മലയാളത്തിലെ ഒരുകാലത്തെ ഭാഗ്യ ജോഡികളായിരുന്നു ഉര്‍വ്വശിയും മനോക് കെ ജയനും. പിന്നീട് ആ ജോഡികള്‍ യഥാര്‍ത്ഥ ജീവിതത്തിലും ഒരുമിച്ചാകാന്‍ തീരുമാനിക്കുകയായിരുന്നു. എന്നാല്‍ പല കാരണങ്ങള്‍കൊണ്ടും ആ ബന്ധം തകര്‍ന്നു. ഉര്‍വ്വശിയുേടയും മനോജ് കെ ജയന്റേയും വിവാഹ മോചനം ആരാധകരെ വലിയ നിരാശയിലാക്കിയിരുന്നു. ഇന്നും ഉര്‍വ്വശി അഭിനയ രംഗത്ത് സജീവമാണ്.
ഇപ്പോഴിതാ താരം മുന്‍പ് വിവാഹമോചനത്തെ കുറിച്ച് പറഞ്ഞ വാക്കുകളാണ് സോഷ്യല്‍ മീഡിയയില്‍ ഇന്നും കൈയ്യടി നേടുന്നത്. ഒരു പ്രമുഖ മാധ്യമത്തിന് നല്‍കിയ അഭിമുഖത്തിലെ ഉര്‍വ്വശിയുടെ വാക്കുകളാണ് വൈറലാകുന്നത്… വീഡിയോയില്‍ നടിയുടെ വാക്കുകള്‍ ഇങ്ങനെയാണ്… ഷൂട്ടിങ്ങിന് പോകുമ്പോള്‍ ഒരു ജോലി പോലെയാണ്. മറ്റൊരു ഉത്തരവാദിത്തത്തെ കുറിച്ചും എനിക്ക് അറിയില്ലായിരുന്നു. ഞാന്‍ ഉദ്ദേശിച്ചതിലും വളരെ ശക്തമായ കാര്യങ്ങള്‍ ആണ് ഫേസ് ചെയ്യേണ്ടതായി വന്നത്.
ആരുടെയും അഭിപ്രായം നോക്കാതെ ഞാന്‍ തന്നെ ഒരു ജീവിതം സെലക്ട് ചെയ്യുന്നു. അതില്‍ സന്തോഷത്തോടെയാണ് ഞാന്‍ ജീവിച്ചു തുടങ്ങിയത്. കുറെ നോക്കി. നമുക്ക് എടുക്കാന്‍ പറ്റുന്ന ചുമട് അല്ലേ എടുക്കാന്‍ സാധിക്കുകയുള്ളു. അത് കഴിയുമ്പോള്‍ വീണ് പോകുമല്ലോ. സ്വയം നിയന്ത്രിക്കാന്‍ കഴിയുമായിരുന്നില്ല. അതിനായി ശ്രമിച്ചു കൊണ്ടേ ഇരുന്നു. ഒരു വ്യക്തിയില്‍ നിന്നും നിര്‍ബന്ധപൂര്‍വ്വം നേടിയെടുക്കാന്‍ കഴിയുന്നതല്ലേ പറ്റൂ.
എന്റെ ശ്രമങ്ങളുടെ ഭാഗമായിട്ടാണ് തീരെ തകര്‍ന്നു പോകാതെ നീങ്ങിയതും. എനിക്കിഷ്ടപ്പെട്ടു, ഞാനിത് ചെയ്യുന്നു എന്ന തീരുമാനം എപ്പോഴും ശരിയാവണമെന്നില്ല. നമുക്ക് ഇഷ്ടപ്പെട്ടതെല്ലാം നല്ലതാവണമെന്നില്ല. വിചാരം കൊണ്ടല്ല വികാരം കൊണ്ടെടുത്ത തീരുമാനങ്ങള്‍ മാത്രമാണ് ഞാന്‍ എന്റെ ജീവിതത്തില്‍ എടുത്തത്… ഉര്‍വശി കൂട്ടിച്ചേര്‍ക്കുന്നു. ജീവിതത്തോട് താരം എടുത്ത നിലപാടിന്് ഇന്നും കൈയ്യടിക്കുകയാണ് ആരാധകര്‍.
