ധ്യാന് ശ്രീനിവാസനും അന്നാ രാജനും പ്രധാനവേഷങ്ങളിലെത്തുന്ന ചിത്രമാണ് കുടുംബ സ്ത്രീയും കുഞ്ഞാടും. മഹേഷ് പി. ശ്രീനിവാസന് ആണ് ചിത്രത്തിന്റെ കഥയും സംവിധാനവും നിര്വഹിക്കുന്നത്. ഇന്ഡി ഫിലിംസിന്റെ ബാനറില് ബെന്നി പീറ്റേഴ്സ് ആണ് ചിത്രം നിര്മിക്കുന്നത്.
കുടുംബ സ്ത്രീയും കുഞ്ഞാടും ചിത്രത്തിന്റെ ചിത്രീകരണം പൂര്ത്തിയായിരിക്കുകയാണ്. പൂര്വ വിദ്യാര്ഥി സംഗമത്തെ തുടര്ന്ന് ഒരു കുടുംബത്തിലുണ്ടാകുന്ന പൊല്ലാപ്പുകളാണ് ചിത്രം പറയുന്നത്. പ്രവാസിയായ ഭര്ത്താവിന് സുന്ദരിയായ ഭാര്യയിലുണ്ടാകുന്ന സംശയരോഗവും പ്രശ്നങ്ങളുമാണ് ചിത്രത്തിലൂടെ അവതരിപ്പിക്കുന്നത്. തികച്ചും ഫാമിലി എന്റര്ടെയിനറായിരിക്കും ചിത്രം. കോമഡി ജോണറിലാണ് ചിത്രത്തിലെ മുഹൂര്ത്തങ്ങള് ഒരുക്കിയിട്ടുള്ളത്.
ബെന്നി പീറ്റേഴ്സ്, ജാഫര് ഇടുക്കി, പക്രു, കലാഭവന് ഷാജോണ്, സലിംകുമാര്, മണിയന്പിള്ള രാജു, സാജു നവോദയ, സ്നേഹാ ബാബു, സ്നേഹാ ശ്രീകുമാര്, മങ്കാ മഹേഷ്, കോബ്രാ രാജേഷ്, മജീദ്, ബിന്ദു എല്സി, കാര്ത്തിക് വിഷ്ണു, ഷാജി മാവേലിക്കര തുടങ്ങിയവരാണ് മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്.
ഛായാഗ്രഹണം ലോവല് എസ്., തിരക്കഥ, സംഭാഷണം ശ്രീകുമാര് അറയ്ക്കല്, എഡിറ്റിംഗ് രാജാകൃഷ്ണന് വിജിത്ത്, ഗാനങ്ങള് സിജില് ശ്രീകുമാര്, സംഗീതം മണികണ്ഠന്, ശ്രീജു ശ്രീധര്, കോസ്റ്റ്യും ഡിസൈന് ഭക്തന് മങ്ങാട്, പ്രൊഡക്ഷന് എക്സിക്യൂട്ടീവ് ഡി. മുരളി, പ്രൊഡക്ഷന് കണ്ട്രോളര് – ദീപു എസ്. കുമാര്, അസോഷ്യേറ്റ് ഡയറക്ടേഴ്സ് സജിത് ലാല്, വില്സന് തോമസ്, ക്രീയേറ്റീവ് മാര്ക്കറ്റിംഗ് ഗോവിന്ദ് പ്രഭാകര് (ഫ്രൈഡേ ബേര്ഡ്), സ്റ്റില്സ് ഷാലു പേയാട്, പിആര്ഒ -വാഴൂര് ജോസ്, അജയ് തുണ്ടത്തില് എന്നിവരാണ് മറ്റ് അണിയറപ്രവര്ത്തകര്.