ഹാസ്യനടനായും സ്വഭാവ നടനയുമെല്ലാം മലയാള സിനിമയിൽ ഇടം പിടിച്ച താരമാണ് ഹരിശ്രീ അശോകൻ. ചിരിപ്പിച്ചും ചിന്തിപ്പിച്ചും അദ്ദേഹം കയറിക്കൂടിയത് ഓരോ മലയാളികളുടെയും ഹൃദയത്തിലേക്കാണ്. അതുകൊണ്ട് തന്നെ താരത്തിന്റെ ഓരോ വിശേഷങ്ങളും ആരാധകർ ഏറ്റെടുക്കാറുണ്ട്. അത്തരത്തിൽ ഹരിശ്രീ അശോകൻ ഒരു അഭിമുഖത്തിൽ പറഞ്ഞ കാര്യങ്ങളാണ് ഇപ്പോൾ വൈറലായി മാറിയിരിക്കുന്നത്. നടൻ മൻസൂർ അലിയെ കുറിച്ചും അദ്ദേഹവുമായി അഭിനയിച്ചപ്പോൾ ഉണ്ടായ അനുഭവത്തെ കുറിച്ചുമാണ് താരം തുറന്ന് പറഞ്ഞിരിക്കുന്നത്.
“സത്യം ശിവം സുന്ദരം എന്ന ചിത്രത്തിൻ്റെ ഫൈറ്റ് രംഗങ്ങൾ ഷൂട്ട് ചെയ്യുന്ന സമയത്ത് ഒരു ബസ്സ് സ്റ്റാൻഡിൽ വെച്ച് ചിത്രീകരിച്ച രംഗങ്ങളിൽ മൻസൂർ അലി ഖാൻ എന്നെയും ,ഹനീഫ് ഇക്കയെയും തല്ലുന്ന രംഗ ഉണ്ട്..അതിൽ അന്ധന്മരുടെ വേഷം ചെയ്യുന്നതിനാൽ കണ്ണ് എപ്പോഴും മുകളിലേക്ക് വെക്കണം. അതുകൊണ്ട് നമുക്ക് ഒന്നും വ്യക്തമായി കാണാൻ കഴിയില്ല. ആദ്യം തല്ലുമ്പോൾ അയാൾ രണ്ടു മൂന്നു തവണ കൈകിട്ട് ഇടിച്ചു, പിന്നെ നെഞ്ചിനും ഒരു ചവിട്ട് കിട്ടി. ഇനി ചവിട്ടരുത്, ടൈമിംഗ് നിങ്ങളുടെ കയ്യിലാണ്, ഞങ്ങൾക്ക് ഒന്നും കാണാൻ പറ്റില്ല എന്ന് ഞാൻ അയാളോട് പറഞ്ഞു. പക്ഷേ അയാള് മൈൻഡ് പോലും ചെയ്തില്ല. രണ്ടാമതും ഇത് ആവർത്തിച്ചപ്പോൾ ഞാൻ പറഞ്ഞു നിർത്താൻ.
നിന്നോട് ഞാൻ ഒരു തവണ പറഞ്ഞതാണ് ചവിട്ടരുതെന്ന് ഇനി നീ എൻ്റെ ദേഹത്ത് തൊട്ടാൽ നീ പിന്നെ മദ്രാസ് കാണില്ല എന്ന് ഞാൻ പറഞ്ഞു. പിന്നീട് ഒരു കുഴപ്പവും ഉണ്ടായിട്ടില്ല. എൻ്റെ നാലിരട്ടി ഉണ്ട് അയാള്. നമ്മളെ ചവിട്ടിയിട്ട് അയാള് ഏതായാലും ഇവിടുന്ന് പോകില്ല. ഞാൻ ഇങ്ങനെ ഇരിക്കുന്നു എന്നെ ഒള്ളു. ഒരു ബോധം ഇല്ലാത്ത നടനാണ് മൻസൂർ അലി ഖാൻ ഞങ്ങളൊക്കെ ഒരുപാട് അയാൾക്ക് വേണ്ടി സഹിച്ചു
അയാൾക്കെതിരെ നൂറ്റി അൻപതോളം കേസുണ്ട്. എപ്പോഴും ജയിലിൽ ആണ്. വീട്ടിൽ വെല്ലപ്പോഴും ആണ് ലീവിന് വരുന്നത്.”എന്നായിരുന്നു അദ്ദേഹത്തിന്റെ വാക്കുകൾ.