കുടുംബ വിളക്കിലെ താരങ്ങൾ ഓരോന്നായി മാറുന്നു, പരമ്പരയിലെ ഈ പ്രധാന താരങ്ങൾ ഇനി ഉണ്ടാകില്ല

ഏറെ പ്രേക്ഷക പ്രീതിയുള്ള പരമ്പരയാണ് കുടുമ്പവിളക്ക്. സുമിത്ര എന്ന വീട്ടമ്മയുടെ അതിജീവനത്തിന്റെ കഥയാണ് കുടുംബവിളക്ക് അനില്‍ ബാസിന്‍റെ രചനയില്‍ മഞ്ജു ധര്‍മന്‍ സംവിധാനം നിര്‍വഹിക്കുന്ന പരമ്ബര യൂട്യൂബിലും ട്രെന്‍ഡിംഗ് ലിസ്റ്റില്‍ മുന്‍ നിരയില്‍ ഉണ്ടാകാറുണ്ട്. എങ്കിലും പരമ്ബരയില്‍ സ്ഥിരമായി കഥാപാത്രങ്ങള്‍ മാറുന്നതില്‍ പ്രേക്ഷകര്‍ക്ക് ഇഷ്ടക്കേട് തോന്നാറുണ്ട് എന്നത് വാസ്തവമാണ്. നടി മീരാ വാസുദേവ്, കൃഷ്ണകുമാര്‍, ശ്രീജിത്ത്‌ വിജയ്, നൂബിന്‍ ജോണി, ആതിര മാധവ്‌, സുമേഷ് , മഞ്ജു സതീഷ് , അമൃത, കെ പി എസ് സി സജീവ്, എന്നിവര്‍ ആണ് പ്രധാന കഥാപാത്രങ്ങളായി അടുത്തിടെ സംപ്രേക്ഷണം ചെയ്തിരുന്ന എപ്പിസോഡുകളില്‍ അഭിനയിച്ചുകൊണ്ടിരുന്നത്.
കഥാപാത്രങ്ങള്‍ ആയെത്തുന്ന താരങ്ങളുടെ പിന്മാറ്റം ഇപ്പോള്‍ പരമ്ബരയില്‍ തുടര്‍കഥ ആയി മാറിയിരിക്കുകയാണ്. പരമ്ബരയിലെ ശ്രദ്ധേയമായ കഥാപാത്രമായ വേദികയെ അവതരിപ്പിച്ചിരുന്ന നടിമാര്‍ രണ്ടുപേരും പിന്മാറിയിരുന്നു. ഇതിനു പിന്നാലെയാണ് ഇപ്പോള്‍ പുതിയ പിന്മാറ്റം പ്രേക്ഷകര്‍ അറിയുന്നത്. അമേയ നായര്‍ ആണ് ഓണക്കാലം വരെ വേദികയായി എത്തിയിരുന്നത്. ഈ കഥാപാത്രത്തില്‍ നിന്ന് അമേയ മാറിയതിന് പിന്നാലെയാണ് പുതിയ വേദിക എത്തിയത്. അമേയ നായര്‍‍ക്ക് പകരം നടി ശരണ്യ ആനന്ദാണ് ഇപ്പോള്‍ വേദിക എന്ന കഥാപാത്രത്തെ അവതരിപ്പിക്കുന്നത്.
വേദികയുടെ പിന്‍മാറ്റത്തിന് ശേഷം സംഭവബഹുലമായ എപ്പിസോഡുകളില്‍ നിറഞ്ഞു നില്‍ക്കുകയാണ് ഇപ്പോള്‍ പരമ്ബര.എന്നാല്‍ ഇരുപത്തി മൂന്നാം തീയതിയിലെ എപ്പിസോഡ് മുതല്‍ അനിരുദ്ധ് ആയി എത്തിക്കൊണ്ടിരുന്നു പ്രിയ നടന്‍ ശ്രീജിത്തിന്റെ പിന്മാറ്റ വാര്‍ത്തയാണ് പ്രേക്ഷകര്‍ കണ്ടത്. ശ്രീജിത്ത് ക്വാറന്റൈനില്‍ ആണെന്നും, ഇനി മുതല്‍ അനിരുദ്ധ് എന്ന കഥാപാത്രത്തെ അവതരിപ്പിക്കുന്നത് ആനന്ദ് എന്ന നടന്‍ ആകും എന്നുമാണ് സീരിയല്‍ സംഘാടകര്‍ നല്‍കുന്ന വിശദീകരണം.