കിടിലന്‍ മേക്കോവറില്‍ ഞെട്ടിച്ച് ആരാധ്യ ബച്ചന്‍!!

ആരാധകരേറെയുള്ള താരപുത്രിയാണ് ആരാധ്യ ബച്ചന്‍. അച്ഛന്റെയും അമ്മയുടെയും പാതയില്‍ സിനിമാ താരമല്ലെങ്കിലും ആരാധകരേറെയാണ് താരപുത്രിയ്ക്കുള്ളത്. ഇപ്പോഴിതാ താരപുത്രിയുടെ കിടിലന്‍ മേക്കോവറാണ് സോഷ്യലിടത്ത് നിറയുന്നത്. മുകേഷ് അംബാനിയുടെ മകന്‍ ആനന്ദ് അംബാനിയുടെയും രാധിക മര്‍ച്ചന്റിന്റെയും പ്രീ വെഡ്ഡിങ് ആഘോഷ ചടങ്ങില്‍ പങ്കെടുക്കാന്‍ അഭിഷേക് ബച്ചനും ഐശ്വര്യ റായ്ക്കും ഒപ്പമെത്തിയാണ് താരപുത്രിയും.

കുഞ്ഞ് നാള്‍ മുതല്‍ ആരാധ്യയെ കാണുന്നത് നെറ്റി മുഴുവന്‍ മറയ്ക്കുന്ന ഹെയര്‍ സ്‌റ്റൈലിലായിരുന്നു. അതിനെതിരെ വിമര്‍ശനവും നിറഞ്ഞിരുന്നു. നെറ്റിയിലെന്തോ പാട് മായ്ക്കാനാണെന്ന തരത്തിലും ഗോസിപ്പുകള്‍ നിറഞ്ഞിരുന്നു.

എന്നാല്‍ ഇപ്പോഴിതാ ആ പതിവ് ലുക്ക് മാറ്റി പിടിച്ചിരിക്കുകയാണ് താരം. പുതിയ സ്റ്റൈലിലുള്ള ആരാധ്യയുടെ ചിത്രങ്ങളും വീഡിയോയുമാണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്. മൂന്ന് ദിവസമായി നടക്കുന്ന ആനന്ദ് അംബാനിയുടെ പ്രീവെഡ്ഡിങ് ആഘോഷ പരിപാടിയില്‍ ബോളിവുഡ് താര ലോകം ഒന്നടങ്കം തന്നെ എത്തിയിട്ടുണ്ട്.

എല്ലാ യാത്രകളിലും പരിപാടികളിലും വേദികളിലുമെല്ലാം അമ്മ ഐശ്വര്യാ റായിയുടെ നിഴല്‍ പോലെ ആരാധ്യയുണ്ടാകാറുണ്ട്. മകളുടെ കൈപിടിച്ച് മാത്രമേ ആരാധ്യയെ കാണാറുള്ളു. അടുത്തിടെ ഐശ്വര്യയുടെ പിറന്നാള്‍ ദിനത്തില്‍ ആരാധ്യ നടത്തിയ പ്രസംഗവും സ്‌കൂളിന്റെ വാര്‍ഷികദിനത്തില്‍ അവതരിപ്പിച്ച നാടകത്തിലെ ആരാധ്യയുടെ കഥാപാത്രവുമെല്ലാം ഏറെ വൈറലായിരുന്നു.