ക്കായി ആരാധകര്‍ കാത്തിരിക്കുകയാണ്. ചില താരങ്ങള്‍ ഒന്നിക്കുന്നതുമായി ബന്ധപ്പെട്ടുള്ള ചര്‍ച്ചകള്‍ സോഷ്യല്‍ മീഡിയയില്‍ പുരോഗമിക്കുകയാണ്. 2022-ല്‍ കുറച്ച് താര വിവാഹങ്ങള്‍ നടന്നിരുന്നു. 2023-ലേക്ക് നീങ്ങുമ്പോള്‍, വരാനിരിക്കുന്ന സെലിബ്രിറ്റി വിവാഹങ്ങള്‍ ഇതൊക്കെയാണെന്നാണ് സോഷ്യല്‍ മീഡിയയുടെ കണ്ടുപിടുത്തം.
2023-ല്‍ വിവാഹിതരായേക്കാവുന്ന നമ്മുടെ പ്രിയപ്പെട്ട ചില ദമ്പതികള്‍
സിദ്ധാര്‍ത്ഥ് മല്‍ഹോത്രയും കിയാര അദ്വാനിയും വളരെക്കാലമായി പ്രണയത്തിലാണെന്നാണ് റിപ്പോര്‍ട്ട്. കിംവദന്തികള്‍ അനുസരിച്ച്, 2023 ഏപ്രിലില്‍ ഇരുവരും ചണ്ഡീഗഢില്‍ വിവാഹിതരാകും. എന്നിരുന്നാലും, അവര്‍ അതേക്കുറിച്ച് ഔദ്യോഗിക പ്രഖ്യാപനങ്ങളൊന്നും ഇതുവരെ നടത്തിയിട്ടില്ല.
അര്‍ജുന്‍ കപൂറും മലൈക അറോറയും ഏകദേശം മൂന്ന് വര്‍ഷമായി ഡേറ്റിംഗിലാണ്. ആരാധകര്‍ ഏറ്റവും അധികം കാത്തിരിക്കുന്ന താരവിവാഹങ്ങളിലൊന്നാണ് ഇവരുടേത്. എന്നിരുന്നാലും, വിവാഹ വാര്‍ത്തകള്‍ അവര്‍ പലപ്പോഴും നിഷേധിച്ചു. എന്നാല്‍ അടുത്ത വര്‍ഷം ഇരുവരും വിവാഹിതരാകുമെന്നാണ് റിപ്പോര്‍ട്ടുകള്‍.
കെ എല്‍ രാഹുലും അതിയ ഷെട്ടിയും 2019 ല്‍ ഡേറ്റിംഗ് ആരംഭിച്ചെന്നാണ് റിപ്പോര്‍ട്ടുകള്‍. സഹോദരന്ഡ അഹാന്‍ ഷെട്ടിയുടെ ആദ്യ ചിത്രമായ തഡാപ്പിന്റെ പ്രദര്‍ശന പരിപാടിക്കിടെ കെ എല്‍ രാഹുല്‍ പങ്കെടുത്തപ്പോള്‍, ദമ്പതികള്‍ തങ്ങളുടെ ബന്ധം ഔദ്യോഗികമാക്കി. സോഷ്യല്‍ മീഡിയയില്‍ ഇവര്‍ സജീവമാണ്. വളരെക്കാലമായി ഇവര്‍ വാര്‍ത്തകളില്‍ ഇടം നേടിയിരുന്നു. ക്രിക്കറ്റ് താരവും നടിയും 2023 ജനുവരിയില്‍ വിവാഹിതരാകുമെന്നും റിപ്പോര്‍ട്ടുണ്ട്.
രാകുല്‍ പ്രീതും ജാക്കി ഭഗ്നാനിയും 2021-ല്‍ തങ്ങളുടെ വിവാഹ നിശ്ചയം പ്രഖ്യാപിച്ചു. 2023-ല്‍ ഇരുവരും ഒന്നിച്ച് പുതിയ അധ്യായം ആരംഭിക്കാന്‍ തീരുമാനിച്ചു. റിപ്പോര്‍ട്ടുകള്‍ പ്രകാരം, രാകുലിന്റെ സഹോദരന്‍ പറഞ്ഞു, ”വിവാഹം വ്യക്തമായ കാര്യമാണ്, ഒന്നും നിശ്ചയിച്ചിട്ടില്ല. അവള്‍ വിവാഹം കഴിക്കാന്‍ തീരുമാനിക്കുമ്പോള്‍, അവള്‍ തന്നെ ഇക്കാര്യം പ്രഖ്യാപിക്കും.
മുന്‍ ബിഗ് ബോസ് മത്സരാര്‍ത്ഥികളായ തേജസ്വി പ്രകാശും കരണ്‍ കുന്ദ്രയും ഷോ അവസാനിച്ചതു മുതല്‍ അഭേദ്യമായ ബന്ധത്തിലായിരുന്നു, തേജ്റാന്‍ ആരാധകര്‍ തങ്ങളുടെ പ്രിയപ്പെട്ട ദമ്പതികളുടെ വിവാഹത്തിനായി ആകാംക്ഷയോടെ കാത്തിരിക്കുന്നു.
2023 മധ്യത്തോടെ ഇരുവരും വിവാഹിതരാകാന്‍ ഉദ്ദേശിക്കുന്നതായി അഭ്യൂഹങ്ങള്‍ പ്രചരിക്കുന്നുണ്ട്.