തെലുങ്ക് സിനിമാ പ്രേമികളുടെ പ്രിയപ്പട്ട നടിയാണ് ഹംസ നന്ദിനി. മോഡലിംഗ് രംഗത്തിലൂടെയാണ് താരം അഭിനയ ജീവിതത്തിലേക്ക് തുടക്കം കുറിക്കുന്നത്. ഒരു നല്ല നര്‍ത്തകിയായും അഭിനേത്രിയായും ആരാധകരുടെ മനസ്സില്‍ ഇടംപിടിച്ച താരം ഇപ്പോള്‍ ക്യാന്‍സര്‍ എന്ന രോഗത്തോട് പൊരുതുകയാണ്. സ്തനാര്‍ബുദം ബാധിച്ച് ചികിത്സയില്‍ കഴിയുകയാണ് നടിയിപ്പോള്‍. രോഗം സ്ഥിരീകരിച്ച് കഴിഞ്ഞപ്പോള്‍ മുതല്‍ ഇന്ന് ഈ നിമിഷം വരെ അതിനോട് എങ്ങനെ താന്‍ പോരാടി നില്‍ക്കുന്നു എന്നാണ് നടി ഇപ്പോള്‍ തുറന്ന് പറഞ്ഞിരിക്കുന്നത്. താരം തന്റെ ഇന്‍സ്റ്റഗ്രാം അക്കൗണ്ടില്‍ പങ്കുവെച്ച ഒരു കുറിപ്പാണ് ഇപ്പോള്‍ വൈറലായി മാറിയിരിക്കുന്നത്.
ആ കുറിപ്പിന്റെ ഉള്ളടക്കം ഇതായിരുന്നു…’ജീവിതം എന്നോട് എന്ത് ചെയ്താലും, അത് എത്ര അന്യായമായി തോന്നിയാലും, ഇരയായി സ്വയം അവതരിപ്പിക്കാന്‍ ഞാന്‍ വിസമ്മതിക്കുന്നു. ഭയം, അശുഭാപ്തിവിശ്വാസം, നിഷേധാത്മകത എന്നിവയാല്‍ ഭരിക്കപ്പെടാന്‍ ഞാന്‍ വിസമ്മതിക്കുന്നു. ഞാന്‍ ഉപേക്ഷിക്കാന്‍ വിസമ്മതിക്കുന്നു. ധൈര്യത്തോടെയും സ്‌നേഹത്തോടെയും ഞാന്‍ മുന്നോട്ട് കുതിക്കും,” എന്ന് പറഞ്ഞാണ് ഹംസനന്ദിനിയുടെ കുറിപ്പ് തുടങ്ങുന്നത്.’നാല് മാസം മുമ്പ്, എന്റെ നെഞ്ചില്‍ ഒരു ചെറിയ മുഴ അനുഭവപ്പെട്ടു. ആ നിമിഷം തന്നെ ഞാനറിഞ്ഞു, എന്റെ ജീവിതം ഒരിക്കലും പഴയതുപോലെ ആകാന്‍ പോകുന്നില്ലെന്ന്. 18 വര്‍ഷം മുമ്പ് എനിക്ക് എന്റെ അമ്മയെ ഒരു ഭയാനകമായ രോഗത്താല്‍ നഷ്ടപ്പെട്ടു, അതിനുശേഷം ഞാന്‍ അതിന്റെ ഇരുണ്ട നിഴലില്‍ ജീവിച്ചു. ഞാന്‍ ഭയന്നു പോയി. ഏതാനും മണിക്കൂറുകള്‍ക്കുള്ളില്‍,
ഞാന്‍ ഒരു മാമോഗ്രാഫി ക്ലിനിക്കിലെത്തി, മുഴ പരിശോധിച്ചു. എനിക്ക് ഒരു ബയോപ്സി ആവശ്യമാണെന്ന് നിര്‍ദ്ദേശിച്ച് ഒരു സര്‍ജിക്കല്‍ ഓങ്കോളജിസ്റ്റുമായി ഉടന്‍ ബന്ധപ്പെടാന്‍ എന്നോട് ആവശ്യപ്പെട്ടു. ബയോപ്സി എന്റെ എല്ലാ ഭയങ്ങളും സ്ഥിരീകരിച്ചു, എനിക്ക് ഗ്രേഡ് ത്രീ ഇന്‍വേസീവ് കാര്‍സിനോമ (സ്തനാര്‍ബുദം) ഉണ്ടെന്ന് കണ്ടെത്തി അവര്‍ കുറിച്ചു. എന്നാല്‍ ഇത്‌കൊണ്ട് ഒന്നും തളരാതെ ആ രോഗാവസ്ഥയെ മറികടക്കാനുള്ള ശ്രമം താന്‍ തുടര്‍ന്ന് കൊണ്ടേയിരിക്കും എന്നാണ് ഹംസ നന്ദിനി പറയുന്നത്. ഒരു പുഞ്ചിരിയോടെയും വിജയിച്ചും ഞാന്‍ അതിനെതിരെ പോരാടും. ഞാന്‍ മികച്ചതും കരുത്തുറ്റതുമായി സ്‌ക്രീനില്‍ തിരിച്ചെത്തും. മറ്റുള്ളവരെ പഠിപ്പിക്കാനും പ്രചോദിപ്പിക്കാനും സഹായിക്കുന്നതിന് ഞാന്‍ എന്റെ കഥ പറയും. ഒപ്പം, ഞാന്‍ ബോധപൂര്‍വ്വം ജീവിതവും അത് വാഗ്ദാനം ചെയ്യുന്നതെല്ലാം ആഘോഷിക്കും എന്നും നടി കുറിക്കുന്നു. നടിയുടെ വാക്കുകള്‍ ഈ രോഗാവസ്ഥ നേരിടുന്ന എല്ലാവര്‍ക്കും ഒരു പ്രചോദനമാണെന്ന് ആണ് ആരാധകരും പറയുന്നത്.
ലഖ്നൗ: യുപിയെ ഹാഥ്റസിൽ മതപരിപാടിക്കിടെയുണ്ടായ തിക്കിലും തിരക്കിലും പെട്ട് 90 പേർക്ക് ദാരുണാന്ത്യം. ഒരു ആത്മീയ നേതാവിൻ്റെ നേതൃത്വത്തിൽ നടന്ന…
കരിയറിൽ എത്ര കഴിവ് തെളിയിച്ചാലും ചില നടിമാരെ അംഗീകരിക്കാൻ പലപ്പോഴും ഒരുപറ്റം പ്രേക്ഷകർ മ‌ടിക്കാറുണ്ട് എന്നത് വാസ്തവമാണ്. കാലാകാലമായി ഈയൊരു…
കഴിഞ്ഞ ദിവസമാണ് സീരിയൽ നടിയും സ്റ്റാർ മാജിക് താരവുമായ ഐശ്വര്യ രാജീവ് വിവാഹിതയായത്. സീരിയൽ മേഖലയിൽ നിന്നും നിരവധി പേരാണ്…
നടൻ സുകുമാരന്റെ മകൻ എന്ന ലേബലിലാണ് പൃഥ്വിരാജ് സിനിമയിൽ അരങ്ങേറ്റ കുറിച്ചതെങ്കിലും കഠിനാധ്വാനത്തിലൂടെ വളർന്നു വന്ന പ്രതിഭയാണ്. അഭിനയത്തിന് പുറമെ…
അന്തരിച്ച മിമിക്രി കലാകാരന്‍ കൊല്ലം സുധിയുടെ മണം പെർഫ്യൂം ആക്കുന്നതിനെക്കുറിച്ചുള്ള ലക്ഷ്മി നക്ഷത്രയുടെ വീഡിയോ വൈറലായി മാറുകയാണ്. കഴിഞ്ഞ ദിവസമാണ്…
ആലപ്പുഴ: മാന്നാറിൽ സെപ്റ്റിക് ടാങ്കിൽ ശരീരാവശിഷ്ടങ്ങൾ കണ്ടെത്തിയ സംഭവത്തിൽ നിർണായക വെളിപ്പെടുത്തൽ. സെപ്റ്റിക് ടാങ്കിൽ ശരീരാവശിഷ്ടങ്ങൾ നശിക്കാനുള്ള കെമിക്കൽ ഒഴിച്ചിരുന്നുവെന്നാണ്…