‘എണ്ണത്തിലല്ല വേഷത്തിലാണ് കാര്യം’ വൈറൽ ഫോട്ടോ ഷൂട്ടുമായ് അന്ന ബെൻ

‘കുമ്ബളങ്ങി നൈറ്റസ്’ മലയാളികൾ അതുവരെ കണ്ട സിനിമകളിൽ നിന്നും വളരെ വ്യത്യസ്ത പ്രേമേയം കൊണ്ടും അവതരണ ശൈലി കൊണ്ടും പ്രേക്ഷക ഇഷ്ടം നേടിയെടുത്ത മലയാള സിനിമ. ആ സിനിമയിൽ ബേബി മോൾ എന്ന വേഷം ചെയ്ത അന്ന ബെൻ മലയാളി മനസ് കീഴടക്കുകയായിരുന്നു. പിന്നീട് ‘ഹെലനാ’യി മലയാള സിനിമയില്‍ തന്റേതായ ഒരിടം സ്ഥാപിച്ചെടുക്കാന്‍ അന്നയ്ക്ക് കഴിഞ്ഞു. എണ്ണത്തിലല്ല ചെയ്യുന്ന വേഷങ്ങളിലാണ് പ്രാധാന്യം എന്നത് തന്നെയാണ് കരിയറിനെക്കുറിച്ചുള്ള അന്നയുടെ കാഴ്ചപ്പാട്.

കുമ്ബളങ്ങി നൈറ്റ്‌സിലെ ബേബി മോള്‍ ആണ് തനിക്ക് ഏറ്റവും പ്രിയപ്പെട്ട കഥാപാത്രമെന്നും വീട്ടുകാര്‍ക്കും സുഹൃത്തുക്കള്‍ക്കും ഒപ്പം താന്‍ ഏഴോ എട്ടോ തവണ കുമ്ബളങ്ങി നൈറ്റ്സ് തിയറ്ററില്‍ പോയി കണ്ടെന്ന് തുറന്നുപറഞ്ഞിരിക്കുകയാണ് അന്ന. രണ്ടാം ചിത്രമായിരുന്ന ഹെലനിലെ ടൈറ്റില്‍ കഥാപാത്രത്തേക്കാള്‍ തനിക്ക് ആത്മബന്ധം കുമ്ബളങ്ങിയിലെ ‘ബേബി’യുമായാണെന്ന് അന്ന പറയുന്നു.

കുമ്ബളങ്ങി നെെറ്റ്‌സിനും ഹെലനും ശേഷം കപ്പേളയിലൂടെ പ്രേക്ഷകരെ ഞെട്ടിക്കാനുള്ള ഒരുക്കത്തിലാണ് അന്ന ബെന്‍. കഥാസ്‌ അണ്‍ടോള്‍ഡിന്റെ ബാനറില്‍ വിഷ്ണു വേണു നിര്‍മ്മിച്ച്‌ അന്നാ ബെന്‍, ശ്രീനാഥ്‌ ഭാസി, റോഷന്‍ മാത്യു, സുധി കോപ്പ എന്നിവര്‍ കേന്ദ്രകഥാപാത്രങ്ങളാകുന്ന ‘കപ്പേള’ സംവിധാനം ചെയ്യുന്നത്‌ അഭിനേതാവ്‌ കൂടിയായ മുഹമ്മദ്‌ മുസ്തഫയാണ്‌. ജിംഷി ഖാലിദ്‌ ഛായാഗ്രഹണവും, നൗഫല്‍ അബ്ദുള്ള ചിത്രസംയോജനവും സുഷിന്‍ ശ്യാം സംഗീതസംവിധാനവും നിര്‍വ്വഹിക്കുന്നു.

ബോറടി മാറ്റാനായി താന്‍ തിരഞ്ഞെടുക്കുന്നത് സംഗീതവും ചിത്രകലയുമാണെന്ന് കൂടാതെ സൈക്കോളജിയില്‍ പിജി ചെയ്യാനാണ് തന്റെ ആഗ്രഹം എന്നാണ് അന്ന പറയുന്നത്. ജെഎഫ്ഡബ്ല്യു മാഗസിനുവേണ്ടി നടത്തിയ ഫോട്ടോ ഷൂട്ടിന്റെ ബിഹൈന്‍ഡ് ദി സീന്‍സ് വിഡിയോയിലാണ് അന്ന ഇതേക്കുറിച്ച്‌ പറയുന്നത്.