കനത്ത മഴ കാരണം കൈയിൽ ഇരിക്കുന്ന കഞ്ചാവ് നനയുമെന്ന് കരുതി കഞ്ചാവെല്ലാം വിറ്റഴിക്കാന്‍ ശ്രമിച്ചയാളെ എക്‌സൈസ് പിടികൂടി. മീൻ കച്ചവടത്തിന്റെ മറവിലാണ് ഇയാൾ കഞ്ചാവ് വിൽക്കാൻ ശ്രെമിച്ചത്. കഞ്ചാവ് കടത്താന്‍ ഉപയോഗിച്ച കാരിയര്‍ ഓട്ടോയും എക്‌സൈസ് ഉദ്യോഗസ്ഥർ പിടികൂടി. കനത്ത മഴയും കാലവര്‍ഷവുമാണ് കഞ്ചാവുകാരനെ പിടികൂടാന്‍ സഹായിച്ചതെന്ന് എക്‌സൈസ് ഉദ്യോഗസ്ഥർ പറഞ്ഞു. സാധാരണ ഇയാൾ കഞ്ചാവ് വിൽപ്പന നടത്തുന്നത് ആളൊഴിഞ്ഞ പറമ്പുകളിലാണ്. എന്നാൽ മഴ ആയതോടെ കഞ്ചാവ് നനയുമോ എന്ന് കരുതിയാണ് ഇയാൾ മീൻ കച്ചവടത്തിന്റെ മറവിൽ കഞ്ചാവ് വിൽക്കാൻ ശ്രെമിച്ചത്. 500, 1000 രൂപയുടെ ചെറു പൊതികളാക്കിയാണ് ഇയാൾ വില്‍പ്പന നടത്തിയിരുന്നത്.