ബിഗ് ബോസ് മലയാളം സീസണ്‍ നാലിന്റെ വിജയിയായത് ദില്‍ഷ പ്രസന്നന്‍ ആണ്. ബിഗ് ബോസ് മലയാളത്തിന്റെ ചരിത്രത്തില്‍ ആദ്യമാണ് ഒരു വനിത ടൈറ്റില്‍ വിന്നറാകുന്നത്. 20 മത്സരാര്‍ത്ഥികള്‍ പങ്കെടുത്ത ഈ സീസണില്‍ തീര്‍ത്തും അപ്രതീക്ഷിതമായിട്ടായിരുന്നു ദില്‍ഷയുടെ വിജയം. പ്രേക്ഷകര്‍ക്ക് നന്ദി പറഞ്ഞ് ദില്‍ഷ ഫെയ്‌സ്ബുക്കിലെത്തിയിരുന്നു. ഇപ്പോഴിതാ രണ്ടാം സ്ഥാനത്തെത്തിയ ബ്ലെസ്‌ലിയും ആരാധകര്‍ക്ക് മുമ്പിലെത്തിയിരിക്കുകയാണ്. തന്നെ സപ്പോര്‍ട്ട് ചെയ്ത എല്ലാവര്‍ക്കും നന്ദി പറഞ്ഞ ബ്ലെസ്‌ലി മോഹന്‍ലാലിന്റെ കൈപ്പടയില്‍ എഴുതിയ ഓട്ടോഗ്രാഫുമായാണെത്തിയത്.
അതില്‍ ബ്ലെസ്‌ലിയ്ക്ക് സ്‌നേഹപൂര്‍വം മോഹന്‍ലാല്‍ എന്നാണെഴുതിയിരിക്കുന്നത്. ഇതാണ് തനിക്ക് ബിഗ് ബോസ് വീട്ടില്‍ നിന്നും കിട്ടിയ ഏറ്റവും വലിയ അംഗീകാരം എന്നാണ് ബ്ലെസ്‌ലി പറയുന്നത്. അതേസമയം ആ ഒരു സ്വപ്നവീട്ടില്‍ 100 ദിവസങ്ങള്‍ നിങ്ങളുടെ ഓരോരുത്തരുടെയും മുന്നില്‍ ജീവിക്കാന്‍ കഴിഞ്ഞതില്‍ ഒരുപാട് സന്തോഷം. പലരും എന്നെ ഒരു സഹോദരനായ്, മകനായ്, കൂട്ടുകാരനായ് കണ്ട് ഞാന്‍ ചിരിച്ചപ്പോ ചിരിച്ചും കൂടെ കരഞ്ഞും എന്റെ കൂടെ നിന്നു. സ്‌നേഹിച്ചു. വോട്ട് ചെയ്തു. സപ്പോര്‍ട്ട് തന്നു. നമ്മുടെ യാത്ര ഇവിടെ തീരുന്നില്ല. തുടങ്ങുന്നതേ ഉള്ളുവെന്ന അടിക്കുറിപ്പോടെയാണ് വീഡിയോ പോസ്റ്റ് ചെയ്തത്.
അതേസമയം കുറച്ചു വൈകിയെന്നറിയാം എന്നാലും തന്നെ ജയിപ്പിച്ച എല്ലാ ജനങ്ങള്‍ക്കും നന്ദിയെന്ന് പറഞ്ഞാണ് ദില്‍ഷ ഫെയ്‌സ്ബുക്ക് വീഡിയോയിലെത്തിയത്. ഒരുപാടു പേരുടെ കമന്റുകളെല്ലാം കണ്ടു. തനിക്ക് ഒരുപാട് സന്തോഷം തോന്നി. എന്നെ സ്നേഹിക്കുന്ന ഒരുപാട് പേരുണ്ടെന്ന് മനസിലായി. കുറച്ച് മോശം കമന്റുകളും കണ്ടു. ഡീഗ്രേഡിങും കാര്യങ്ങളും ഉണ്ടാകുമെന്ന് അറിയാം. ഇത്രയും വലിയ ഷോയല്ലേ..
രണ്ടും ഫെയ്സ് ചെയ്യണമെന്ന് അറിയാം. ഞാന്‍ അതിന്റേതായ രീതിയില്‍ മാത്രമേ എടുത്തിട്ടുള്ളൂ. കുറച്ച് വിഷമമൊക്കെ ഉണ്ടായിരുന്നെങ്കിലും ഞാനിപ്പോള്‍ ഓകെയാണ്. ഞാന്‍ ഇത് അര്‍ഹിക്കുന്നില്ല എന്നു ചിലര്‍ പറയുന്നു. പക്ഷേ, ഞാനിപ്പോഴും വിശ്വസിക്കുന്നു ഈ വിജയം നേടാന്‍ അര്‍ഹതയുള്ളവളാണ് ഞാനെന്ന്. 100 ദിവസവും ഞാനെന്റെ 100 ശതമാനം കൊടുത്തിട്ടാണ് അവിടെ നിന്നത്. തന്നെ സപ്പോര്‍ട്ട് ചെയ്ത എല്ലാ ആര്‍മികള്‍ക്കും എല്ലാ അമ്മമാര്‍ക്കും അച്ഛന്‍മാര്‍ക്കും സഹോദരീ സഹോദരന്മാര്‍ക്കും നന്ദി പറഞ്ഞാണ് ദില്‍ഷ വീഡിയോ അവസാനിപ്പിച്ചത്.
കെ എസ് കാർത്തിക്ക് സംവിധാനം ചെയ്യുന്ന ഏറ്റവും പുതിയ ചിത്രം സാത്താൻ്റെ ആകാംക്ഷയുണര്‍ത്തുന്ന ട്രെയിലർ പുറത്തിറങ്ങി. റിയാസ് പത്താൻ, ഹാരിസ്…
വിജയ് ആരാധകര്‍ ഏറെ പ്രതീക്ഷയോടെ കാത്തിരിക്കുന്ന ചിത്രമാണ് ദ ഗ്രേറ്റസ്റ്റ് ഓഫ് ഓള്‍ ടൈം, ദ ഗോട്ട് എന്ന ചിത്രം.…
ജാതിയും മതവും വേലിയാകുമ്പോള്‍ മനുഷ്യത്വം കൊണ്ട് ഹൃദയം നിറയ്ക്കുന്നൊരു ചിത്രം സോഷ്യലിടം കീഴടക്കിയിരിക്കുകയാണ്. മന്ത്രി സ്ഥാനം ഒഴിയുന്ന കെ. രാധാകൃഷ്ണനെ…
യുകെയിലെ മലയാളിയായ കുഞ്ഞ് എയ്ഞ്ചലിന്റെ വിയോഗം പ്രവാസ ലോകത്തിന് തീരാനോവായിരിക്കുകയാണ്. ചങ്ങനാശ്ശേരി സ്വദേശികളായ തെക്കേടത്ത് ജോസഫ് തോമസി(ടിജോ)ന്റെയും അഞ്ജുവിന്റെയും മകള്‍…
അന്തരിച്ച നടന്‍ കൊല്ലം സുധിയുടെ പ്രിയതമ രേണു സുധി ഇനി അഭിനയരംഗത്തേക്ക്. കരിയറില്‍ ശ്രദ്ധേയനാകുന്നതിനിടെയാണ് വിധി അകാലത്തില്‍ സുധിയെ കവര്‍ന്നത്.…
ഒരു കാരണവുമില്ലാതെ മിക്കപ്പോഴും സോഷ്യൽ മീഡിയയുടെ സൈബര്‍ ആക്രമണങ്ങൾക്ക് ഇരയാകാറുള്ള വ്യക്തിയാണ് ഗായികയും സോഷ്യൽ മീഡിയ താരവും ഒക്കെയായ അഭിരാമി…