‘ഉലഗത്തിലെ മോസ്റ്റ് ഗിഫ്റ്റഡ് ആർടിസ്റ്റ്, ഇത് വന്ത് കേരള സിനിമാ യുഗം’; ഇത് ശരിക്കും പാൻ ഇന്ത്യൻ! ഭ്രമയു​ഗം വേറെ ലെവലിലേക്ക്

തുടർ വിജയങ്ങളുമായി കുതിക്കുകയാണ് നടൻ മമ്മൂട്ടി. ഭ്രമയു​ഗത്തിലൂടെ മലയാളികളെ മാത്രമല്ല, ഇന്ത്യയാകെ തരം​ഗം സൃഷ്ടിക്കുകയാണ് താരം. അന്യ സംസ്ഥാനങ്ങളിലും ചിത്രം നേട്ടം കൊയ്യുകയാണ് എന്നാണ് റിപ്പോർട്ടുകൾ. ഒരു മലയാള സിനിമയ്ക്ക് ഇതര ഭാഷകളിൽ അടക്കം മികച്ച മൗത്ത് പബ്ലിസിറ്റി ലഭിക്കുക എന്ന അത്ര നിസാര കാര്യമല്ല. മമ്മൂട്ടി നായകനായി എത്തിയ ചിത്രം റിലീസ് ചെയ്ത് ദിവസങ്ങൾ മാത്രം പിന്നിടുമ്പോൾ ഇന്ത്യക്ക് അകത്തും പുറത്തും ചർച്ചയായി കഴിഞ്ഞു.

ഇപ്പോൾ ചിത്രത്തെ കുറിച്ച് ഒരു തമിഴ് സിനിമാസ്വാദകൻ പറഞ്ഞ വാക്കുകളാണ് ശ്രദ്ധ നേടുന്നത്. തമിഴിലെ പ്രശസ്ത സിനിമ നിരൂപകൻ പ്രശാന്തിൻറെ റിവ്യൂ മമ്മൂട്ടി ആരാധകരെ കോരിത്തരിപ്പിക്കുന്നതാണ്. ഇതിൻറെ വീഡിയോ മലയാളം സോഷ്യൽ മീഡിയ പേജുകളിലും വൈറലാണ്.
രണ്ടര മണിക്കൂറോളം നീളമുള്ള ഒരു ചിത്രം ബ്ലാക് ആൻറ് വൈറ്റിൽ ആലോചിക്കുക. അതിൽ മമ്മൂട്ടിയെപ്പോലെ ഒരു സൂപ്പർതാരത്തെ ആലോചിക്കുക ഇതൊക്കെ മനുഷ്യ സാധ്യമാണോ എന്നാണ് ആശ്ചര്യത്തോടെ പ്രശാന്ത് ചോദിക്കുന്നത്.

‘ഇത് വന്ത് കേരള സിനിമാ യുഗം. മമ്മുട്ടി ഉലഗത്തിലെ മോസ്റ്റ് ഗിഫ്റ്റഡ് ആർടിസ്റ്റ് എന്നും പ്രശാന്ത് പറയുന്നുണ്ട്. ചിത്രത്തിലെ ഓരോ അണിയറ പ്രവർത്തകനെയും പേര് എടുത്ത് പറഞ്ഞാണ് പ്രശാന്ത് പ്രശംസിക്കുന്നത്. നേരത്തെ തമിഴ് സംവിധായകൻ ലിംഗു സ്വാമി, വസന്ത ബാലൻ തുടങ്ങിയ സംവിധായകർ ഭ്രമയുഗത്തിലെ മമ്മൂട്ടിയുടെ അഭിനയത്തെ പുകഴ്ത്തിയിരുന്നു. നൈറ്റ് ഷിഫ്റ്റ് സ്റ്റുഡിയോസ് എൽഎൽപിയാണ് ചിത്രത്തിൻറെ നിർമ്മാതാക്കൾ. അർജുൻ അശോകനും സിദ്ധാർഥ് ഭരതനും ചിത്രത്തിൽ പ്രധാന വേഷങ്ങളിലുണ്ട്. ഛായാഗ്രാഹണം ഷെഹ്‍നാദ് ജലാലാണ്. സംഗീതം ക്രിസ്റ്റോ സേവ്യർ.