മീശവെച്ച ഈ ശ്രീരാമൻ ഏതാണ് ? പ്രഭാസിനെ ട്രോളി നടി

ഏവരും ഏറെ പ്രതീക്ഷയോടെ കാത്തിരിക്കുന്ന സിനിമയാണ് പ്രഭാസ് നായകനായി എത്തുന്ന ആദിപുരുഷ്. സോഷ്യൽ മീഡിയയിൽ സിനിമയിൽ രാമനായുള്ള പ്രഭാസിന്റെ വേഷത്തെ സംബന്ധിച്ച് നിരവധി ചർച്ചകളും വിമർശനങ്ങളും നേരത്തെ നടന്നിരുന്നു. ഇപ്പോഴിതാ പ്രഭാസിന്റെ ലുക്കിനെ കളിയാക്കി രംഗത്തെത്തിയിരിക്കുകയാണ് തെന്നിന്ത്യൻ സൂപ്പർ നടി കസ്തൂരി ശങ്കർ.

രാമനായി മീശ വെച്ച ഇയാളെ കാണുമ്പോൾ കർണ്ണന്റെ ലുക്കാണെന്ന് കസ്തൂരി കളിയാക്കുന്നത്. ‘രാംജിയെ മീശ കൊണ്ട് ചിത്രീകരിക്കുന്ന എന്തെങ്കിലും പാരമ്പര്യമുണ്ടോ? എന്തിനാണ് ആളുകളെ ബുദ്ധിമുട്ടിക്കാൻ വേണ്ടി ഇങ്ങനെ ഉണ്ടാക്കിയിരിക്കുന്നത്? പ്രഭാസ് രാമനെപ്പോലെയല്ല കർണനെപ്പോലെയാണ് കാണപ്പെടുന്നത്’, എന്നാണ് കസ്തൂരി ശങ്കർ കുറിച്ചിര്ക്കുന്നത്. ഇതിന് പിന്നാലെ കസ്തൂരിക്ക് എതിരെ പ്രഭാസ് ആരാധകർ വിമർശനവുമായി രംഗത്തെത്തി.

നേരത്തെ ചിത്രത്തിന്റെ ടീസറിനെതിരെ ആരോപണങ്ങൾ ഉയർന്നിരുന്നു. വിഎഫ്എക്‌സിനെ പരിഹസിച്ചും വിമർശിച്ചും നിരവധി പേരാണ് രംഗത്തെത്തിയിരുന്നു. അതേ സമയം സിനിമ ഈ വരുന്ന ജൂൺ പതിനാറിന് പ്രദർശനത്തിനെത്തും റൗവത്ത് സംവിധാനം ചെയ്യുന്ന സിനിമയിൽ രാമനായി പ്രഭാസ് എത്തുമ്പോൾ രാവണനായി സെയ്ഫ് അലിഖാനും സീതയായി കൃതി സിനോണും എത്തുന്നു.