അവള്‍ എനിക്ക് സഹോദരി മാത്രമല്ല..! വിവാഹ ഫോട്ടോകള്‍ പങ്കുവെച്ച് ആര്യ!

അവതാരികയായും നടിയായും പ്രേക്ഷക മനസ്സില്‍ ഇടം നേടിയ താരമാണ് ആര്യ. ഇപ്പോഴിതാ ആര്യയുടെ സഹോദരിയുടെ വിവാഹ വിശേഷങ്ങളും ഫോട്ടോകളുമാണ് സോഷ്യല്‍ മീഡിയയില്‍ ശ്രദ്ധ നേടുന്നത്. എനിക്ക് അവള്‍ സഹോദരി മാത്രമല്ല.. എന്റെ ആദ്യത്തെ മകളാണ്.. എന്ന് കുറിച്ചാണ് ആര്യ സഹോദരിയുടെ വിവാഹ ചിത്രങ്ങള്‍ പങ്കുവെച്ചിരിക്കുന്നത്. അഞ്ചന എന്നാണ് ആര്യയുടെ സഹോദരിയുടെ പേര്. അഖിലാണ് അഞ്ചനയുടെ ജീവിത പങ്കാളി.

സഹോദരിക്കൊപ്പം ഒരു കല്യാണപ്പെണ്ണിനെ പോലെ തന്നെ സുന്ദരിയായി ഒരുങ്ങിയാണ് ആര്യ പ്രത്യക്ഷപ്പെട്ടത്. ആര്യയുടെ തന്നെ ബിസിനസ് സംരംഭമായ കാഞ്ചീവരത്തില്‍ നിന്നാണ് രണ്ട് പേരും ഈ വിശേഷ ദിനത്തില്‍ അണിഞ്ഞിരിക്കുന്ന സാരി. ആര്യയുടെ അടുത്ത സുഹൃത്ത് കൂടിയായ ശബരിനാഥാണ് സ്റ്റൈലിംഗ് ചെയ്തിരിക്കുന്നത്. സിജന്‍ ആണ് ഇരുവരേയും സുന്ദരികളാക്കി ഒരുക്കിയത്.

വെഡ്ഡിംഗ് എലമെന്റ്‌സ് ഫോട്ടോഗ്രാഫിയാണ് ആര്യയുടേയും സഹോദരിയുടേയും ഫോട്ടോകള്‍ പകര്‍ത്തിയിരിക്കുന്നത്.തന്റെ അനുജത്തിയെ സുന്ദരിയാക്കി ഒരുക്കിയതിന് ആര്യ സുഹൃത്തുക്കള്‍ക്ക് നന്ദിയും അറിയിക്കുന്നുണ്ട്. അച്ഛന്റെ മരണ ശേഷം കുടുംബത്തിന്റെ ചുമതല ഏറ്റെടുത്ത് ആര്യ തന്നെയാണ് ഇപ്പോള്‍ സഹോദരിയുടെ വിവാഹവും മുന്നില്‍ നിന്ന് നടത്തിയത്.

ആര്യയെ കുറിച്ച് ഓര്‍ത്ത് അഭിമാനം ഉണ്ടെന്നാണ് താരത്തിന്റെ സുഹൃത്തുക്കളും പറയുന്നത്. അച്ഛന്‍ ബാക്കി വെച്ച് പോയ സ്വപ്‌നമായിരുന്നു തന്റെ അനിയത്തിയുടെ വിവാഹം എന്ന് ആര്യ പറഞ്ഞിരുന്നു. സഹോദരിയുടെ വിവാഹം തന്റെ ഏറെക്കാലത്തെ സ്വപ്‌നമാണെന്നും ഒരുപാട് കഷ്ടപ്പാടുകളുടെ ഫലമാണിത് എന്നും ആര്യ പറഞ്ഞിരുന്നു.

തന്റെ കൂടെപിറപ്പിന്റെ വിവാഹം ഒരുപാട് നാളത്തെ പ്ലാനിംഗോട്കൂടിയാണ് ആര്യ നടത്തിയത്. അഞ്ചനയുടെ സേവ് ദ ഡേറ്റ്, ഹല്‍ദി ഫോട്ടോകള്‍ എല്ലാം സോഷ്യല്‍ മീഡിയയില്‍ ശ്രദ്ധ നേടിയിരുന്നു. ഇപ്പോള്‍ വിവാഹ ഫോട്ടോകളും ശ്രദ്ധ നേടുകയാണ്.