‘ഇന്ത്യയിലെ തന്നെ ഏറ്റവും മികച്ച ഡാര്‍ക് കോമഡി പടങ്ങളില്‍ ഒന്നാണ് മുകുന്ദന്‍ ഉണ്ണി അസോസിയേറ്റ്‌സ്’

വിനീത് ശ്രീനിവാസനെ നായകനാക്കി എഡിറ്റര്‍ അഭിനവ് സുന്ദര്‍ നായക് ആദ്യമായി സംവിധാനം ചെയ്യുന്ന ‘മുകുന്ദനുണ്ണി അസോസിയേറ്റ്’ എന്ന ചിത്രത്തിന് മികച്ച അഭിപ്രായമാണ് ലഭിച്ചത്. ചിത്രത്തിന്റെ ഫസ്റ്റ് ലുക്ക് പോസ്റ്ററുകളും, അഡ്വക്കേറ്റ് മുകുന്ദന്‍ ഉണ്ണിയുടെ ഇന്‍സ്റ്റാഗ്രാം സോഷ്യല്‍ മീഡിയയില്‍ ശ്രദ്ധ നേടിയിരുന്നു. ചിത്രീകരണത്തിന് മുന്‍പ് നേരത്തെ അനൗണ്‍സ്‌മെന്റ് പോസ്റ്റര്‍ പുറത്തുവിട്ടപ്പോള്‍ സോഷ്യല്‍ മീഡിയയില്‍ അത് വൈറലായിരുന്നു. വിനീതിന്റെ വ്യത്യസ്തമായ അഭിനയമായിരുന്നു ചിത്രത്തില്‍ കാണാന്‍ കഴിഞ്ഞത്. ഇപ്പോഴിതാ ചിത്രത്തെ കുറിച്ചുള്ള ഒരു കുറിപ്പാണ് ശ്രദ്ധേയമാകുന്നത്. ‘ഇന്ത്യയിലെ തന്നെ ഏറ്റവും മികച്ച ഡാര്‍ക് കോമഡി പടങ്ങളില്‍ ഒന്നാണ് മുകുന്ദന്‍ ഉണ്ണി അസോസിയേറ്റ്‌സെന്നാണ് അജിത്ത് പിവി മൂവീ ഗ്രൂപ്പില്‍ പങ്കുവെച്ച കുറിപ്പില്‍ പറയുന്നത്.

ഈ വര്‍ഷത്തെ ഏറ്റവും മികച്ച പടങ്ങളുടെ ലിസ്റ്റ് ഷെയര്‍ ചെയ്യുമ്പോള്‍ എല്ലാവരും തന്നെ വിട്ടു പോകുന്ന ചിത്രം. അതിന് കാരണം പലരും ഈ സിനിമ തീയറ്ററില്‍ നിന്ന് കണ്ടിട്ടില്ല എന്നുള്ളത് കൊണ്ടാണ്. അടുത്ത മാസം ഒട്ടിട്ടി യില്‍ വരുമ്പോള്‍ വാഴ്ത്തപെടാന്‍ പോകുന്ന സിനിമയാണിത് എന്ന് എനിക്ക് വളരെ ഉറപ്പാണ്. അന്നേരം ഈ സിനിമയുടെ തീയേറ്റര്‍ എക്‌സ്പീരിയന്‍സ് നഷ്ടമാക്കിയതില്‍ കുറ്റബോധം തോന്നുന്ന പ്രേക്ഷകരെ കാണുമ്പോള്‍ എനിക്ക് ഒരു അദ്ഭുതവും തോന്നില്ല. അത്രമേല്‍ മികച്ചതായിരുന്നു ഈ പടത്തിന്റെ അനുഭവം.
നായകന്റെ വിജയത്തിനൊപ്പം വലുതാകുന്ന സ്‌ക്രീന്‍ റേഷ്യോ മുതല്‍ ഓരോ സീനിലും പുതുമകള്‍ മാത്രം സമ്മാനിക്കുന്ന പടം.

ആ ചെറിയ സ്‌ക്രീന്‍ റേഷ്യോ ഒക്കെ ചെറിയ സ്‌ക്രീന്‍ ഉള്ള ഫോണില്‍ കാണുമ്പോള്‍ അത് ആസ്വാദനത്തെ നല്ല പോലെ ബാധിക്കും എന്ന് ഉറപ്പാണ്. എന്റെ അഭിപ്രായത്തില്‍ ഇന്ത്യയിലെ തന്നെ ഏറ്റവും മികച്ച ഡാര്‍ക് കോമഡി പടങ്ങളില്‍ ഒന്നാണ് മുകുന്ദന്‍ ഉണ്ണി അസോസിയേറ്റ്‌സ്. എല്ലാവര്‍ക്കും ഇഷ്ടപെടുന്ന ഒരു ജോണര്‍ അല്ല ഡാര്‍ക് കോമഡി. പക്ഷേ ആ ജോണര്‍ ഇഷ്ടപ്പെടുന്നവര്‍ക്ക് വളരെയധികം ആസ്വദിക്കുവാനും കഴിയും. അല്ലാത്തവര്‍ സിനിമയിലെ പല സീനുകളും മോശവും ക്രൂരവുമാണ് എന്ന് കണ്ട് വിവാദമാക്കുവാനുള്ള സാധ്യതയും നല്ല പോലെ കാണുന്നുണ്ട്. ഞാന്‍ ഈ വര്‍ഷം കണ്ട ഏറ്റവും മികച്ച പടം. ഇതിന് താഴെ മാത്രമേ ഞാന്‍ ജയ ജയ ജയ ഹേക്കും തല്ലുമാലക്കും എല്ലാം സ്ഥാനം കൊടുക്കുള്ളുവെന്ന് പറഞ്ഞാണ് കുറിപ്പ് അവസാനിപ്പിക്കുന്നത്.

Gargi

Recent Posts

22-ാം വിവാഹ വാര്‍ഷികത്തില്‍ പ്രിയതമയുടെ ഓര്‍മ്മകളുമായി ബിജിബാല്‍!!

മലയാളത്തിന്റെ പ്രിയ സംഗീത സംവിധായകനാണ് ബിജിബാല്‍. മലയാളിയുടെ പ്രിയ ഗാനങ്ങളില്‍ എപ്പോഴും ഇടംപിടിച്ചിട്ടുണ്ടാവും ബിജിപാലിന്റെ പാട്ട്. സോഷ്യലിടത്ത് സജീവമായ താരം…

4 hours ago

വറുത്തമീന്‍ കട്ടുതിന്നാന്‍ കയറി, പെട്ടുപോയി!! രക്ഷയായി ഫയര്‍ഫോഴ്‌സ്

പമ്മി പമ്മി അകത്തുകയറി കട്ട് തിന്നുന്നത് പൂച്ചകളുടെ സ്വഭാവമാണ്. എത്രയൊക്കെ സൂക്ഷിച്ചാലും എപ്പോഴെങ്കിലുമൊക്കെ അടുക്കളില്‍ കയറി ആവശ്യമുള്ളത് കഴിച്ച് സ്ഥലം…

4 hours ago

മകനോടൊപ്പം അയ്യപ്പ സന്നിധിയിലെത്തി രമേഷ് പിഷാരടി!!

കൊമേഡിയനായും നടനായും നിര്‍മ്മാതാവും മലയാള സിനിമയിലെ സജീവ സാന്നിധ്യമാണ് രമേഷ് പിഷാരടി. ആരാധകര്‍ക്ക് പ്രിയപ്പെട്ട താരമാണ് പിഷു. സോഷ്യലിടത്ത് സജീവമായ…

5 hours ago

ശബ്ദം നഷ്ടപ്പെട്ടുകൊണ്ടിരിക്കുന്നു…രോഗാവസ്ഥ വെളിപ്പെടുത്തി നടി ജോളി ചിറയത്ത്

അങ്കമാലി ഡയറീസ്, കടുവ, സുലൈഖ മന്‍സില്‍, തൊട്ടപ്പന്‍ തുടങ്ങിയ ചിത്രങ്ങളിലെ ശക്തമായി കഥാപാത്രങ്ങളിലൂടെ ആരാധകരെ സ്വന്തമാക്കിയ താരമാണ് നടി ജോളി…

5 hours ago

ആഘോഷങ്ങള്‍ ഇല്ല…50ാം ജന്മദിനം ആഘോഷമാക്കേണ്ടെന്ന് വിജയ്

ഇളയദളപതി വിജയിയുടെ അമ്പതാം ജന്മദിനാഘോഷം ആഘോഷമാക്കാനുള്ള കാത്തിരിപ്പിലായിരുന്നു ആരാധക ലോകം. എന്നാല്‍ ഇത്തവണത്തെ ആഘോഷപരിപാടികള്‍ ഒഴിവാക്കിയിരിക്കുകയാണ് താരം. തമിഴ്നാട് കള്ളക്കുറിച്ചിയിലെ…

5 hours ago

തൻറെ ആരോപണം തെറ്റാണ് എങ്കില്‍ മഞ്ജു വാര്യര്‍ നിഷേധിക്കട്ടെ, സനൽ കുമാർ

അടിക്കടി വിവാദങ്ങൾ ഉണ്ടാക്കുന്ന സംവിധായകാണാന് സനൽ കുമാർ ശശിധരൻ. ഇപ്പോഴിതാ മഞ്ജു വാര്യര്‍ക്കും മുഖ്യമന്ത്രി പിണറായി വിജയനുമെതിരെ ആരോപണങ്ങളുമായാണ് സനല്‍കുമാര്‍…

9 hours ago