ബോക്‌സ് ഓഫീസില്‍ തകര്‍ത്ത പൃഥ്വിരാജിന്റെ സൂപ്പര്‍ ഹിറ്റ് ചിത്രമാണ് കടുവ. ഷാജി കൈലാസിന്റെ മടങ്ങിവരവ് ശരിയ്ക്കും മലയാളി ആഘോഷമാക്കുകയായിരുന്നു കടുവയിലൂടെ. പൃഥ്വിരാജിന്റെ കരിയറിലെ റെക്കോര്‍ഡാണ് കടുവ നേടിയിരിക്കുന്നത്.
കടുവാക്കുന്നേല്‍ കുര്യച്ചനായാണ് പൃഥ്വി എത്തിയത്.
ഈ സിനിമയിലെ കുര്യച്ചന്റെ വീട് ചിത്രങ്ങളില്‍ കണ്ടിട്ടുള്ളതാണ്, എന്നാല്‍ ചിത്രത്തില്‍ മമ്മൂട്ടി ഉണ്ടെന്ന് പറഞ്ഞാല്‍ വിശ്വസിക്കുമോ, എന്നാല്‍ സത്യമാണ്. കടുവയില്‍ മെഗാസ്റ്റാര്‍ മമ്മൂട്ടിയുമുണ്ട്.
വെറുതെ ഒരു വാദമല്ലിത്, ചിത്രത്തിലെ ആ മുഖം സഹിതം സോഷ്യല്‍ ലോകത്ത് പ്രചരിക്കുന്നുണ്ട്. ഒരുപക്ഷേ സിനിമ കണ്ടവര്‍ക്ക് പോലും എളുപ്പത്തില്‍ മനസ്സിലായിട്ടുണ്ടാകില്ല.
കടുവാക്കുന്നേല്‍ കുര്യന്‍ കോരത്ത് എന്നാണ് പൃഥ്വിരാജ് കഥാപാത്രത്തിന്റെ യഥാര്‍ത്ഥ പേര്. എങ്കില്‍ കടുവക്കുന്നേല്‍ കോരത്ത് മാപ്പിളയാണ് മമ്മൂട്ടി. അതായത് നായകന്‍ കുര്യച്ചന്റെ പിതാവായി ഈ ഛായാചിത്രത്തില്‍ കാണുന്നത് മമ്മൂട്ടിയെ ആണ്. വില്ലന്റെ അച്ഛന്‍ കരിങ്കണ്ടത്തില്‍ ചാണ്ടിക്കുഞ്ഞായി ചിത്രത്തില്‍ എത്തിയത് നടന്‍ എന്‍.എഫ്. വര്‍ഗീസിനെയും ആണ്.
സിനിമയുടെ വിക്കിപീഡിയയില്‍ നിന്നുള്ള കണ്ടെത്തലാണ് സോഷ്യല്‍ ലോകത്ത് വൈറലാകുന്നത്.
