ഫാസിലിന്റെ കുഞ്ഞ് എന്റേതുമാണ്…! ആശംസകള്‍ നേര്‍ന്ന് കമല്‍ഹാസന്‍!

ഫഹദ് കേന്ദ്ര കഥാപാത്രത്തെ അവതരിപ്പിച്ച് എത്തുന്ന മലയന്‍ കുഞ്ഞ് ഇന്ന് തീയറ്ററുകളില്‍ എത്താനിരിക്കെ സിനിമയ്ക്ക് ആശംസകള്‍ നേര്‍ന്ന് എത്തിയ കമല്‍ഹാസന്റെ പോസ്റ്റാണ് ശ്രദ്ധ നേടുന്നത്. ട്വിറ്ററില്‍ ഉലകനായകന്‍ പങ്കുവെച്ച് പോസ്റ്റാണ് ഇത്. ഫാസിലിന്റെ കുഞ്ഞ് എന്റേതുമാണ് എന്ന് പറഞ്ഞാണ് അദ്ദേഹം മലയന്‍കുഞ്ഞ് എന്ന സിനിമയ്ക്കും ഫഹദിനും ഫാസിലിനും എല്ലാം ആശംസകള്‍ നേര്‍ന്ന് എത്തിയത്. ഫാസിലിന്റെ കുഞ്ഞ് എന്റേതുമാണ്..

മികവ് എല്ലായ്‌പ്പോഴും വിജയിക്കട്ടെ.. ഫഹദ് മുന്നോട്ട് പോകുന്നു.. എന്റെ എല്ലാ ഏജന്റുമാരും വിജയിക്കണം.. പരാജയം ഒരിക്കലും ഒരു തിരഞ്ഞെടുപ്പ് അല്ല. ഒരു ടീം എന്താണെന്ന് എല്ലാവര്‍ക്കും കാണിച്ചു കൊടുക്കൂ എന്നാണ് ഉലകനായകന്‍ കമല്‍ഹാസന്‍ സിനിമയുടെ ട്രെയിലര്‍ ഉള്‍പ്പെടെ പങ്കുവെച്ച് ട്വിറ്ററില്‍ കുറിച്ചത്. ഉരുള്‍പ്പൊട്ടലിന്റെ പശ്ചാത്തലത്തില്‍ ഒരു സര്‍വൈവര്‍ ത്രില്ലറായാണ് മലയന്‍ കുഞ്ഞ് എത്തുന്നത്.

ഫാസില്‍ ഏറെ നാളുകള്‍ക്ക് ശേഷം നിര്‍മ്മിക്കുന്ന സിനിമ എന്ന പ്രത്യേകതയും സിനിമയ്ക്ക് ഉണ്ട്. ഏത് കുഞ്ഞിന്റെ കരച്ചിലാണോ അവനെ അലട്ടിയത് ആ കുഞ്ഞിന്റെ കരച്ചില്‍ തന്നെ അവന്റെ ജീവിതം മാറ്റി മറിക്കുന്നു അതാണ് ഈ സിനിമ എന്നാണ് മലയന്‍കുഞ്ഞിനെ കുറിച്ച് ഫാസില്‍ പറഞ്ഞത്. നവാഗതനായ സജിമോന്‍ സംവിധാനം ചെയ്യുന്ന ഈ സിനിമയുടെ കഥ മഹേഷ് നാരായണന്റേതാണ്.

ഫഹദ് ഫാസിലിന് ഏറെ പ്രതീക്ഷയുള്ള ഒരു സിനിമ കൂടിയാണ് മലയന്‍ കുഞ്ഞ്. ഇത് ഞങ്ങള്‍ വളരെ റിസ്‌ക് എടുത്ത് ചെയ്ത സിനിമയാണ്.. മലയാള സിനിമയില്‍ ഇതുവരെ ഇത്തരത്തില്‍ ഒരു സിനിമ പിറന്നിട്ടില്ല എന്നാണ് മലയന്‍കുഞ്ഞിനെ കുറിച്ച് ഫഹദ് അടക്കമുള്ളവര്‍ പറഞ്ഞത്. അച്ഛന്‍ നിര്‍മ്മിച്ച് മകന്‍ അഭിനയിച്ച് സിനിമ തീയറ്ററിലേക്ക് എത്തുമ്പോള്‍ ആരാധകരും വലിയ ആവേശത്തിലാണ്.