‘താൻ മിണ്ടാതിരുന്നാൽ എല്ലാവർക്കും സമാധാനം കിട്ടും, അങ്ങനെയാകട്ടെ’; വീണ്ടും ചർച്ചയായി അൽഫോൺസ് പുത്രന്റെ പോസ്റ്റ്

സോഷ്യൽ മീഡിയയിൽ വീണ്ടും ചർച്ചകളിൽ നിന്ന് സംവിധായകൻ അൽഫോൺസ് പുത്രന്റെ പോസ്റ്റ്. താൻ ഇൻസ്റ്റഗ്രാമിൽ പോസ്റ്റിടുന്നത് അമ്മക്കും അച്ഛനും പെങ്ങൾമാർക്കും ഇഷ്ടമല്ലെന്നും അവരെ ബന്ധുക്കൾ പറഞ്ഞ് പേടിപ്പിക്കുകയാണെന്നുമാണ് അൽഫോൺസ് ഇപ്പോൾ കുറിച്ചിരിക്കുന്നത്. താൻ മിണ്ടാതിരുന്നാൽ എല്ലാവർക്കും സമാധാനം കിട്ടുമെന്നും അദ്ദേഹം പറയുന്നു.

“ഞാൻ ഇൻസ്റ്റഗ്രാമിൽ പോസ്റ്റിടുന്നത് എന്റെ അമ്മക്കും അച്ഛനും പെങ്ങൾമാർക്കും ഇഷ്ടമല്ലാത്തത് കൊണ്ടും അവരെ ഏതൊക്കെയോ ബന്ധുക്കൾ പറഞ്ഞ് പേടിപ്പിക്കുന്നത് കൊണ്ടും ഞാൻ ഇനി ഇൻസ്റ്റഗ്രാം ആൻഡ് ഫേസ്ബുക്ക് പോസ്റ്റുകൾ ഇടുന്നില്ല എന്ന് തീരുമാനിച്ചു. ഞാൻ മിണ്ടാതിരുന്നാൽ എല്ലാർക്കും സമാധാനം കിട്ടുമെന്ന് പറയുന്നു. എന്നാൽ അങ്ങനെ ആവട്ടെ. ഒരുപാട് പേരോട് നന്ദിയുണ്ട്” – അൽഫോൺസ് പുത്രൻ കുറിച്ചു.

പൃഥിരാജ് നായകനായി എത്തിയ ​ഗോൾഡ് എന്ന ചിത്രമാണ് അൽഫോൺസ് ഒടുവിൽ സംവിധാനം ചെയ്തത്. ചിത്രത്തിന് പക്ഷേ വേണ്ടത്ര ജനപ്രീതി നേടാൻ സാധിച്ചിരുന്നില്ല. പിന്നീട് ഇനി സിനിമകൾ ചെയ്യുന്നില്ലെന്ന് അൽഫോൺസ് പുത്രൻ പറഞ്ഞത് ഏറെ ചർച്ചകൾക്ക് കാരണായിരുന്നു. തനിക്ക് ആരോഗ്യപ്രശ്നങ്ങൾ ഉണ്ടാകാൻ കാരണം തിയറ്റർ ഉടമകളാണെന്നുള്ള ആരോപണം വരെ അൽഫോൺസ് ഉന്നയിച്ചിരുന്നു.