നടി ഊര്‍മ്മിള ഉണ്ണിയും മകള്‍ ഉത്തര ഉണ്ണിയും മലയാളി പ്രേക്ഷകര്‍ക്ക് പ്രിയപ്പെട്ടവരാണ്. സിനിമകളിലും സീരിയലിലുമൊക്കെയായി ഊര്‍മ്മിള ഉണ്ണി സജീവമാണ്. ഉത്തര ഉണ്ണിയും സിനിമയില്‍ സാന്നിധ്യമറിയിച്ചുകഴിഞ്ഞു. അറിയപ്പെടുന്ന നര്‍ത്തകി കൂടിയാണ് ഉത്തര. ഉത്തരയുടെ വിവാഹം കഴിഞ്ഞ വര്‍ഷമായിരുന്നു.
ഊര്‍മ്മിള ഉണ്ണിയും ഉത്തര ഉണ്ണിയും സോഷ്യല്‍ മീഡിയയില്‍ സജീവവുമാണ്.
ഇരുവരും തങ്ങളുടെ എല്ലാ വിശേഷങ്ങളും ആരാധകരുമായി പങ്കുവെക്കാറുണ്ട്. ഇപ്പോഴിതാ ഡോട്ടേഴ്സ് വീക്കിനോടനുബന്ധിച്ച് ഹൃദയം തൊടുന്ന കുറിപ്പ്
പങ്കുവച്ചിരിക്കുകയാണ് ഊര്‍മിള ഉണ്ണി.
മകള്‍ ഒരിക്കലും ഒരു ടെന്‍ഷന്‍ അല്ല. പക്ഷേ ഇന്നത്തെ ലോകത്ത് പത്ത് ആണ്‍മക്കള്‍ക്ക് തുല്യമാണ് മകള്‍ എന്നും ഊര്‍മ്മിള പറയുന്നു.
ഒരു പിതാവ് തന്റെ മകളോട് ചോദിച്ചു: എന്നെയോ നിന്റെ ഭര്‍ത്താവിനെയോ ആരെയാണ് കൂടുതല്‍ സ്നേഹിക്കുക..??
മകള്‍ നല്‍കിയ ഏറ്റവും മികച്ച മറുപടി:’എനിക്ക് ശരിക്കും അറിയില്ല, പക്ഷെ പപ്പയെ കാണുമ്പോള്‍ ഞാന്‍ അവനെ മറക്കുന്നു, പക്ഷെ ഞാന്‍ അവനെ കാണുമ്പോള്‍, ഞാന്‍ പപ്പയെ ഓര്‍ക്കുന്നു…
നിങ്ങള്‍ക്ക് എപ്പോഴും നിങ്ങളുടെ മകളെ മോനേ എന്നും വിളിക്കാം, എന്നാല്‍ നിങ്ങള്‍ക്ക് ഒരിക്കലും നിങ്ങളുടെ മകനെ മോളേ എന്ന് വിളിക്കാന്‍ കഴിയില്ല. അതുകൊണ്ടാണ് പെണ്‍മക്കള്‍ സവിശേഷമായതെന്നും താരം പറഞ്ഞു.
ഇത് മകളുടെ ആഴ്ചയാണ്..ചുറ്റുപാടില്‍ മാത്രം ജീവിച്ചുകൊണ്ട് നിങ്ങളുടെ ജീവിതത്തില്‍ മൂല്യവത്തായ ഒരു മകള്‍ നിങ്ങള്‍ക്കുണ്ടെങ്കില്‍, നിങ്ങള്‍ അവളെ സ്വന്തം ശ്വാസം പോലെ സ്നേഹിക്കുന്നുവെങ്കില്‍…നിങ്ങളുടെ മകളെ ഓര്‍ത്ത് നിങ്ങള്‍ക്ക് അഭിമാനമുണ്ടെങ്കില്‍… പെണ്‍മക്കളുള്ളവര്‍ക്ക് ഇത് അയച്ചുകൊടുക്കൂ…
പെണ്‍മക്കള്‍ സന്തോഷമാണ്. പെണ്‍മക്കള്‍ മാലാഖമാരാണ്.! ഹാപ്പി ഡോട്ടേഴ്സ് ഡേ…എല്ലാ പെണ്‍മക്കള്‍ക്കും അഭിനന്ദനങ്ങള്‍…എന്നും ഊര്‍മ്മിള കുറിച്ചു.
പെണ്‍മക്കള്‍ വീട്ടിലെ തത്തകളെ പോലെയാണ്…അവള്‍ സംസാരിക്കുമ്പോള്‍, ഇടവേളയില്ലാതെ സംസാരിക്കുന്നു…എല്ലാവരും പറയുന്നു,’ദയവായി കുറച്ചു നേരത്തേക്ക് മിണ്ടാതിരിക്കുമോ’?
അവള്‍ നിശബ്ദയായപ്പോള്‍ അമ്മ പറയുന്നു,’സുഖമില്ലേ എന്റെ കുട്ടീ’, അച്ഛന്‍ പറയുന്നു, ‘എന്തുകൊണ്ടാണ് ഇത്ര നിശബ്ദത’, സഹോദരന്‍ പറയുന്നു, ‘എന്നോട് നിനക്ക് ദേഷ്യമാണോ ?’അവള്‍ വിവാഹിതയാകുമ്പോള്‍ എല്ലാവരും പറയുന്നു,
‘എല്ലാ സന്തോഷവും വീട്ടില്‍ നിന്നും പോയ പോലെ’ അവളാണ് യഥാര്‍ത്ഥ നോണ്‍സ്റ്റോപ്പ് സംഗീതം. വികാരഭരിതരും സുന്ദരികളും മധുരവും ആത്മാര്‍ത്ഥതയുമുള്ള പെണ്‍കുട്ടികള്‍ക്കായി സമര്‍പ്പിക്കുന്നു.
അതവിടെയാണ്…അതിവിടെയാണ്…അതെന്റെ മകളാണ്..എനിക്ക് ഒരു മകളായതില്‍ ഞാന്‍ അഭിമാനിക്കുന്നു.’ ഊര്‍മിള ഉണ്ണി കുറിയ്ക്കുന്നു. നിരവധി പേരാണ് പോസ്റ്റ് പങ്കുവയ്ക്കുന്നത്.
കഴിഞ്ഞ വര്‍ഷം ഏപ്രില്‍ 8നായിരുന്നു ഉത്തര ഉണ്ണിയുടേയും നിധീഷ് നായരുടെയും വിവാഹം.
