മമ്മൂക്കയെ അറിയാം, ദുൽഖറിനൊപ്പം അഭിനയിക്കണം ; രാഷ്ട്രീയം വിട്ട് സിനിമയിലേക്ക് ചുവടുവെക്കാൻ ഒരുങ്ങി ചിന്താ ജെറോം

മലയാളികളുടെ മാത്രമല്ല ഇന്ത്യൻ സിനിമാരാധകരുടെ ഒന്നടങ്കം പ്രിയതാരമാണ് ദുൽഖർ സൽമാൻ. കമ്മട്ടിപ്പാടത്തിലൂടെ മലയാള സിനിമയിലേക്ക് ചുവടുവെച്ച താരത്തിന് പിന്നീടങ്ങോട്ട് ഒട്ടനവധി ഹിറ്റ് ചിത്രങ്ങളുടെ ഭാഗമാകാൻ കഴിഞ്ഞു. ഒട്ടനവധി ആരാധകരെ സമ്പാദിക്കാൻ സാധിച്ച താരത്തിന്റെ എല്ലാ വിശേഷങ്ങളും ആരാധകർ ഏറ്റെടുക്കാറുണ്ട്.

എന്നാൽ ഇപ്പോൾ ചിന്താ ജെറോം പറഞ്ഞ കുറച്ച് കാര്യങ്ങളാണ് വാർത്തകളിൽ ഇടം നേടിയിരിക്കുന്നത്. “എനിക്ക് ദുഖറിന്റെ കൂടെ അഭിനയിക്കണമെന്ന് ആഗ്രഹമുണ്ട്. മമ്മൂക്കയെ അറിയാം. പക്ഷേ ദുൽഖറിനെ നേരിട്ട് കണ്ടിട്ടില്ല. ദുൽഖറിന്റെ നായിക ആവണമെന്നല്ല ഉദ്ദേശിച്ചത് ഒരുമിച്ച് സിനിമയിൽ അഭിനയിക്കണം എന്നാണ്.

സണ്ണി വെയ്ൻ എന്റെ അടുത്ത സുഹൃത്താണ്. സണ്ണിയുടെ അടുത്ത ഫ്രണ്ട് ആണല്ലോ ദുൽഖർ, ആ വഴിക്കും എളുപ്പമാണ്.” എന്നായിരുന്നു ഒരു ഓൺലൈൻ ചാനലിനോട് ചിന്ത ജെറോം പറഞ്ഞത്. രാഷ്ട്രീയം വിട്ട് സിനിമയിലേക്ക് കടക്കാനുള്ള പ്ലാൻ ആണോ ചിന്തയുടേത് എന്ന ചോദ്യവും ഇപ്പോൾ ഉയരുന്നുണ്ട്.