വിഎഫ്എക്‌സോ ഡ്യൂപ്പോ അല്ല സാക്ഷാല്‍ മമ്മൂട്ടി!! ആളിക്കത്തുന്ന വീട്ടിലേക്ക് കയറി മമ്മൂക്ക, വീഡിയോ

മമ്മൂട്ടിയെ നായകനാക്കി നവാഗതനായ റോബി വര്‍ഗീസ് രാജ് സംവിധാനം ചെയ്ത ചിത്രം കണ്ണൂര്‍ സ്‌ക്വാഡ് തിയ്യേറ്ററില്‍ മികച്ച പ്രതികരണമാണ് നേടുന്നത്. ബോക്‌സോഫീസില്‍ കുറച്ചുദിവസം കൊണ്ട് തന്നെ മികച്ച റെക്കോര്‍ഡിടാന്‍ കണ്ണൂര്‍ സ്‌ക്വാഡിനായി.

മമ്മൂട്ടിക്കൊപ്പം റോണി ഡേവിഡ്, ശബരീഷ് വര്‍മ്മ, അസീസ് നെടുമങ്ങാട് കിഷോര്‍ മനോജ് കെ.യു തുടങ്ങിയവരാണ് ചിത്രത്തില്‍ പ്രധാന കഥാപാത്രങ്ങളായത്. സെപ്റ്റംബര്‍ 28നാണ് കണ്ണൂര്‍ സ്‌ക്വാഡ് തിയ്യേറ്ററിലെത്തിയത്. ഒന്‍പത് ദിവസത്തിനുള്ളില്‍ തന്നെ ചിത്രം 50കോടി ക്ലബ്ബില്‍ ഇടംനേടി.

ഇപ്പോഴിതാ ചിത്രത്തിന്റെ ലൊക്കേഷന്‍ വീഡിയോയാണ് വൈറലാകുന്നത്. തീയുടെ നടുവിലൂടെ നടക്കുന്ന മമ്മൂട്ടിയുടെ വീഡിയോയാണ് അണിയറപ്രവര്‍ത്തകര്‍ പുറത്തുവിട്ടത്. കോസ്റ്റ്യൂം ഡിസൈനര്‍ ആയ അഭിജിത്ത് ആണ് കണ്ണൂര്‍ സ്‌ക്വാഡ് സിനിമയിലെ
ലൊക്കേഷന്‍ വീഡിയോ പങ്കുവച്ചത്.

സിനിമയുടെ തുടക്കത്തിലുള്ള ആക്ഷന്‍ രംഗങ്ങളുടെ ദൃശ്യമാണ് ശ്രദ്ധേയമാകുന്നത്.
കത്തുന്ന വീടിനുള്ളിലേക്ക് മമ്മൂട്ടി നടന്നുപോകുന്നതാണ് വീഡിയോയിലുള്ളത്.
വിഎഫ്എക്‌സിന്റെയോ ഡ്യൂപ്പിന്റെയോ സഹായം ഇല്ലാതെയാണ് ഈ സീനുകള്‍ മമ്മൂട്ടി അഭിനയിച്ചതെന്നാണ് വീഡിയോ വ്യക്തമാക്കുന്നത്. നിരവധി പേരാണ് വീഡിയോയ്ക്ക് താഴെ കമന്റ് ചെയ്യുന്നത്. മമ്മൂട്ടിയെ അഭിനന്ദിച്ചുകൊണ്ടാണ് കമന്റുകള്‍ നിറയുന്നത്.

നടന്‍ റോണി ഡേവിഡ് രാജ് ഷാഫിയും ചേര്‍ന്നാണ് ചിത്രത്തിന്റെ തിരക്കഥയൊരുക്കിയത്. മുന്നേറുകയാണ്. ദുല്‍ഖര്‍ സല്‍മാന്റെ വേഫേറെര്‍ ഫിലിംസ് ആണ് ചിത്രത്തിന്റെ കേരളത്തിലെ വിതരണം. മമ്മൂട്ടി കമ്പനി നിര്‍മ്മിച്ചനാലാമത്തെ ചിത്രമാണ് കണ്ണൂര്‍ സ്‌ക്വാഡ്.