മലയാള സിനിമയിലെ എക്കാലത്തെയും മികച്ച കൂട്ടുകെട്ടുകളിലൊന്നാണ് മോഹന്ലാലും ശ്രീനിവാസനും സത്യന് അന്തിക്കാടും തമ്മിലുള്ളത്. ഈ ത്രയം ഒരുമിച്ച ചിത്രങ്ങള് പ്രേക്ഷകര് ഇന്നും ഓര്ത്തിരിക്കുന്നവയാണ്. ഈ കൂട്ടുകെട്ട് വീണ്ടുമെത്തുന്നുവെന്ന തരത്തില് വാര്ത്തകള് പ്രചിച്ചിരുന്നു. അഭിമുഖങ്ങളില് നിരവധി തവണ ഇവര് ഈ ചോദ്യത്തിന് ഉത്തരം നല്കിയതുമാണ്. എന്നാല് ഈ കൂട്ടുകെട്ട് വീണ്ടുമെത്തുന്നുവെന്നുള്ള വാര്ത്തയാണ് ഇപ്പോള് പുറത്തുവന്നിട്ടുള്ളത്.
ശ്രീനിവാസന്റെ തിരക്കഥയും സത്യന് അന്തിക്കാടിന്റെ സംവിധാനവും മോഹന്ലാലിന്റെ അഭിനയവും അവിഭാജ്യ ഘടകമായി നില നിന്നിരുന്ന സമയമുണ്ടായിരുന്നു മലയാള സിനിമയില്. ഇവര് ഒരുമിച്ചെത്തിയ ചിത്രങ്ങള് ബോക്സോഫീസില് വന്വിജയമായിരുന്നു.
ഒന്നിനൊന്ന് വ്യത്യസ്തമായ നിരവധി ചിത്രങ്ങളുമായി സിനിമയില് തിളങ്ങി നില്ക്കുന്ന ഫഹദ് ഫാസിലാണ് ചിത്രത്തില് നായകനായെത്തുന്നതെന്നുള്ള റിപ്പോര്ട്ടുകളാണ് പുറത്തുവന്നിട്ടുള്ളത്. ഒരു ഇന്ത്യന് പ്രണയകഥയ്ര്ക്ക് ശേഷം സത്യന് അന്തിക്കാടും ഫഹദും വീണ്ടും ഈ ചിത്രത്തിലൂടെ ഒരുമിച്ചെത്തുകയാണ്.