തമിഴ്നാട്ടിലെ തിരുപ്പൂരില് യുവതി മകളൊ കെട്ടിത്തൂക്കി കൊലപ്പെടുത്തി ആത്മഹത്യ ചെയ്തു. തിരുപ്പൂര് ജില്ലയിലെ ധര്മ്മപുരത്തിന് സമീപമുള്ള അലങ്കിയം കാമരാജര് നഗരത്തില് നിന്നുള്ള വിധവയായിരുന്ന 28 കാരിയായ പൂങ്കൊടിയും പത്തു വയസുകാരിയായ മകള് വര്ഷയുമാണ് മരിച്ചത്.
പൂങ്കൊടിയുടെ ഭര്ത്താവ് കാളിദാസ് ഏതാണ്ട് ആറ് വര്ഷം മുമ്പ് ആത്മഹത്യ ചെയ്തിരുന്നു. സംഭവത്തിന് ശേഷം പൂങ്കൊടിയും മകള് വര്ഷയും അമ്മ സരസ്വതിക്കൊപ്പമായിരുന്നു താമസം. പൂങ്കൊടി ധാരാപൂര്മാം സ്പെയ്സിനുള്ളിലെ ഒരു പൊതു വസ്ത്ര നിര്മ്മാണ സ്ഥാപനത്തില് ജോലി ചെയ്യുകയായിരുന്നു, മകള് വര്ഷ അഞ്ചാം ക്ലാസ്സില് പഠിക്കുകയായിരുന്നു.
പൂങ്കൊടി രണ്ട് മാസം മുമ്പ് ജോലി നിര്ത്തി ഗ്രൂപ്പ് 4 തമിഴ്നാട് പബ്ലിക് സര്വീസ് കമ്മീഷന് (ടിഎന്പിഎസ്സി) പരീക്ഷയ്ക്ക് തയ്യാറെടുക്കാന് തുടങ്ങിയിരുന്നു. ജൂലൈ 24 ന് അവള് പരീക്ഷയില് പങ്കെടുത്തിരുന്നു, പരീക്ഷ നന്നായി എഴുതാന് കഴിഞ്ഞിരുന്നില്ല പൂങ്കൊടിക്ക്. ചോദ്യങ്ങള് കടുപ്പമേറിയതാണെന്ന് അവള് പരാതിപ്പെട്ടു.
തിങ്കളാഴ്ച രാവിലെ മകള് വര്ഷയ്ക്കൊപ്പം വീട്ടില് തനിച്ചായിരുന്നു. ഉറങ്ങിക്കിടക്കുകയായിരുന്ന വര്ഷയെ സാരിയില് കെട്ടിത്തൂക്കി കൊലപ്പെടുത്തിയ ശേഷം പൂങ്കൊടിയും തൂങ്ങി മരിക്കുകയായിരുന്നു. പൂങ്കൊടിയുടെ അമ്മ സരസ്വതി വീട്ടില് തിരിച്ചെത്തിയപ്പോള് മകളും കൊച്ചുമകളും തൂങ്ങിനില്ക്കുകയായിരുന്നു. വിവരമറിഞ്ഞ് ആലങ്കിയം പോലീസ് സ്ഥലത്തെത്തി മൃതദേഹം പുറത്തെടുത്ത് പോസ്റ്റ്മോര്ട്ടത്തിന് അയച്ചു.