പ്രശസ്ത നടനോടൊപ്പം അഭിനയിക്കാന്‍ അവസരം, പക്ഷെ വിട്ടുവീഴ്ച്ച ചെയ്യണം; ദുരനുഭവം പറഞ്ഞ് നടി

സിനിമാ മേഖലയില്‍ നടിമാര്‍ തങ്ങള്‍ക്കുണ്ടായ ദുരനുഭവങ്ങള്‍ തുറന്നു പറയുന്ന കാലമാണിത്. നടന്മാര്‍ക്കും സംവിധായകന്മാര്‍ക്കും നിര്‍മ്മാതാക്കള്‍ക്കുമൊക്കെ എതിരെ നടിമാര്‍ പ്രതികരിക്കുന്നതും ദുരനുഭവങ്ങള്‍ തുറന്നു പറയുന്നതും വാര്‍ത്തയാകാറുണ്ട്. ഇപ്പോഴിതാ അവസരങ്ങള്‍ക്ക് വേണ്ടി നിര്‍മ്മാതാവ് ലൈംഗിക ബന്ധത്തിന് നിര്‍ബന്ധിച്ചതായി വെളിപ്പെടുത്തി രംഗത്തു വന്നിരിക്കുകയാണ് മിനി സ്‌ക്രീന്‍ പ്രേക്ഷകരുടെ പ്രിയ നടിയായ ശിവ്യ പതാനിയ. ഹിന്ദുസ്ഥാന്‍ ടൈംസിന് നല്‍കിയ അഭിമുഖത്തിലാണ് ശിവ്യ ഞെട്ടിക്കുന്ന വെളിപ്പെടുത്തലുകള്‍ നടത്തിയത്.‘ഹംസഫര്‍’ എന്ന ഷോയുടെ സംപ്രേക്ഷണം മുടങ്ങിയതോടെ എട്ട് മാസത്തോളം ജോലിയില്ലായിരുന്നുവെന്നും തന്റെ ജീവിതത്തിലെ ഏറ്റവും മോശം ഘട്ടമായിരുന്നു അതെന്നും പറഞ്ഞ ശിവ്യ അക്കാലഘട്ടത്തില്‍ തനിക്ക് നേരിടേണ്ടി വന്ന മോശം അനുഭവവും തുറന്നു പറഞ്ഞു. ‘എട്ടുമാസത്തോളം ജോലിയില്ലാതെ ഇരുന്ന അവസരത്തിലാണ് മുംബൈയിലെ സാന്താക്രൂസില്‍ ഒരു ഓഡിഷന് വിളി വരുന്നത്.
പ്രശസ്തനായ ഒരു നടനോടൊപ്പം പരസ്യം ചെയ്യണമെങ്കില്‍ വിട്ടു വീഴ്ച്ച ചെയ്യേണ്ടിവരുമെന്നും ് അയാള്‍ പറഞ്ഞു’. എന്നാണ് ശിവ്യ പറഞ്ഞത്.എന്നാല്‍, അയാള്‍ തന്നോട് ഇക്കാര്യം പറയുമ്പോള്‍ അയാള്‍ ലാപ്ടോപ്പില്‍ ഹനുമാന്‍ ചാലിസ കേട്ടുകൊണ്ടിരിക്കുകയായിരുന്നുവെന്നും നടി പറഞ്ഞു. തനി്ക്ക് ഒരിക്കലും മറക്കാന്‍ കഴിയാത്ത രസകരമായ അനുഭവമാണ് ഇതെന്നും അത് കേട്ടപ്പോള്‍ ചിരിയാണ് വന്നതെന്നും ശിവ്യ വെളിപ്പെടുത്തി. ‘നിങ്ങള്‍ക്ക് നാണമില്ലേ? ഭജന കേട്ടുകൊണ്ട് നിങ്ങള്‍ എന്താണ് പറയുന്നത്?’ എന്ന് ചിരിച്ചുകൊണ്ട് താന്‍ അയാളോട് ചോദിച്ചുവെന്നും ശിവ്യ കൂട്ടിച്ചേര്‍ത്തു. പിന്നീട്, ഏറെക്കാലത്തിന് ശേഷമാണ് നിര്‍മ്മാതാവ് എന്ന് സ്വയം പരിചയപ്പെടുത്തിയ അയാള്‍ വ്യാജനാണെന്ന് അറിഞ്ഞതെന്നും ശിവ്യ പറയുന്നു.