ആരാധകലോകം ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ബ്ലെസ്സിയുടെ ‘ആടുജീവിതം’. ബെന്യാമിന്റെ പ്രശസ്തമായ ആടുജീവിതമാണ് ബ്ലെസി സ്ക്രീനിലെത്തിക്കുന്നത്. മാര്ച്ച് 24ന് ചിത്രം തിയ്യേറ്ററിലെത്തുകയാണ്. ചിത്രത്തിന്റേതായി പുറത്തുവന്ന അപ്ഡേറ്റുകളെല്ലാം ആരാധകര് ഹൃദയത്തിലേറ്റിയിരുന്നു,
ഇപ്പോഴിതാ ചിത്രത്തിലെ പുതിയ പോസ്റ്റര് സോഷ്യല് മീഡിയയില് വൈറലായിരിക്കുകയാണ്. പൃഥ്വിരാജ് സുകുമാരനും അമല പോളും ഒന്നിച്ചുള്ള റൊാമന്റിക് പോസ്റ്ററാണ് ശ്രദ്ധേയമാകുന്നത്. തനി നാടന് ലുക്കിലാണ് നജീബും സൈനുവുമുള്ളത്. നജീബിനെ പുറകില് നിന്ന് കെട്ടിപിടിക്കുന്ന സൈനുവാണ് പോസ്റ്ററില്. പൃഥ്വിരാജ് അവതരിപ്പിക്കുന്ന നജീബിന്റെ ഭാര്യ സൈനുവായിട്ടാണ് അമല പോള് ചിത്രത്തില് എത്തുന്നത്. ചിത്രത്തിന്റെ റിലീസിന് ദിവസങ്ങള് മാത്രം ശേഷിക്കെയാണ് ചിത്രത്തിന്റെ പോസ്റ്റര് ചോര്ന്നിരിക്കുന്നത്.
നജീബ് ആവാന് പൃഥ്വിരാജ് നടത്തിയ ശാരീരിക മാറ്റങ്ങള് ഏവരെയും ഞെട്ടിച്ചിരുന്നു. 2008-ല് പ്രാരംഭ വര്ക്കുകള് ആരംഭിച്ച ആടുജീവിതം വര്ഷങ്ങളുടെ തയ്യാറെടുപ്പുകള്ക്കൊടുവില് 2018 ലായിരുന്നു ചിത്രീകരണം ആരംഭിച്ചത്. ഏറ്റവുമധികം നാളുകള് നീണ്ടുപോയ ചിത്രത്തിന്റെ ഷൂട്ടിംഗ് കഴിഞ്ഞ വര്ഷം ജൂലൈ 14-നാണ് പൂര്ത്തിയാക്കിയത്. ജോര്ദാനിലെ മരുഭൂമിയിലായിരുന്നു ചിത്രത്തിന്റെ പ്രധാന ലൊക്കേഷന്.
പൃഥ്വിരാജിന്റെ കരിയറിലെ തന്നെ ഏറ്റവും വലിയ സിനിമയാണ് ആടുജീവിതം. ജിമ്മി ജീന് ലൂയിസ് (ഹോളിവുഡ് നടന്), കെ ആര് ഗോകുല്, പ്രശസ്ത അറബ് അഭിനേതാക്കളായ താലിബ് അല് ബലൂഷി, റിക്കബി എന്നിവരും ചിത്രത്തില് പ്രധാന വേഷങ്ങളിലെത്ത