ഇങ്ങനെയും ഒരു നിർമ്മാതാവോ! ‘സിനിമ പൂർത്തിയായി കഴിഞ്ഞാണ് അക്കാര്യം ഓർത്തത്’; അനിമൽ സംവിധായകന്റെ വാക്കുകൾ

കബിർ സിംഗ് മുതൽ പ്രഭാസിന്റെ സ്പിരിറ്റ് ആൻഡ് ബിയോണ്ട് വരെ ചലച്ചിത്ര നിർമ്മാതാവ് ഭൂഷൺ കുമാറും സംവിധായകൻ സന്ദീപ് റെഡ്ഡി വാംഗയും തമ്മിലുള്ള കൂട്ടുകെട്ട് തുടരുകയാണ്. അനിമൽ പാർക്ക്, അല്ലു അർജുൻ നായകനായ പേരിടാത്ത ചിത്രം എന്നിവയാണ് ഈ ശ്രേണിയിലെ ഏറ്റവും പുതിയവ. കൂട്ടുകെട്ടിലെ സർഗ്ഗാത്മക സ്വാതന്ത്ര്യത്തിന് ഏറ്റവും നല്ല ഉദാഹരണങ്ങളാണ് അവരുടെ കബീർ സിംഗും അനിമലും.

ഭൂഷൺ കുമാർ ഒരു നിർമ്മാതാവായിരിക്കുമ്പോൾ തന്നെ ദൃഢമായ പിന്തുണയും നൽകുന്നുവെന്ന് വിശദീകരിച്ച വാംഗ ഭൂഷൺ കുമാറുമായുള്ളത് പ്രൊഫഷണൽ കൂട്ടുകെട്ട് മാത്രമല്ല, ഒരു പരമ്പരാഗത കൂട്ടുകെട്ടിനപ്പുറമുള്ളതുമാണെന്ന് വ്യക്തമാക്കി. ഭൂഷൺ കുമാറിന്റെ ശക്തമായ പിന്തുണകൊണ്ട് മാത്രമാണ് അനിമൽ യാതൊരു ബുദ്ധിമുട്ടുമില്ലാതെ പൂർത്തിയാക്കാനായതെന്ന് വാംഗ പറയുന്നു. ഗാനങ്ങളുടെ തെരഞ്ഞെടുപ്പിലും ഷൂട്ടിംഗ് അന്തരീക്ഷം തെരഞ്ഞെടുക്കുന്നതിലുമെല്ലാം ആ സ്വാതന്ത്ര്യം ലഭിക്കുന്നുവെന്നും അദ്ദേഹം വ്യക്തമാക്കി.

ഒരു സംവിധായകന് അതിൽക്കൂടുതലൊന്നും വേണ്ടെന്നും അദ്ദേഹം പറയുന്നു. ചിത്രം പൂർത്തിയായ ശേഷമാണ് തങ്ങൾ ബജറ്റ് ചർച്ച നടത്തിയിട്ടില്ലെന്ന് താൻ തിരിച്ചറിഞ്ഞതെന്നും അദ്ദേഹം കൂട്ടിച്ചേർത്തു. ചില കഥകളുടെ സമയക്ലിപ്തതയും സർഗ്ഗാത്മക വശവും മനസ്സിലാക്കി ഭൂഷൺ കുമാർ തനിക്കൊപ്പം നിന്നുവെന്നും വാംഗ അറിയിച്ചു. ഈ വിശ്വാസമാണ് ഈ കൂട്ടുകെട്ടിനെ പ്രഭാസിന്റെ സ്പിരിറ്റിലേക്കും അനിമൽ പാർക്കിലേക്കും അല്ലു അർജ്ജുൻ ചിത്രത്തിലേക്കും എത്തിച്ചത്. ഇന്ത്യൻ പ്രേക്ഷകർക്ക് വേണ്ടി ഉയർന്ന നിലവാരമുള്ള സിനിമകൾ നിർമ്മിക്കാനാണ് ഭൂഷൺ കുമാർ ലക്ഷ്യമിടുന്നത്. അനിമലിലെ അച്ഛൻ, മകൻ ബന്ധം പറയുന്ന കഥയാണ് ഭൂഷൺ കുമാറിനെ ആകർഷിച്ചത്. പ്രണയ് റെഡ്ഡി വാംഗയെ പോലെ ഒരു സഹനിർമ്മാതാവിനെയും കിട്ടിയതോടെ അദ്ദേഹം സന്തുഷ്ടനായി. ഭാവിയിൽ ഇന്ത്യൻ പ്രേക്ഷകരെ സന്തോഷിപ്പിക്കുന്ന കൂടുതൽ നല്ല സിനിമകൾ ഈ കൂട്ടുകെട്ടിൽ നിന്നുമുണ്ടാകുമെന്നാണ് പ്രതീക്ഷിക്കപ്പെടുന്നത്.