കൌമാരകാരി സ്വന്തം മുത്തച്ഛന്റെ ചിതാഭസ്മംകൊണ്ട് ബിസ്കറ്റുണ്ടാക്കി സുഹൃത്തുക്കൾക്ക് രുചിക്കാന്‍ നല്‍കി

കേട്ടുകേള്‍വി പോലുമില്ലാത്ത കാര്യങ്ങള്‍ ആണ് ഇപ്പോള്‍ നമ്മള്‍ നമ്മുക്ക് ചുറ്റും കേട്ടുകൊണ്ടിരിക്കുന്നത്. അത്തരത്തിലുള്ള മറ്റൊരു വാര്‍ത്തയാണ് ഇപ്പോള്‍ പുറത്തു വന്നിരിക്കുന്നത്. സുഹൃത്തുക്കൾക്ക് കഴിക്കാനായി സ്വന്തം മുത്തച്ഛന്റെ ചിതാഭസ്മകൊണ്ട് ബിസ്കറ്റുണ്ടാക്കി നല്‍കി കൌമാരകാരി.

സംഭവം പുറം ലോകം അറിയുന്നത്. ലോസ് ആഞ്ചലസിലെ പ്രാദേശിക മാധ്യമങ്ങൾ റിപ്പോർട്ട് ചെയ്തതോടെയാണ്.പ്രത്യേക ചേരുവ ഉപയോഗിച്ച് ഉണ്ടാക്കിയ ബിസ്കറ്റാണെന്ന് പറഞ്ഞ് കൌമാരക്കാരി സുഹൃത്തുക്കൾക്ക് കഴിക്കാനായി നൽകുകയായിരുന്നു. അറിയാതിരുന്ന സുഹൃത്തുക്കൾ ഇത് കഴിക്കുകയും ചെയ്തു.

കൂട്ടത്തിൽ ഒരു പെൺകുട്ടി സംഭവം പ്രാദേശിക മാധ്യമത്തോട് പറയുകയുണ്ടായി. സ്കൂളിലേക്ക് പോകുന്ന വഴിക്ക് ഒരു പ്രത്യേക ചേരുവ ചേർത്തുണ്ടാക്കിയ ബിസ്കറ്റെന്ന് പറഞ്ഞാണ് സുഹൃത്ത് ബിസ്കറ്റ് നൽകിയത്. പ്രത്യേകമായ ചെടിയോ മറ്റു ചേരുവകളോ ചേർത്തുണ്ടാക്കിയതായിരിക്കും എന്നാണ് ഞാൽ കരുതിയത്.

സുഹൃത്തിനോട് ആരാഞ്ഞപ്പോൾ മുത്തച്ഛന്റെ ചിതാഭസ്മംകൊണ്ടുണ്ടാക്കിയതാണ് എന്ന് സുഹൃത്ത് വെളിപ്പെടുത്തുകയായിരുന്നു എന്ന് പെൺകുട്ടി ലോസ് ആഞ്ചലസ് ടൈംസിനോട് വെളിപ്പെടുത്തി. എന്തായാലും അത് കഴിച്ച സുഹൃത്തുക്കള്‍ ഇപ്പോള്‍ മാനസികമായി തളര്‍ന്നിരിക്കുകയാണ്.