വസ്ത്രങ്ങൾ നഷ്ട്ടപ്പെട്ട് പബ്ലിക്ക് ടോയ്‌ലെറ്റിൽ അകപ്പെട്ട ഒരു പെൺകുട്ടി!

കേരളത്തിൽ വലിയ രീതിയിൽ കൊറോണ പടരുന്ന സാഹചര്യത്തിൽ നിലവിൽ കേരളത്തിൽ ഉള്ള താരങ്ങൾ പോലും ഷൂട്ടിങ് ലൊക്കേഷനിൽ പോകാൻ ഭയക്കുന്ന ഇപ്പോഴത്തെ സാഹചര്യത്തിൽ ഒരു ഹൃസ്വചിത്രത്തിൽ അഭിനയിക്കാൻ ബംഗാളിൽ നിന്നും കേരളത്തിലേക്ക് എത്തിയിരിക്കുകയാണ് ബംഗാളി നടിയായ പായൽ മുഖർജി. ഇത് ആദ്യമായി ആണ് താരം കേരളത്തിൽ എത്തുന്നത്. അതും ഒരു ഹൃസ്വചിത്രത്തിന്റെ ഷൂട്ടിങ്ങിന് വേണ്ടി. വളരെ വ്യത്യസ്തമായ ഒരു പ്രമേയമാണ് താരം അഭിനയിക്കുന്ന ഹൃസ്വചിത്രത്തിന്റേത്. അത് തന്നെയാണ് താരത്തെ ചിത്രത്തിന്റെ ഭാഗമാകാൻ ആകർഷിച്ച ഘടകവും.

‘ഈവ’എന്ന ഹ്രസ്വചിത്രത്തിലെ ടൈറ്റില്‍ കഥാപാത്രത്തെയാണ് പായല്‍ അവതരിപ്പിക്കുന്നത്. സോഹന്‍ലാല്‍ ആണ് ഈ ഹൃസ്വചിത്രം സംവിധാനം ചെയ്യുന്നത്. മാധവിക്കുട്ടിയുടെ ‘നീര്‍മാതളത്തിന്റെ പൂക്കളു’ടെ സംവിധായകനും സോഹൻലാൽ തന്നെയായിരുന്നു. നീണ്ട നാളത്തെ ഇടവേളയ്ക്ക് ശേഷമാണ് സോഹൻലാൽ ഒരു ഹൃസ്വചിത്രം വീണ്ടും ഒരുക്കുവാൻ പോകുന്നത്. അപ്പോൾ തന്നെ ചിത്രത്തിന്റെ ക്വാളിറ്റി എത്രത്തോളം ഉണ്ടെന്നു പ്രേക്ഷകർക്ക് ഊഹിക്കാൻ കഴിയുന്നതാണ്.  ഹൈവേയോടു ചേര്‍ന്ന പബ്ലിക് ടോയ്ലെറ്റില്‍ വസ്ത്രങ്ങള്‍ നഷ്ടപ്പെട്ട് നിന്ന ഒരു പെണ്‍കുട്ടിയുടെ അവസ്ഥയാണ് ചിത്രത്തിന്റെ പ്രമേയം. അവള്‍ കേള്‍ക്കുന്ന ശബ്ദങ്ങളിലൂടെയാണ് കഥ പോകുന്നത്. വെല്ലുവിളികള്‍ നിറഞ്ഞ ബോള്‍ഡ് ആയ രംഗങ്ങള്‍ ചെയ്യാന്‍ പായല്‍ എടുത്ത ഏഫേര്‍ട്ടും വലുതാണ്. 24 വയസ്സുള്ള ഒരു പൊലീസുകാരിയുടെ റോളിലാണ് പായൽ അഭിനയിക്കുന്നത്.

ഗ്രിഫിന്‍ മാര്‍ക്ക് എന്റര്‍ടെയ്ന്‍മെന്റ്‌സിന്റെ ബാനറില്‍ അനോഖ രാജനാണ് ഈ ചിത്രം നിർമ്മിക്കുന്നത്. ചിത്രത്തിന്റെ വാർത്തകൾ പുറത്ത് വന്നതോടെ ചിത്രം റിലീസ് ചെയ്യാൻ കാത്തിരിക്കുകയാണ് ആരാധകരും. കാരണം ഇത്ര വ്യത്യസ്തമായ പ്രമേയമുള്ള ഒരു ഹൃസ്വചിത്രം അടുത്തിടെയൊന്നും പ്രദർശനത്തിന് എത്തിയിട്ടില്ല. രാജ്യാന്തര ഫിലിം ഫെസ്റ്റിവൽ മാർക്കറ്റ് ആണ് ഇവരുടെ ലക്‌ഷ്യം.