സീരിയൽ എഴുത്തുകാരെയും അതിൽ അഭിനയിക്കുന്ന നടീ  നടന്മാരെയും പുശ്ചിച്ച് ബുദ്ധി ജീവി ജൂബ്ബ ഇടുന്ന ചിലർ, അത് അവരുടെ അവകാശം, അവരോടും ബഹുമാനം മാത്രം

മലയാളത്തിലെ ടെലിവിഷൻ അവാർഡ് നല്കാൻ യോഗ്യതയുള്ള ഒരു സീരിയൽ പോലും മലയാളത്തിൽ ഇല്ല എന്ന ജൂറിയുടെ പരാമർശത്തിനെതിരെ നിരവധി പേരാണ് രംഗത്ത് എത്തിയത്, ഇതിനെ സപ്പോർട്ട് ചെയ്തും നിരവധി ആളുകൾ എത്തിയിരുന്നു, ഇപ്പോൾ ജൂറിയുടെ ഈ പരാമർശത്തിനെതിരെ  നടി അശ്വതി പങ്കുവെച്ച ഒരു പോസ്റ്റാണ് ഏറെ ശ്രദ്ധ നേടുന്നത് , ഏത് സീരിയലിൽ ആണ് സാർ സ്ത്രീധന പ്രശ്നത്തിൻ്റെ പേരിൽ ഭർത്താവ് ഭാര്യയെ മൂർഖൻ പാമ്പിനെ കൊണ്ട് കൊത്തിച്ച് കൊന്നിട്ടുള്ളത് ? ഏത് സീരിയലിൽ ആണ് സാർ വാളയാറിലെ പോലെ കുഞ്ഞ് പൈതങ്ങളുടെ ചോര പുരണ്ട പെറ്റിക്കോട്ടുകൾ കാറ്റിൽ പറന്നിട്ടുള്ളത് ? ഏത് സീരിയലിൽ ആണ് സാർ പ്രണയാഭ്യർത്ഥന നിരസിച്ച യുവതിയെ വീട്ടിൽ കയറി വെടിവച്ചും… കഴുത്തറത്തും… പെട്രൊൾ ഒഴിച്ച് കത്തിച്ചും കൊന്നിട്ടുള്ളത് ? എന്നാണ് അശ്വതി ചോദിക്കുന്നത്.

അശ്വതിയുടെ വാക്കുകൾ ഇങ്ങനെ, എനിക്ക് കഴിഞ്ഞ ദിവസം ഫോർവേഡ് ആയി കിട്ടിയ മെസ്സേജ് ആണിത്… അതിൽ പറഞ്ഞിരിക്കുന്ന ഓരോ വാക്കുകളും ഞാൻ കൂടി അടങ്ങിയിട്ടുള്ള സീരിയൽ കുടുംബത്തിൽ ഉള്ള എല്ലാവരും ചോദിക്കാൻ ആഗ്രഹിക്കുന്ന കാര്യങ്ങൾ ആയതു കൊണ്ട് പോസ്റ്റുന്നു  ബഹുമാനമുള്ള മന്ത്രിയും നിലവാരം കൂടിയ ജൂറിയും അറിയാൻ….. കേരളത്തിലെ സീരിയലുകൾക്കൊന്നും നിലവാരമില്ല സ്ത്രീകളെയും കുട്ടികളെയും മോശമായി ചിത്രീകരിക്കുന്നു. അത് കൊണ്ട് അവാർഡ് ഇല്ല എന്നു കണ്ടു. കുറെ പേർ കൈയടിക്കുന്നതും കണ്ടു. ജനപ്രിയ – സീരിയൽ എഴുത്തുകാരെയും അതിൽ അഭിനയിക്കുന്ന നടീ- നടന്മാരെയും പുശ്ചിച്ച് ബുദ്ധി ജീവി ജൂബ്ബ ഇടുന്ന ചിലർ. അത് അവരുടെ അവകാശം. അവരോടും ബഹുമാനം മാത്രം ! മെഗാസീരിയലുകൾ ആണല്ലോ സാർ ഇപ്പോൾ കേരളം നേരിടുന്ന ഏറ്റവും വലിയ സാമൂഹ്യ വിപത്ത് !!! അല്ലേ ? കൊള്ളാം…

ഇത് ഒരു ന്യായീകരണ കുറിപ്പ് ഒന്നുമല്ല. എങ്കിലും… ചില സംശയങ്ങൾ ചോദിച്ചോട്ടെ സാർ, ഏത് സീരിയലിൽ ആണ് സാർ സ്ത്രീധന പ്രശ്നത്തിൻ്റെ പേരിൽ ഭർത്താവ് ഭാര്യയെ മൂർഖൻ പാമ്പിനെ കൊണ്ട് കൊത്തിച്ച് കൊന്നിട്ടുള്ളത് ? ഏത് സീരിയലിൽ ആണ് സാർ വാളയാറിലെ പോലെ കുഞ്ഞ് പൈതങ്ങളുടെ ചോര പുരണ്ട പെറ്റിക്കോട്ടുകൾ കാറ്റിൽ പറന്നിട്ടുള്ളത് ? ഏത് സീരിയലിൽ ആണ് സാർ പ്രണയാഭ്യർത്ഥന നിരസിച്ച യുവതിയെ വീട്ടിൽ കയറി വെടിവച്ചും… കഴുത്തറത്തും… പെട്രൊൾ ഒഴിച്ച് കത്തിച്ചും കൊന്നിട്ടുള്ളത് ? ഏത് സീരിയലിൽ ആണ് സാർ വർഗ്ഗത്തിൻ്റെയും – വർണ്ണത്തിൻ്റെയും – തൊലിയുടെ നിറത്തിൻ്റെയും പേരിൽ വിഭാഗീയതയും വിവേചനവും ഉണ്ടാക്കിയിട്ടുള്ളത് ? .ഏത് സീരിയലിൽ ആണ് സാർ ചെയ്യാത്ത മോഷണക്കുറ്റത്തിന് എട്ടു വയസ്സുകാരി നടുറോഡിൽ നിന്ന് നിലവിളിക്കേണ്ടി വന്നത് ? ഏത് സീരിയലിൽ ആണ് സാർ സ്വർണ്ണക്കടത്തും മയക്ക് മരുന്ന് കടത്തും കുഴൽപ്പണ കടത്തും കാണിച്ചിട്ടുള്ളത് ? ഏത് സീരിയലിൽ ആണ് സാർ ഏതെങ്കിലും മതത്തെയോ … ദൈവത്തെയോ അപഹസിച്ചിട്ടുള്ളത് …

അപമാനിച്ചിട്ടുള്ളത് ? . ഏത് സീരിയലിൽ ആണ് സാർ വണ്ടിപ്പെരിയാറിലെ പോലെ മൂന്ന് വയസ്സ് മുതൽ ഒരു പിഞ്ച് കുഞ്ഞ് അടിമയാക്കി നോവിക്കപ്പെട്ടിട്ടുള്ളത്. ഏത് സീരിയലിൽ ആണ് സാർ പച്ചച്ചോര ചിതറുന്ന മത – രാഷ്ട്രീയ സംഘർഷങ്ങൾ കാണിച്ചിട്ടുള്ളത് ? ഏത് സീരിയലിൽ ആണ് സാർ സദാചാര പൊലീസിംഗ് കാണിച്ചിട്ടുള്ളത് ? ഒന്നിച്ച് സഞ്ചരിക്കുന്ന അമ്മയ്ക്കും മകനും ബന്ധത്തിൻ്റെ DNA സർട്ടിഫിക്കറ്റ് കാണിക്കേണ്ടി വന്നിട്ടുള്ളത് ? # നിത്യേന പിടിയിലാകുന്ന എത്ര കൊടും ക്രിമിനലുകൾ ജീവിതത്തിൽ മെഗാസീരിയലുകൾ കണ്ടിട്ടുണ്ട് സാർ ? അന്വേഷിക്കണം .. പരിമിതികളിൽ നിന്നുള്ള , ഒരു പറ്റം കലാകാരന്മാരുടെ കൂട്ടായ്മ ആണ് സാർ ഇത്. മക്കൾ പോലും തിരിഞ്ഞു നോക്കാത്ത ഒരു പറ്റം വൃദ്ധജന്മങ്ങൾ ആനന്ദം കണ്ടെത്തുന്നത് ടി.വി പരിപാടികളിൽ ആണ്. അല്ലാതെ ഒൻപത് മണിയുടെ ഉദാത്തമായ രാഷ്ട്രീയ അന്തി ചർച്ചയും പോർവിളികളും കണ്ടിട്ടല്ല. വിമർശനങ്ങളെ പൊസിറ്റീവ് ആയി തന്നെ കാണുന്നു. കൂടുതൽ മെച്ചപ്പെടാൻ ശ്രമിക്കും. ഉറപ്പ്. പക്ഷേ, ദയവായി ഒന്ന് ഓർക്കണം… വളഞ്ഞിട്ട് ആക്രമിക്കപ്പെടേണ്ട ഒരു വിഭാഗം അല്ല മെഗാസീരിയൽ പ്രവർത്തകർ. # ” സീരിയൽ കർഷകൻ ആയിപ്പോയില്ലേ സാർ… തലയ്ക്ക് നേരെ വെട്ട് വരുമ്പോൾ തല ഉയർത്തിപ്പിടിച്ച് നിന്നു തന്നെ ചില സംശയങ്ങൾ ചോദിക്കണ്ടേ ? ” വിനയപൂർവ്വം…. കെ.വി അനിൽ..

 

Rahul

Recent Posts

ആ കാര്യങ്ങളൊക്കെ കേള്‍ക്കുമ്പോള്‍, നിങ്ങള്‍ ദിലീപേട്ടനോട് പരസ്യമായി മാപ്പ് പറയും- അഖില്‍ മാരാര്‍

ബിഗ് ബോസ് മലയാളം സീസണ്‍ 5 വിന്നറായി ജനപ്രിയനായ സംവിധായകനാണ് അഖില്‍ മാരാര്‍. ഷോയിലൂടെയാണ് അഖില്‍ കൂടുതല്‍ ആരാധകരെ സ്വന്തമാക്കിയത്.…

8 hours ago

രാത്രി, മഴ, ഒറ്റപ്പെട്ട പ്രദേശം!! ഗര്‍ഭിണിയായ ഭാര്യയുമായി റോഡില്‍ കുടുങ്ങി അഷ്‌ക്കര്‍, കാരുണ്യ ഹസ്തവുമായി ഗോകുല്‍

കേരളത്തിന്റെ മതസൗഹാര്‍ദ്ദത വിളിച്ചോതുന്ന മനോഹരമായൊരു പോസ്റ്റാണ് സോഷ്യലിടത്ത് ശ്രദ്ധേയമാകുന്നത്. ഉപാധികളില്ലാത്ത ഒരു സ്‌നേഹത്തിന്റെ, സഹാനുഭൂതിയുടെ കഥ അഷ്‌ക്കര്‍ സഅദി എന്ന…

10 hours ago

ഒരുപാട് നാളത്തെ ആഗ്രഹം…ശ്രീവിദ്യയായി ഒരുങ്ങി വീണാ നായര്‍!! കണ്ണുനിറഞ്ഞ് ആരാധകര്‍

മലയാള സിനിമയുടെ ശ്രീയായിരുന്നു നടി ശ്രീവിദ്യ. ശ്രീത്വം തുളുമ്പുന്ന മുഖവും അഭിനയത്തികവും മലയാളത്തിലെ എക്കാലത്തെയും മികച്ച നടിയാക്കി താരത്തിനെ മാറ്റി.…

10 hours ago

പോരാളി ഷാജി അന്യഗ്യഹ ജീവിയാണ്…ഒരിക്കലും കണ്ടുപിടിക്കാന്‍ പറ്റില്ല!! ഹരീഷ് പേരടി

സോഷ്യലിടത്തെ സിപിഎം അനുകൂല പ്രൊഫൈലായ പോരാളി ഷാജിയെ കുറിച്ച് സിപിഎം നേതാവ് എംവി ജയരാജന്‍ നടത്തിയ പരാമര്‍ശം ഏറെ വിവാദമായിരുന്നു.…

10 hours ago

മുഖ്യമന്ത്രിയും മന്ത്രിമാരും വേദിയില്‍ എഴുന്നേറ്റ് നില്‍ക്കുന്നു…ദേശീയ ഗാനം പ്ലേ ആയില്ല!!! ആലപിച്ച് വാസുകി ഐഎഎസ്

ലോക കേരളസഭയുടെ ഉദ്ഘാടന ചടങ്ങില്‍ റെക്കോഡ് ചെയ്ത ദേശീയഗാനം പ്ലേ ചെയ്യാനാകാതെ പ്രതിസന്ധി നേരിട്ടപ്പോള്‍ വേദിയിലെത്തി ദേശീയ ഗാനം ആലപിച്ച്…

10 hours ago

ചൂടുള്ള ശരീരത്തിനായി മാത്രം ഒരു റിലേഷൻ ഷിപ്പ് ആവശ്യമില്ല! വിവാഹ മോചനത്തെ കുറിച്ചും; മംമ്ത  മോഹൻ ദാസ്

തന്റെ ജീവിതത്തിലെ പല ഘട്ടങ്ങളെക്കുറിച്ചും മംമ്ത മോഹൻദാസ്  സംസാരിച്ചി‌ട്ടുമുണ്ട്, ഇപ്പോൾ നടി തന്റെ വിവാഹ മോചനത്തെക്കുറിച്ച് സംസാരിക്കുകയാണ് , പ്രജിത്…

11 hours ago