കൊച്ചി: നടി അമല പോളിന് ആൺകുഞ്ഞ് പിറന്നു. അമലയുടെ ഭർത്താവ് ജഗത് ദേശായി ഇൻസ്റ്റ റീലിലൂടെയാണ് ഈ സന്തോഷ വാർത്ത പങ്കുവെച്ചത്. മാസങ്ങൾക്ക് മുമ്പ് അമല ചിത്രങ്ങൾ പങ്കുവെച്ച് കൊണ്ട് താൻ ഗർഭിണി ആണെന്ന് അറിയിക്കുകയായിരുന്നു. ഗർഭകാല വിശേഷങ്ങളെല്ലാം സോഷ്യൽ മീഡിയയിലൂടെ അമല അറിയിച്ചിരുന്നു. ആടുജീവിതം പ്രമോഷൻ ടൈമിൽ ഗർഭിണിയായ അമല എത്തിയതും ചിത്രങ്ങളും വൈറലായി മാറുകയും ചെയ്തു.
View this post on Instagram
‘ഞങ്ങളുടെ കുഞ്ഞു വിസ്മയത്തെ കാണുക’ എന്ന് പറഞ്ഞാണ് അമലയും ജഗതും കുട്ടിയെ വീട്ടിലെത്തിക്കുന്ന ദൃശ്യങ്ങൾ പോസ്റ്റ് ചെയ്തത്. കഴിഞ്ഞ പതിനൊന്നിനാണ് കുഞ്ഞ് ജനിച്ചതെന്നും ജഗത് അറിയിച്ചു. ഇലൈ എന്നാണ് കുട്ടിക്ക് പേര് ഇട്ടിട്ടുള്ളത്. ഗുജറാത്തിലെ സൂറത്തിലായിരുന്ന അമല പോളിൻറെ ബേബി ഷവർ ആഘോഷിച്ചത്.
ഗുജറാത്തിയായ ജഗതിൻറെ ആചാര പ്രകാരമായിരുന്നു ഈ ചടങ്ങുകൾ. ആടുജീവിതമാണ് അമല അഭിനയിച്ച അവസാന ചിത്രം. ചിത്രം ബോക്സോഫീസിൽ വമ്പൻ വിജയമായിരുന്നു. 2023 നവംബർ ആദ്യ വാരമായിരുന്നു അമല പോളിൻറെ വിവാഹം. ഗോവയിൽ ഹോസ്പിറ്റാലിറ്റി മേഖലയിൽ പ്രവർത്തിക്കുന്ന സൂറത്ത് സ്വദേശി ജഗത് ദേശായിയാണ് അമലയുടെ ഭർത്താവ്.