ടോവിനോ തോമസ് തന്റെ ആരാധകനുമായി നിൽക്കുന്ന രണ്ട് ഫോട്ടോ ഇപ്പോൾ സോഷ്യൽ മീഡിയയിൽ വൈറൽ ആയികൊണ്ടിരിക്കുന്ന. ആദര്‍ശ് ചന്ദ്രശേഖര്‍ എന്ന യുവാവിന്റെ ഫെയ്‌സ്ബുക്ക് പോസ്റ്റാണ് ചര്‍ച്ചയാകുന്നത്.ട്രെയിന്‍ യാത്രക്കിടെ സഹയാത്രികനായ യുവാവാണ് സെല്‍ഫി എടുത്തത്. 2014ല്‍ ‘എന്ന് നിന്റെ മൊയ്തീന്‍’ ചിത്രത്തിന്റെ കഥ കേള്‍ക്കാന്‍ പോകുമ്പോഴാണ് ആദ്യ സെല്‍ഫി എടുത്തിരിക്കുന്നത്. ” ചേട്ടാ സെല്‍ഫി എടുത്തു വെക്കട്ടെ .. ചേട്ടന്‍ ഒരിക്കല്‍ സ്റ്റാര്‍ ആകും…അന്ന് ഈ ഫോട്ടോ പോസ്റ്റ് ചെയ്യാലോ, അങ്ങനെ പറഞ്ഞു എടുത്ത സെല്‍ഫി” എന്നാണ് കുറിപ്പില്‍ പറയുന്നത്. രണ്ടാമത്തേത് 2017ലും.
ആദർശിന്റെ ഫേസ്ബുക് കുറിപ്പ് ഇങ്ങനെ
ഈ രണ്ടു ചിത്രങ്ങള്‍ക്കിടയില്‍ എന്റെയും ചേട്ടന്റെയും ജീവിതത്തില്‍ വലിയ മാറ്റങ്ങള്‍…വര്‍ഷങ്ങള്‍ക്കിപ്പുറം… ഓര്‍മ്മയുണ്ടോ എന്നാ ചോദ്യത്തിന്.. ഒരു ആലോചനയോടെ മറുപടി പറഞ്ഞു…. ! ഒരു ട്രെയിന്‍ യാത്രയിലെ പരിചയം… (മൊയ്തീന്‍ കഥ കേള്‍ക്കാന്‍ പോയപ്പോള്‍ )
അന്ന് ഞാന്‍ പറഞ്ഞു ചേട്ടാ സെല്‍ഫി എടുത്തു വെക്കട്ടെ .. ചേട്ടന്‍ ഒരിക്കല്‍ സ്റ്റാര്‍ ആകും…അന്ന് ഈ ഫോട്ടോ
പോസ്റ്റ് ചെയ്യാലോ, അങ്ങനെ പറഞ്ഞു എടുത്ത സെല്‍ഫി… ആദ്യ ചിത്രം 14 ജൂലായ് 2014…ഒരുപാട് സന്തോഷം..വീണ്ടും കണ്ടതില്‍ . സംസാരിച്ചതിന് ഓര്‍ത്തെടുത്തതിന്…വീണ്ടും ചേട്ടാ ഒരു സെല്‍ഫി ! 24 ഡിസംബര്‍ 2017…ആത്മാര്‍ഥമായി പരിശ്രമിക്കുന്നവര്‍ വിജയിക്കുക തന്നെ ചെയ്യും… അതു ഞാന്‍ നിങ്ങളില്‍ കണ്ടു.
