ചുരുക്കം ചില സിനിമകളിലൂടെ ബോളിവുഡില് ചുവടുറപ്പിച്ച താരമാണ് നടി നീതു ചന്ദ്ര. 2005ല് പുറത്തിറങ്ങിയ ഗരം മസാല എന്ന ചിത്രത്തിലൂടെയായിരുന്നു താരത്തിന്റെ ബോളിവുഡ് അരങ്ങേറ്റം. പിന്നീട് ഓയ് ലക്കി ലക്കി ഓയ് എന്ന സിനിമയിലൂടെ ബോളിവുഡിലെ ശ്രദ്ധേയ സാന്നിധ്യമായി മാറി. 2011-ല് പുറത്തിറങ്ങിയ കുഛ് ലവ് ജൈസാ എന്ന ചിത്രമാണ് താരത്തിന്റേതായി ഏറ്റവും ഒടുവില് പുറത്തിറങ്ങിയത്. 2005 ല് സിനിമയില് അരങ്ങേറ്റം കുറിച്ച ശേഷം കുറച്ച് വര്ഷങ്ങള്ക്കുള്ളില് തന്നെ നീതു മികച്ച ജനപ്രിയ ചിത്രത്തിനുള്ള ദേശീയ ചലച്ചിത്ര അവാര്ഡ് നേടിയിരുന്നു. ഓയ് ലക്കി ലക്കി ഓയ് എന്ന സിനിമയിലൂടെയായിരുന്നു ഈ നേട്ടം.