തമിഴകത്തിന്റെ സൂപ്പര്‍ താരമാണ് അജിത്ത്. തമിഴ് സിനിമയുടെ തല. സിനിമയ്ക്ക് പുറമെയുള്ള അജിത്തിന്റെ ജീവിതം എന്നും ആരാധകര്‍ക്കൊരു നിഗൂഢത തന്നെയാണ്. പൊതുവേദികളിലോ അഭിമുഖങ്ങളിലോ എന്തിനേറെ പറയുന്നു സ്വന്തം സിനിമയുടെ പ്രൊമോഷന് പോലും അജിത്ത് പങ്കെടുക്കാറില്ല. ആ ഒരു പോളിസിയാണ് അജിത്ത് മുന്നോട്ടു വെയ്ക്കുന്നതും. താരമൂല്യം പരിഗണിച്ച്‌ അജിത്തിന്റെ നിബന്ധനയ്ക്ക് നിര്‍മാതാക്കള്‍ക്ക് വഴങ്ങാറാണ് പതിവ്. അതുകൊണ്ട് തന്നെ വര്‍ഷത്തില്‍ ഒരിക്കല്‍ വരുന്ന ഓരോ അജിത്ത് സിനിമയും ഉത്സവം പോലെ ആരാധകര്‍ ആഘോഷിക്കും. മറ്റൊരു താരത്തിനും ഒരുപക്ഷെ അസാധ്യമാണ് അജിത്തിന്റെ ഈ ജീവിതം. തന്റെ വ്യക്തി ജീവിതത്തെ അജിത്ത് സ്വകാര്യമായി വെക്കുന്നുണ്ടെങ്കിലും സിനിമകള്‍ പോലെ തന്നെ അജിത്തിന്റെ വ്യക്തി ജീവിതവും വാര്‍ത്തകളില്‍ നിറയാറുണ്ട്. താരത്തെക്കുറിച്ചുള്ള വാര്‍ത്തകള്‍ എന്നും ആവേശത്തോടെയാണ് ആരാധകര്‍ സ്വീകരിക്കാറുള്ളത്. അജിത്തിന്റെ പ്രണയവും എന്നും ചര്‍ച്ചയാകുന്ന ഒന്നാണ്. അജിത്തും ശാലിനിയും തമ്മിലുള്ള പ്രണയവും വിവാഹവുമൊക്കെ എല്ലാവര്‍ക്കും അറിയാവുന്നതാണ്. എന്നാല്‍ അജിത്ത് ശാലിനിയുമായി പ്രണയത്തിലാകുന്നതിനു മുമ്പ് മറ്റൊരു നടിയുമായി പ്രണയത്തിലായിരുന്നു. ഒരു കാലത്തെ മുന്‍നിര നായികയായ ഹീര രാജ്‌ഗോപാലുമായുള്ള അജിത്തിന്റെ പ്രണയം അന്ന് വലിയ വാര്‍ത്തയായിരുന്നു. ശാലിനിയുമായി അടുപ്പത്തിലാകും മുമ്പ് ഹീരയുമായി വളരെ സീരിയസായ പ്രണയത്തിലായിരുന്നു അജിത്ത്. കാതല്‍ കോട്ടൈ എന്ന സിനിമയുടെ ചിത്രീകരണത്തിനിടെയാണ് അജിത്തും ഹീരയും പ്രണയത്തിലാകുന്നത്. ഇരുവരും സെറ്റില്‍ വച്ച്‌ പരസ്പരം പ്രണയ ലേഖനങ്ങള്‍ കൈമാറുന്നത് പതിവായിരുന്നു എന്നാണ് അറിയാൻ കഴിയുന്നത്. പിന്നീട് തൊടരും എന്ന ചിത്രത്തിലും ഹീരയും അജിത്തും ഒരുമിച്ച്‌ അഭിനയിച്ചു. എന്നാല്‍ അജിത്തുമായുള്ള ബന്ധത്തിന് ഹീരയുടെ അമ്മ എതിരായിരുന്നു. കരിയറിന്റെ തുടക്കത്തില്‍, ഇത്ര ചെറിയ പ്രായത്തില്‍ മകള്‍ പ്രണയത്തിലാകുന്നത് അമ്മയ്ക്ക് അംഗീകരിക്കാനായില്ല. അജിത്ത് ഹീരയെ വിവാഹം കഴിക്കാനുള്ള ആഗ്രഹം ഹീരയുടെ അമ്മയെ അറിയിക്കുകയും ചെയ്തിരുന്നു.
അതേ സമയം കുറച്ച് കഴിഞ്ഞതോടെ ഹീരയും അജിത്തും പിരിയാന്‍ തീരുമാനിക്കുകയായിരുന്നു. ഇരുവരും പിരിയാനുള്ള യഥാര്‍ത്ഥ കാരണം എന്താണെന്ന് വ്യക്തമായി അറിയില്ലെങ്കിലും റിപ്പോര്‍ട്ടുകള്‍ പറയുന്നത് ഹീരയുടെ സമീപനത്തിലുണ്ടായ മാറ്റമാണ് അജിത്ത് പ്രണയ ബന്ധം അവസാനിപ്പിക്കാന്‍ കാരണം എന്നാണ്. ഇതിന് ശേഷമാണ് അജിത്ത് ശാലിനിയുമായി പ്രണയത്തിലാകുന്നത്. അപ്പോഴേക്കും ഹീര അഭിനയം തന്നെ ഉപേക്ഷിച്ചിരുന്നു. അജിത്തുമായുള്ള പ്രണയ തകര്‍ച്ചയും അജിത്ത് മറ്റൊരാളുമായി പ്രണയത്തിലായതുമൊക്കെയാണ് ഹീരയുടെ പിന്മാറ്റത്തിന് കാരണമായി പറയുന്നത്. 2000 ലായിരുന്നു അജിത്തും ശാലിനിയും വിവാഹിതരാകുന്നത്. തെന്നിന്ത്യയാകെ നിറഞ്ഞു നിന്നിരുന്ന നടിയായിരുന്നു ശാലിനി. മലയാളത്തിലും നിരവധി ഐക്കോണിക് ഹിറ്റുകള്‍ സമ്മാനിച്ച നായിക. എന്നാല്‍ വിവാഹ ശേഷം ശാലിനി സിനിമ ഉപേക്ഷിച്ചു. ഇരുവര്‍ക്കും രണ്ട് മക്കളുമുണ്ട്. ആരാധകരുടെ പ്രിയപ്പെട്ട താരദമ്പതികളാണ് ശാലിനിയും അജിത്തും. ഇവരുടെ വിശേഷങ്ങള്‍ എപ്പോഴും വാര്‍ത്തകാളിൽ ഇടം നേടാറുണ്ട്. അതേ സമയം തുനിവ് ആണ് അജിത്തിന്റെ ഒടുവില്‍ പുറത്തിറങ്ങിയ സിനിമ. എച്ച്‌ വിനോദ് സംവിധാനം ചെയ്ത ചിത്രത്തിലെ നായിക മലയാളത്തിന്റെ സൂപ്പര്‍ നായിക മഞ്ജു വാര്യര്‍ ആയിരുന്നു. പക്ഷെ ചിത്രത്തിന് പ്രതീക്ഷിച്ച വിജയം നേടാന്‍ സാധിച്ചില്ല. മണി ഹീസ്റ്റുമായുള്ള സാമ്യതയടക്കം ചിത്രത്തിന് കനത്ത വിമര്‍ശനങ്ങള്‍ നേടിക്കൊടുക്കുകയും ചെയ്തു. വിടാ മുയര്‍ച്ചിയാണ് അജിത്തിന്റെ പുതിയ സിനിമ. അജിത്തിന്റെ ശക്തമായ തിരിച്ചുവരവിനായി കാത്തിരിക്കുകയാണ് ആരാധകര്‍.
ഏതാനും മാസങ്ങൾക്ക് മുൻപ് കലാഭവൻ മാണിയുടെ സഹോദരനും പ്രശസ്ത നേതൃത്തകനുമായ ആർ എൽ വി രാമകൃഷ്ണൻ കറുത്തതാണെന്നും, മോഹിനിയാട്ടത്തിനു പറ്റിയ…
തെന്നിന്ത്യൻ സിനിമാ രംഗത്ത് ഒരു കാലത്തെ താര റാണിയായിരുന്നു നടി കെ ആർ വിജയ, ഇപ്പോഴിതാ തന്റെ കരിയറിലെയും, വ്യക്തി …
ലാൽ ജോസ് സംവിധാനം ചെയ്യ്ത അയാളും ഞാനും എന്ന ചിത്രത്തിലൂടെ ആണ് റോണി ഡേവിഡ് സിനിമ രംഗത്തേക് എത്തിയത്, എന്നാൽ…
ശരിക്കും ഡോക്ടറാണോ, ജോലി ഒന്നുമില്ലേ, തെണ്ടിത്തിരിമഞ്ഞൻ നടന്നാൽ മത്തിയോ എന്നൊക്കെയാണീ എലിസബത്ത് ഉദയൻനേരിടേണ്ടി വരുന്ന ചോദ്യങ്ങൾ. നടൻ ബാലയുടെ ഭാര്യയെന്ന…
ബോളിവുഡ് നടി സൊനാക്ഷി സിന്‍ഹയുടെ വിവാഹവുമായി ബന്ധപ്പെട്ട വാര്‍ത്തകളാണ് കുറച്ച് ദിവസങ്ങളായി തെന്നിന്ത്യൻ മാധ്യമങ്ങളിലടക്കം പ്രചരിക്കുന്നത്. എന്നാല്‍ നവദമ്പതികളായ സൊനാക്ഷിയും…
മലയാളത്തിൽ സജീവമല്ലയെങ്കിൽ പോലും തമിഴകത്ത് മികച്ച സിനിമകളുമായി കരിയറിൽ മുന്നേറുകയാണ് നടൻ കാളിദാസ് ജയറാം. റായൻ ആണ് കാളിദാസിന്റെ പുതിയ…