കല്യാണം കഴിഞ്ഞ് പോവുമ്പോഴും ഡാഡീനെ എങ്ങനെ കാണാതിരിക്കും എന്നായിരുന്നു ടെന്‍ഷന്‍

മിനിസ്‌ക്രീന്‍ പ്രേക്ഷകരുടെ പ്രിയങ്കരിയാണ് ഡിംപിള്‍ റോസ്. യൂട്യൂബ് ചാനലിലൂടെയായി വിശേഷങ്ങള്‍ താരം പങ്ക് വയ്ക്കാറുണ്ട്. ഡിംപിളിന്റെ അമ്മയും നാത്തൂനും യൂട്യൂബ് ചാനലുകളിലൂടെയായി വിശേഷങ്ങള്‍ പങ്കിടാറുണ്ട്. അച്ഛനും അമ്മയ്ക്കുമൊപ്പമുള്ള വീഡിയോ പങ്കിട്ടെത്തിയിരിക്കുകയാണ് താരം. മമ്മി വേഴ്സ് ഡാഡി എന്ന ക്യാപ്ഷനോടെയായാണ് വീഡിയോ പോസ്റ്റ് ചെയ്തത്.

ഡിംപിളിന്റെ വാക്കുകള്‍- എപ്പോഴും രണ്ടാളും മാച്ചിംഗ് ഡ്രസാണ് ഇടാറുള്ളത്. എവിടെപ്പോവുകയാണെങ്കിലും അവരത് നോക്കും. ഞാനും ആന്‍സണും ചേട്ടനുമൊന്നും മാച്ചിംഗ് ഡ്രസ് അങ്ങനെ നോക്കാറില്ല. ഡാഡിക്കാണോ മമ്മിക്കാണോ തന്നെ നന്നായി മനസ്സിലാകുന്നതെന്ന് നോക്കുന്നതിനായാണ് ഈ വീഡിയോ, ഡാഡിക്കായിരിക്കും കൂടുതല്‍ മനസ്സിലാവുകയെന്ന് പറഞ്ഞപ്പോള്‍ മമ്മി അത് സമ്മതിച്ചിരുന്നില്ല. ഡാഡിയും ഞാനും എപ്പോഴും ഒരു ടീമാണ്. എന്തുണ്ടെങ്കിലും ഡാഡിയോടാണ് പറയാറ്. ഡോണ്‍ ചേട്ടന്‍ മമ്മിയോടാണ് പറയാറുള്ളത്.

ഡിംപിളിന്റെ അമ്മയുടെ വാക്കുകള്‍-കല്യാണത്തിന് തൊട്ടുമുന്‍പ് നടന്ന സംഭവത്തെക്കുറിച്ച് പറഞ്ഞായിരുന്നു മമ്മി സംസാരിച്ച് തുടങ്ങിയത്. ഡാഡിക്ക് എന്നെയല്ലേ കൂടുതലിഷ്ടമെന്ന സംശയത്തിലായിരുന്നു അന്ന് ഡിംപിള്‍. അത് കേട്ടപ്പോള്‍ ഡോണ്‍ ചേട്ടന്‍ എരികേറ്റി. ബെറ്റ് വെക്കാമെന്ന് പറഞ്ഞു. ഡാഡി വരുമ്പോള്‍ ചോദിക്കാമെന്ന് പറഞ്ഞു. ഡാഡിക്ക് ഇതൊന്നും അറിയില്ല. ഡാഡിക്ക് എന്നെയാണോ മമ്മീനെയാണോ കൂടുതലിഷ്ടമെന്നായിരുന്നു ഡിംപിള്‍ ചോദിച്ചത്. മമ്മീനെയാണ് എന്ന് പറഞ്ഞപ്പോള്‍ ഭയങ്കര കരച്ചിലിലായിരുന്നു ഡിംപിള്‍അവളൊരിക്കലും ഡാഡിയെ പിരിഞ്ഞിരുന്നിട്ടില്ല. കല്യാണം കഴിഞ്ഞ് പോവുമ്പോഴും ഡാഡീനെ എങ്ങനെ കാണാതിരിക്കും എന്നായിരുന്നു ടെന്‍ഷന്‍. ഡാഡിയില്ലാതെ ഒരു സ്ഥലത്തും പോവാറില്ലായിരുന്നു. ഡ്രൈവിംഗ് പഠിച്ച് ലൈസന്‍സൊക്കെ എടുത്തിരുന്നു. നാനോ കാറും ഉണ്ടായിരുന്നു. ഒരു ദിവസം കാര്‍ പോയ്ക്കൊണ്ടിരിക്കുമ്പോള്‍ പെട്ടെന്ന് ഓഫായി. അന്ന് ഡാഡി ചീത്ത പറഞ്ഞു, പിന്നീടിന്ന് വരെ സ്റ്റിയറിംഗ് തൊട്ടിട്ടില്ല. 24 വയസ്സുവരെയുള്ള ജീവിതത്തില്‍ കരഞ്ഞ സന്ദര്‍ഭങ്ങള്‍ ഇതൊക്കെയാണ്.