നടന് സുരേഷ് ഗോപിയുടെ മകള് ഭാഗ്യയുടെ വിവാഹാഘോഷമാണ് സോഷ്യല് മീഡിയയില് നിറയുന്നത്. താരങ്ങളെല്ലാം ഭാഗ്യയ്ക്ക് ആശംസകളുമായി എത്തിയിരുന്നു. ഇപ്പോഴിതാ വിവാഹത്തില് പങ്കെടുത്ത അനുഭവം പങ്കുവച്ചിരിക്കുകയാണ് നടി രചന നാരായണന്കുട്ടി. പ്രധാന മന്ത്രി നരേന്ദ്ര മോദിയും ഭാഗ്യയുടെ വിവാഹത്തിന് എത്തിയത് വേറിട്ട അനുഭവമായി.
ഓരോ കലാകാരനെയും പ്രധാനമന്ത്രിയ്ക്ക് പരിചയപ്പെടുത്തുന്നതില് സുരേഷേട്ടന് കാണിച്ച പആതിഥ്യമര്യാദയെ കുറിച്ചും ‘അയോധ്യയില് നിന്നുള്ള അക്ഷതം’ എന്ന പ്രധാനമന്ത്രിയുടെ ചിന്താപൂര്വ്വമായ സമ്മാനം, ചടങ്ങിന് ദൈവിക സ്പര്ശം നല്കുന്നതായിരുന്നുവെന്നും രചന ഫെയ്സ്ബുക്കില് കുറിച്ചു.
ഇന്നൊരു ശുഭദിനം ആയിരുന്നു. ഗുരുവായൂരപ്പന്റെ സന്നിധിയില് വച്ച് സുരേഷേട്ടന്റെ മകള് ഭാഗ്യയുടെയും, ശ്രേയസിന്റെയും വിവാഹ ചടങ്ങ് ഭംഗിയായി കഴിഞ്ഞു. പ്രധാനമന്ത്രി ശ്രീ നരേന്ദ്ര മോദിയുടെ സാന്നിധ്യം ചടങ്ങിന് പ്രൗഢി പകര്ന്നു. ഓരോ കലാകാരനെയും പ്രധാനമന്ത്രിക്ക് പരിചയപ്പെടുത്തുന്നതില് സുരേഷേട്ടന് കാണിച്ച പരിഗണന അദ്ദേഹത്തിന്റെ ഊഷ്മളതയും ആതിഥ്യമര്യാദയും പ്രകടമാക്കുന്ന ഒന്നായിരുന്നു.
ഒരു പൊതു വ്യക്തിയെന്ന നിലയിലുള്ള അദ്ദേഹത്തിന്റെ സ്ഥാനം മാത്രമല്ല, കലാപരമായ സമൂഹത്തോടുള്ള അദ്ദേഹത്തിന്റെ ആത്മാര്ത്ഥമായ വിലമതിപ്പും ഇതില് പ്രകടമായിരുന്നു. അത്തരം വ്യക്തിപരമായ ഇടപെടലുകള് ആഘോഷത്തെ കൂടുതല് ഹൃദ്യവും അവിസ്മരണീയവുമാക്കി.
‘അയോധ്യയില് നിന്നുള്ള അക്ഷതം’ എന്ന പ്രധാനമന്ത്രിയുടെ ചിന്താപൂര്വ്വമായ സമ്മാനം, ശുഭകരമായ സംഭവത്തിന് ഒരു ദൈവിക സ്പര്ശം നല്കുന്നതായിരുന്നു. അദ്ദേഹം ആ പ്രസാദം ഞാനുള്പ്പടെ അവിടെ നിന്ന എല്ലാ കലാകാരന്മാര്ക്കും, ഇന്ന് വിവാഹിതരായ മറ്റു ദമ്പതികള്ക്കും കൈമാറിയത് ദൈവീക അനുഭൂതിയായി മാറി.
ഇത്രയും സന്തോഷകരമായ നിമിഷങ്ങളെ കുറിച്ചോര്ക്കുമ്പോള്, ഇതൊരു അനുഗ്രഹമാണ്, എന്റെ കണ്ണന്, ഭഗവാന് കൃഷ്ണന്, അനുഗ്രഹിച്ചു തന്ന ഒരു പുണ്യ നിമിഷം! സത്സംഗം! ഞാന് എന്നും വിലമതിക്കുന്ന സത്സംഗം! ഗുരുവായൂരുമായുള്ള ദൈവിക ബന്ധവും ഈ സത്സംഗത്തിലൂടെ ലഭിച്ച അനുഗ്രഹങ്ങളും ഭൗതിക ആഘോഷങ്ങളെ മറികടക്കുന്ന ആത്മീയ പ്രാധാന്യത്തിന്റെ ഒരു ബോധം എന്നില് സൃഷ്ടിച്ചു… വീണ്ടും അമൃത് നുകരുന്ന അനുഭൂതി ഭഗവാന് സമ്മാനിച്ചു. ഭഗവാന് കൃഷ്ണന്റെ അനുഗ്രഹത്താല് നയിക്കപ്പെടുന്ന സ്നേഹവും, വിവേകവും, ദൈവിക കൃപയും നിറഞ്ഞ ഒരു യാത്ര ഭാഗ്യക്കും ശ്രേയസ്സിനും ഉണ്ടാകട്ടെ. ഭാഗ്യവും ശ്രേയസ്സും വര്ദ്ധിക്കട്ടെ. പ്രാര്ത്ഥന പ്രിയ സുരേഷേട്ടാ. .. ഈ സത്സംഗത്തില് എന്നേയും ചേര്ത്തു നിര്ത്തിയതിനു ഒരുപാട് സ്നേഹം ഒരുപാട് ബഹുമാനം സ്നേഹം എന്നാണ് രചന നാരായണന്കുട്ടി കുറിച്ചത്.
തന്റെ അംഗരക്ഷകന് മോശമായി പെരുമാറിയ ഭിന്നശേഷിക്കാരനായ ആരാധകനെ നേരില് കണ്ട് ചേര്ത്ത് നിര്ത്തി തെലുങ്ക് സൂപ്പര്സ്റ്റാര് നാഗാര്ജുന. ഭിന്നശേഷിക്കാരനായ യുവാവിനോടാണ്…
മലയാളത്തിന്റെ പ്രിയ താരമാണ് നടി മീര നന്ദന്. ദിലീപിന്റെ നായികയായി മുല്ല എന്ന ചിത്രത്തിലൂടെ മലയാള സിനിമയിലേക്കെത്തിയ നായികയാണ് മീര.…
അരുണ് ചന്തു സംവിധാനം ചെയ്ത സയന്സ് ഫിക്ഷന് സിനിമയായ 'ഗഗനചാരി' തിയ്യേറ്ററിലെത്തിയിരിക്കുകയാണ്. ഗോകുല് സുരേഷാണ് ചിത്രത്തില് നായകനായെത്തിയത്. ഇപ്പോഴിതാ ചിത്രത്തിന്റെ…
കോടികള് മുടക്കിയാണ് ഓരോ സിനിമയും തിയ്യേറ്ററിലെത്തുന്നത്. അക്കാലത്താണ് വെറും 5 ലക്ഷം മുടക്കി സന്തോഷ് പണ്ഡിറ്റ് സിനിമയെടുത്തത്. നടനായും സംവിധായകനും…
ജോജു ജോർജ് ആദ്യമായി രചന-സംവിധാനം നിർവഹിക്കുന്ന 'പണി' സിനിമ അണിയറയിൽ ഒരുങ്ങി കഴിഞ്ഞു. ചിത്രത്തെ കുറിച്ച് പ്രഖ്യാപന സമയം മുതൽ…
ബിഗ് ബോസ് അവതാരകനെന്ന നിലയിൽ മോഹൻലാലിനെ വലിയഒരു കൈയടിയാണ് നേടിക്കൊണ്ടിരിക്കുന്നത്, ഇപ്പോഴിതാ മോഹൻലാൽ എന്ന അവതരാകാനെപ്പറ്റിപറയുകയാണ് മുൻ ബിഗ് ബോസ്…