മലയാള സിനിമാ ലോകത്ത് നായക കഥാപാത്രങ്ങളില്‍ തിളങ്ങി മുന്നേറാന്‍ ഉണ്ണി മുകുന്ദന്. ഉണ്ണി മുകുന്ദന് നായകനായി എത്തുന്ന ഏറ്റവും പുതിയ സിനിമയുടെ ടൈറ്റില്‍ പോസ്റ്ററും പുറത്ത് വിട്ടിരിക്കുകയാണ് ഇപ്പോള്‍.
മാളികപ്പുറം എന്നാണ് ഉണ്ണി മുകുന്ദന് നായകനായി എത്തുന്ന ഏറ്റവും പുതിയ ചിത്രത്തിന്റെ പേര്, മമ്മൂക്കയാണ് ഈ സിനിമയുടെ ടൈറ്റില്‍ പുറത്ത് വിട്ടിരിക്കുന്നത്. സോഷ്യല്‍ മീഡിയ വഴി പുറത്ത് വിട്ടിരിക്കുന്ന പോസ്റ്ററിന് ഒപ്പം, ഉണ്ണി മുകുന്ദനും ഈ സിനിമയുടെ മുഴുവന്‍ ടീമിനും മമ്മൂട്ടി ആശംസകള്‍ നേര്‍ന്നിരിക്കുകയാണ്.
നവാഗതനായ വിഷ്ണു ശശിശങ്കറാണ് മാളികപ്പുറം എന്ന് പേരിട്ടിരിക്കുന്ന ഈ സിനിമ സംവിധാനം ചെയ്യുന്നത്. സിനിമയുടെ ചിത്രീകണവും ഇതിനോടകം തന്നെ ആരംഭിച്ചിട്ടുണ്ട്. എരുമേലി ശ്രീധര്‍മ ശാസ്താ ക്ഷേത്രത്തില്‍ വച്ചായിരുന്നു ചിത്രത്തിന്റെ പൂജ ചടങ്ങുകള്‍ നടന്നിരുന്നത്. ഉണ്ണി മുകുന്ദനൊപ്പം മലയാളത്തിലെ മികച്ച അഭിനേതാക്കളും ഈ സിനിമയില്‍ മറ്റ് കഥാപാത്രങ്ങളെ അവതരിപ്പിച്ച് എത്തും. സൈജു കുറുപ്പ്, ഇന്ദ്രന്‍സ്, മനോജ് കെ ജയന്‍, രമേശ് പിഷാരടി, സമ്പത്ത് റാം, ദേവനന്ദ, ശ്രീപദ് എന്നിവര്‍ ഈ സിനിമയുടെ ഭാഗമാകുന്നുണ്ട്.
കാവ്യ ഫിലിം കമ്പനി, ആന്‍ മെഗാ മീഡിയ എന്നീ ബാനറുകളില്‍ പ്രിയ വേണു, നീത പിന്റോ എന്നിവര്‍ ചേര്‍ന്നാണ് ഈ സിനിമ നിര്‍മ്മിക്കുന്നത്. അഭിലാഷ് പിള്ളയുടേതാണ് രചനയിലാണ് ഈ സിനിമ ഒരുങ്ങുന്ന്.. സംവിധായകന്‍ വിഷ്ണു ശശിശങ്കര്‍ തന്നെയാണ് ഈ സിനിമയുടെ എഡിറ്റിംഗും നിര്‍വ്വഹിക്കുക. വിഷ്ണു നാരായണന്‍ ആണ് ഛായാഗ്രഹണം… ഷഫീഖിന്റെ സന്തോഷം,
മിണ്ടിയും പറഞ്ഞും, ബ്രൂസ് ലീ എന്നിവയാണ് മലയാളത്തില്‍ ഉണ്ണി മുകുന്ദന് നായകനായി എത്തുന്ന മറ്റ് ചിത്രങ്ങള്‍. തെലുങ്ക് ചിത്രം യശോദയിലും ഉണ്ണി മുകുന്ദന് ഒരു പ്രധാന വേഷത്തില്‍ എത്തുന്നു.