അഭ്യൂഹങ്ങൾക്ക് വിരാമം, സുമിത്തും ഹിമയും വീണ്ടും ഒന്നിക്കുന്നു

സോഷ്യൽ മീഡിയയിൽ നിരവധി ആരാധകരുള്ള താര ദമ്പതികൾ ആണ് സുമിത്തും ഹിമയും. ടിക്ക് ടോക്കിൽ കൂടിയാണ് ഈ ദമ്പതികൾ ആരാധകരെ സ്വന്തമാക്കിയത്. ശേഷം യൂട്യൂബ് ചാനലിലും റീലിസിലും ഒക്കെയായി സജീവമായിരുന്നു ഇരുവരും. ഗൾഫിലെ ജോലി വേണ്ടെന്ന് വെച്ചാണ് സുമിത്ത് അഭിനയ മോഹവുമായി നടന്നത്. സുമിത്തിന് വേണ്ട മുഴുവൻ പിന്തുണയും നൽകി ഹിമ ഒപ്പം തന്നെ ഉണ്ടായിരുന്നു. കുറച്ച് നാളുകൾക്ക് മുൻപ് ആണ് ഹിമ  ബുട്ടീക്ക് തുടങ്ങിയത്. എന്നാൽ കുറച്ച് നാളുകൾ ആയി ഹിമയും സുമിത്തും ഒന്നിച്ചുള്ള ചിത്രങ്ങൾ ഒന്നും പുറത്ത് വരുന്നില്ലായിരുന്നു.

സോഷ്യൽ മീഡിയയിൽ സജീവമായ ഈ കപ്പിൾസ് ഒന്നിച്ചുള്ള ചിത്രങ്ങൾ പുറത്ത് വരാതെ ആയതോടെ ആരാധകർക്കും സംശയം ആയി. തന്റെ ബുട്ടിക്കിന്റെ പ്രമോഷനും ചിത്രങ്ങളും മാത്രമായിരുന്നു ഹിമയും പങ്കുവെച്ചത്. ഷോർട്ട്ഫിലിമുകളും സിനിമകളും ഒക്കെയായി സജീവമായ സുമിത്തും ഇരുവരും ഒന്നിച്ചുള്ള ചിത്രങ്ങൾ ഒന്നും പങ്കുവെച്ചിരുന്നില്ല. ഇതോടെ ഇരുവരും വേർപിരിഞ്ഞു എന്ന തരത്തിൽ ഉള്ള ഗോസിപ്പുകൾ പ്രചരിക്കാൻ തുടങ്ങി. എന്നാൽ ഈ ഗോസിപ്പുകളോട് ഇരുവരും പ്രതികരിച്ചിരുന്നില്ല.

എന്നാൽ ഒന്നര വർഷ കാലം കൊണ്ടുള്ള ഗോസിപ്പുകൾ അവസാനിച്ചിരിക്കുകയാണ് ഇപ്പോൾ. ഇത്തവണത്തെ ഡിജിറ്റൽ ക്വീൻ രണ്ടാം സ്ഥാനം ഹിമ ആണ് സ്വന്തമാക്കിയത്. ഹിമയ്ക്ക് ആശംസകൾ നേർന്നുകൊണ്ട് സുമിത്ത് എത്തിയതോടെ ആണ് ആരാധകരുടെ വർഷങ്ങൾ കൊണ്ടുള്ള സംശയം അവസാനിച്ചത്. ഇത്രയേറെ സ്നേഹിച്ചവർ അല്ലെ, അത്ര പെട്ടന്ന് അങ്ങ് ഉപേക്ഷിച്ച് പോകാൻ കഴിയുമോ, ഒരു പക്ഷെ ഇരുവർക്കും ഇടയിൽ ഉണ്ടായിരുന്ന പ്രശ്നങ്ങൾ ഒക്കെയും സുഹൃത്തുക്കൾ  ചേർന്ന് പരിഹരിച്ചിരിക്കാം എന്ന് തുടങ്ങി നിരവധി കമെന്റുകൾ ആണ് ഇവർക്ക് വരുന്നത്.