‘മൗത്ത് പബ്ലിസിറ്റിയിലൂടെ കൂടുതൽ ആളുകളിലേക്ക് എത്താൻ പോകുന്ന ചിത്രം ആയിരിക്കുമിത്’

മെയ് 10ന് തിയറ്റർ റിലീസ് ചെയ്ത മജു ചിത്രം ‘പെരുമാനി’ മികച്ച അഭിപ്രായങ്ങളോടെ തിയറ്ററുകളിൽ പ്രദർശനം തുടരുകയാണ്. കഥ, കഥാപാത്രങ്ങൾ, സംഭാഷണങ്ങൾ, പശ്ചാത്തല സംഗീതം, പ്രോപ്പർട്ടി തുടങ്ങി സൂക്ഷ്മമായ കാര്യങ്ങളിൽ പോലും വ്യത്യസ്തത പുലർത്തിയ ചിത്രം പ്രേക്ഷകഹൃദയങ്ങൾ ആകർഷിക്കുന്ന വിധത്തിലാണ് ഒരുക്കിയിരിക്കുന്നത്. ഇപ്പോഴിതാ ചിത്രത്തെ കുറിച്ചുള്ള ഒരു കുറിപ്പാണ് വൈറലാകുന്നത്. മൗത്ത് പബ്ലിസിറ്റിയിലൂടെ കൂടുതൽ ആളുകളിലേക്ക് എത്താൻ പോകുന്ന ചിത്രം ആയിരിക്കുമിത് എന്നാണ് ആൻസൻ ജേക്കബ് മൂവീ ​ഗ്രൂപ്പിൽ പങ്കുവെച്ച കുറിപ്പിൽ പറയുന്നത്.

#പെരുമാനി.. ഒറ്റവാക്കിൽ അസ്സൽ ഒരു ഫീൽഗുഡ് മൂവി… ????
ആദ്യഷോ കണ്ടു. കാണുവാനുള്ള കാരണം സുഹൃത്ത് ഷിജിത് മണവാളൻ… മണവാളന് മികച്ച ഒരു വേഷമാണ് ചിത്രത്തിൽ കിട്ടിയിരിക്കുന്നത്… ????
മൗത്ത് പബ്ലിസിറ്റിയിലൂടെ കൂടുതൽ ആളുകളിലേക്ക് എത്താൻ പോകുന്ന ചിത്രം ആയിരിക്കുമിത്.. നമ്മൾ കണ്ടു മറന്ന ശ്രീനിവാസൻ , ജയറാം.. എന്നിവരുടെയൊക്കെ പഴയകാല ചിത്രങ്ങളെ അനുസ്മരിപ്പിക്കുന്ന വിധമാണ് ഈ ചിത്രത്തിന്റെ മേക്കിങ്.. ????
നല്ല കോമഡി സിനിമയാണ് എല്ലാതരം പ്രേക്ഷകർക്കും ഇഷ്ടപ്പെടുമെന്ന് ഉറപ്പ്.. വിനയ് ഫോർട് ,സണ്ണി വെയ്ൻ , ലുക്മാൻ അവറാൻ , നവാസ് വള്ളിക്കുന്ന് , മുഹമ്മദ്‌ എരവട്ടൂർ തുടങ്ങിയവരോടൊപ്പം ഒട്ടേറെ പുതുമുഖങ്ങളും ഈ ചിത്രത്തിൽ മികച്ച അഭിനയമാണ് കാഴ്ചവച്ചത്… വിനയ് ഫോർട്ടിന്റെ അഴിഞ്ഞാട്ടമായിരുന്നു.. ????
നായിക ദീപ തോമസ്.. ????????
കാതടപ്പിക്കുന്ന ശബ്ദ കോലാഹലങ്ങൾ ഇല്ലാതെ ഗോപി സുന്ദർ ചെയ്തു വെച്ച മ്യൂസിക് ഗഭീരം…????
ക്യാമറ… ???????? ഓരോ ഫ്രെയിമും… ???????? അത്പോലെ ഇതിലെ കോസ്റ്റ്യൂം , ചിത്രത്തിൽ ഉപയോഗിച്ചിരിക്കുന്ന പ്രോപ്പർട്ടീസ് ,വാഹനങ്ങൾ വീടുകൾ.. എല്ലാം നമ്മളുടെ കൺകുളിർപ്പിക്കും.. ????
മണവാളനെ കുറിച്ച് കൂടുതൽ പൊക്കിയടിക്കുന്നൊന്നുമില്ല.. ഈ സിനിമയിലെ സകല പൊല്ലാപ്പുകളും ഉണ്ടാക്കുന്നത് ഇവനാണ്.മണവാളനെ മലയാളം സിനിമ കൊണ്ട്പോകും.. ഉറപ്പ്.. ????
അപ്പൻ എന്ന സിനിമയ്ക്ക് ശേഷം മജു സംവിധാനം ചെയ്ത ചിത്രമാണ് പെരുമാനി… പെരുമാനി എന്ന സങ്കല്പിക ഗ്രാമത്തിലെ കഥയാണ് മജു ഇതിലൂടെ പറഞ്ഞു വെക്കുന്നത്…ധൈര്യമായി ടിക്കറ്റ് എടുക്കാം…????
ആൻസൻ ജേക്കബ്. ????