പ്രശസ്ത കര്‍ണാടക സംഗീതജ്ഞന്‍ ടി.വി. ശങ്കരനാരായണന്‍ അന്തരിച്ചു. 77 വയസായിരുന്നു. കര്‍ണാടക സംഗീതത്തിലെ മധുരൈ മണി അയ്യര്‍ ശൈലിക്ക് തുടക്കമിട്ടയാളാണ് ടി.വി ശങ്കരനാരായണന്‍. മണി അയ്യരുടെ മരുമകന്‍ കൂടിയാണ് ശങ്കരനാരായണന്‍.
സംഗീതജ്ഞരായ തിരുവാലങ്ങല്‍ വെമ്പു അയ്യരുടെയും ഗോമതി അമ്മാളുടെയും മകനാണ്. 1945-ല്‍ മയിലാടുതുറൈയിലാണ് ശങ്കരനാരായണന്റെ ജനനം. രണ്ടാം ലോക മഹായുദ്ധകാലത്ത് ചെന്നൈയില്‍ നിന്നാണ് അദ്ദേഹത്തിന്റെ കുടുംബം മണി അയ്യര്‍ക്കൊപ്പം മയിലാടുതുറൈയിലെത്തിയത്.
1950-കളില്‍ കുടുംബം ചെന്നൈയിലേക്ക് മടങ്ങി. നിയമമാണ് പഠിച്ചതെങ്കിലും സംഗീതത്തിനായി ജീവിതം ഉഴിഞ്ഞുവെയ്ക്കാനായിരുന്നു ശങ്കരനാരായണന്റെ തീരുമാനം.
മധുരൈ മണി അയ്യര്‍ക്കൊപ്പം നിരവധി വേദികള്‍ പങ്കിട്ടിട്ടുണ്ട് ശങ്കരനാരായണന്‍. 2003-ല്‍ മദ്രാസ് മ്യൂസിക് അക്കാദമിയുടെ സംഗീത കലാനിധി പുരസ്‌കാരം നേടിയ അദ്ദേഹത്തെ ഇതേ വര്‍ഷം തന്നെ രാജ്യം പദ്മഭൂഷണ്‍ നല്‍കി ആദരിച്ചു.
