കാൻ ഫെസ്റ്റിവലിന് എത്തിയ ഐശ്വര്യ റായ് ബച്ചന്റെ ചിത്രങ്ങൾ വൈറൽ. കൈയ്ക്ക് പരിക്കേറ്റതിനാൽ പ്ലാസറ്ററിട്ടാണ് താരം എത്തിയത്. എന്നാൽ, കറുത്ത ഗൗണിൽ മിന്നിത്തിളങ്ങുന്ന താരത്തിന്റെ ചിത്രങ്ങളാണ് ആരാധകർ ഇപ്പോൾ ഏറ്റെടുത്തിട്ടുള്ളത്. പഫ്ഡ് സ്ലീവ്സുള്ള ബ്ലാക്ക് ആൻഡ് ഗോൾഡൻ ഗൗൺ ആണ് താരം ധരിച്ചിരിക്കുന്നത്. ഫാൽഗുനിയും ഷൈൻ പീകോക്കും ചേർന്നൊരുക്കിയ വസ്ത്രത്തിൽ വെള്ള നിറത്തിലുള്ള സിൽക്ക് തുണിയിൽ ഗോൾഡൻ പൂക്കൾ വച്ചുകൊണ്ടുള്ള ഡിസൈനുമുണ്ട്.
ഗോൾഡൻ നിറത്തിലുള്ള വലിയ കമ്മലുകളും ഒരു മോതിരവും മാത്രമാണ് ആഭരണങ്ങളായി ധരിച്ചിട്ടുള്ളത്. സ്മോക്കി ഐ മേയ്‌ക്കപ്പും ചുണ്ടിന് അനുയോജ്യമായ ലിപ്സ്റ്റിക്കും ഉപയോഗിച്ചിട്ടുണ്ട്. കാൻ ഫെസ്റ്റിവലിലെ റെഡ് കാർപ്പറ്റിലൂടെ ലളിതമായ മേയ്ക്കപ്പിൽ നടന്ന് വരുന്ന താരത്തിന്റെ ചിത്രങ്ങളാണ് വൈറലായി മാറിയിരിക്കുന്നത്.
