ഒരു സ്ത്രീ തന്റെ ഇളയ മകളോട് തമാശ കളിക്കുന്ന വീഡിയോ സോഷ്യല് മീഡിയയില് വൈറലാകുന്നു. ട്വിറ്റര് ഉപയോക്താവ് ഫ്രെഡ് ഷുള്ട്ട്സ് പോസ്റ്റ് ചെയ്ത 31 സെക്കന്ഡ് ദൈര്ഘ്യമുള്ള വീഡിയോ നിരവധി പേരാണ് ഇതിനോടകം കണ്ടത്.
വീഡിയോയില് സ്ത്രീ ഒരു മുട്ട പിടിച്ച് അത് വിരിയാന് പോകുകയാണെന്ന് തന്റെ മകളോട് പറഞ്ഞു. കൊച്ചു പെണ്കുട്ടി സന്തോഷത്തോടെ തുള്ളിച്ചാടി. എന്നാല് പിന്നീട് സംഭവിച്ചത് അവള് പ്രതീക്ഷിച്ചതല്ല. മുട്ട പൊട്ടി താഴെ നിന്ന് സ്ത്രീ പിടിച്ചപ്പോള് ഒരു കോഴിക്കുഞ്ഞിന്റെ മുഖത്തോട് സാമ്യമുള്ള തരത്തില് അവള് വരച്ച വിരലാണ് പുറത്തേക്ക് വന്നത്. തീര്ച്ചയായും, കുട്ടിക്ക് നിരാശയും ദേഷ്യവും തോന്നി, അവള് അടുക്കളയില് നിന്ന് ഇറങ്ങിപ്പോയി, അതേ സമയം അമ്മയ്ക്ക് ചിരി നിര്ത്താന് കഴിഞ്ഞില്ല. ‘പ്ലോട്ട് ട്വിസ്റ്റ്,” പോസ്റ്റിന്റെ അടിക്കുറിപ്പ് ഇങ്ങനെയായിരുന്നു.
വീഡിയോ വൈറലായതോടെ, സോഷ്യല് മീഡിയ ഉപയോക്താക്കള് തന്റെ മകളോട് കളിച്ച ”ക്രൂരമായ” തമാശയ്ക്ക് സ്ത്രീയെ ആക്ഷേപിച്ചു. ചിലര് വീഡിയോ തമാശയായാണ് എടുത്തത്.