ബ്രഹ്മാണ്ഡ ചിത്രം ബാഹുബലിയിൽ കൂടി ശ്രദ്ധേയനായ താരം റാണ ദഗ്ഗുബട്ടിയുടെ വിവാഹം അഗസ്സ്റ് 8നു ആയിരുന്നു, അടുത്ത സുഹൃത്തായിരുന്ന മിഹികയെയാണ് റാണ ജീവിതസഖിയാക്കിയത്. കോവിഡ് മാനദണ്ഡങ്ങൾ പാലിച്ചായിരുന്നു ഇവരുടെ വിവാഹം. ചടങ്ങിൽ അടുത്ത സുഹൃത്തുക്കളും ബന്ധുക്കളും മാത്രമേ പങ്കെടുത്തുള്ളൂ. വിവാഹ ചിത്രങ്ങൾ എല്ലാം സോഷ്യൽ മീഡിയിൽ വൈറലായിരുന്നു, ഇരുവർക്കും ആശംസകൾ നേർന്ന് നിരവധി താരങ്ങൾ രംഗത്ത് എത്തിയിരുന്നു. മിഹികയുമായുള്ള വിവാഹം ഉറപ്പിച്ച കാര്യം റാണ തന്നെയാണ് പുറത്ത് വിട്ടത്, തന്റെ ഇൻസ്റ്റാഗ്രാമിൽ മിഹീകയ്ക്ക് ഒപ്പമുള്ള ചിത്രം പങ്കുവെച്ച് കൊണ്ടായിരുന്നു താരം വിവാഹ വാർത്ത പുറത്ത് വിട്ടത്.
ദുല്‍ഖര്‍ സല്‍മാന്‍, കല്യാണി പ്രിയദര്‍ശന്‍, വിക്രം പ്രഭു, ശ്രുതി ഹാസന്‍, കീര്‍ത്തി സുരേഷ്, കാജല്‍ അഗര്‍വാള്‍, ശ്രിയ റെഡ്ഡി തുടങ്ങിയവരെല്ലാം റാണയ്ക്കും മിഹികയ്ക്കും ആശംസകള്‍ നേര്‍ന്ന് എത്തിയിരുന്നു. പിന്നാലെ ആശംസകള്‍ക്കെല്ലാം നന്ദി അറിയിച്ച് റാണയും സോഷ്യല്‍ മീഡിയയില്‍ എത്തിയിരുന്നു. ആശംസകള്‍ അറിയിച്ചവരുടെ കൂട്ടത്തില്‍ റാണയുടെ അടുത്ത സുഹൃത്തായ തമിഴ് നടന്‍ വിഷ്ണു വിശാലും ഉണ്ടായിരുന്നു. റാണയെ കുറിച്ചുളള വിഷ്ണു വിശാലിന്റെ പുതിയ ട്വീറ്റ് സോഷ്യല്‍ മീഡിയയില്‍ ഒന്നടങ്കം വൈറലായി മാറിയിരിക്കുകയാണ്. “കുറച്ച് വര്‍ഷങ്ങള്‍ക്ക് മുന്‍പ് തനിക്ക് വിവാഹിതനാകുന്നതിനെ കുറിച്ച് ആലോചിക്കാന്‍ പോലും വയ്യെന്ന് ആരോ പറഞ്ഞു. 
ഈ ചിത്രത്തിലെ വ്യക്തിയെ കാണാൻ അയാളെ പോലെയുണ്ട് എന്ന് താരം കുറിചു, ഇരുവർക്കും എല്ലാവിധ അനുഗ്രഹങ്ങളും ഉണ്ടാകട്ടെ, നല്ലൊരു ജീവിതം കിട്ടട്ടെ എന്നും വിഷ്ണു വിശാല്‍ ട്വീറ്റിൽ കുറിച്ചു. ഇതിനു പിന്നാലെ റാണയും എത്തി കുറച്ച് വർഷങ്ങൾ കഴിഞ്ഞു സഹോദര എന്നായിരുന്നു റാണയുടെ മറുപടി, എന്തായാലൂം ഇരുവരുടെയും ഈ സംസാരം എല്ലാവരും ഏറ്റെടുത്തിരിക്കുകയാണ്.
