തെന്നിന്ത്യൻ സൂപ്പർ താരം ജയം രവിയും ഭാര്യ ആരതിയും വിവാഹമോചിതരാകുന്നതായി വാർത്തകൾ വന്നിരുന്നു. സോഷ്യൽ മീഡിയയിൽ നടക്കുന്ന ഈ പ്രചാരണങ്ങളോട് പ്രതികരിച്ചിരിക്കുകയാണ് ഇപ്പോൾ ആരതി. മോഹൻ രവിയുടെ ആദ്യ ചിത്രമായ ജയത്തിന്റെ 21-ാം വാർഷികത്തിൽ പോസ്റ്റർ പങ്കുവച്ച് കൊണ്ടാണ് ആരതിയുടെ മറുപടി.
തമിഴ്നാട്ടിൽ ഈ ചിത്രം വമ്പൻ ഹിറ്റായതോടെയാണ് രവി, ജയം രവിയെന്ന് അറിയപ്പെട്ട് തുടങ്ങിയത് സഹോദരൻ മോഹൻ രാജയാണ് ജയം സംവിധാനം ചെയ്തത്. സദയായിരുന്നു നായിക. ടി ഗോപിചന്ദ് വില്ലനായി. പിന്നീട് ജയം രവിക്ക് തിരിഞ്ഞു നോക്കേണ്ടി വന്നിട്ടില്ല. നിരവധി ഹിറ്റുകൾ ജയം രവി നേടിയെടുത്തു.
രവി – ആരതി ദമ്പതികൾക്ക് രണ്ടുമക്കളാണ് ഉള്ളത്. ആരവും അയാനും. മൂത്തമകൻ പിതാവിനൊപ്പം ടിക് ടിക് ടിക് എന്ന ചിത്രത്തിലൂടെ വെള്ളിത്തിരയിൽ മുഖം കാണിച്ചിരുന്നു. ബാലതാരമായിട്ടായിരുന്നു അരങ്ങേറ്റം. 2009ലാണ് ഇരുവരും വിവാഹിതരാകുന്നത്. 15-ാം വിവാഹ വാർഷികം ഇരുവരും ആഘോഷിച്ചിരുന്നു.
