ശാസ്ത്ര ലോകത്ത് ശ്രദ്ധേയമായിരിക്കുന്നത് നൂറ് വര്ഷങ്ങള്ക്ക് മുമ്പ് കാണാതായ ലിപ്സ്റ്റിക് ചെടിയെ ഇപ്പോള് കണ്ടെത്തിയിരിക്കുകയാണ് എന്ന കൗതുകവാര്ത്തയാണ്. നമ്മുടെ അരുണാചല് പ്രദേശിലാണ് അപൂര്വമായ ലിപ്സ്റ്റിക് ചെടിയെ വീണ്ടും കാണാന് കഴിഞ്ഞത്. ബൊട്ടാണിക്കല് സര്വെ ഓഫ് ഇന്ത്യയാണ് വിവരങ്ങള് പുറത്തുവിട്ടത്.
അരുണാചല് പ്രദേശിലെ ഹ്യൂലിയാങ്ങില് നിന്നും ചിപ്രുവില് നിന്നും 2021 ഡിസംബറില് ശേഖരിച്ച സാമ്പിളില് നിന്നാണ് ലിപ്സ്റ്റിക് ചെടികളെ തിരിച്ചറിഞ്ഞത്. എസ്കിയാന്തസ് ജനുസില്പെടുന്ന ട്യുബുലര് റെഡ് ഇതളുകളുള്ള സസ്യ വര്ഗങ്ങളെയാണ് ലിപ്സ്റ്റിക് സസ്യങ്ങളെന്ന് പറയുന്നതെന്ന് ബി.എസ്.ഐ ശാസ്ത്രജ്ഞന് കൃഷ്ണ ചൗലു പറഞ്ഞു.
1912ല് ബ്രിട്ടീഷ് സസ്യ ശാസ്ത്രജ്ഞനായ സ്റ്റീഫന് ട്രോയിറ്റി ഡണ്, മറ്റൊരു സസ്യശാസ്ത്രജ്ഞനായ ഇസാക് ഹെന്റി ബര്ക്കില് അരുണാചല് പ്രദേശില് നിന്ന് ശേഖരിച്ച സാമ്പിളുകളെകുറിച്ച് പഠിക്കവെയാണ് ആദ്യമായി ലിപ്സ്റ്റിക് സസ്യങ്ങളെ തിരിച്ചറിയുന്നത്. പിന്നീട് ഇവയെ കുറിച്ച് വിവരമുണ്ടായിരുന്നില്ല. ബര്ക്കില് ലിപ്സ്റ്റിക് സസ്യങ്ങളെ കണ്ടത്തിയതിനുശേഷം ഇതാദ്യമായാണ് ഈ സസ്യവര്ഗങ്ങളെ വീണ്ടും ഇന്ത്യയില് കണ്ടെത്തുന്നത്.
വംശനാശഭീഷണി നേരിടുന്ന ഈ സസ്യങ്ങള് ഈര്പ്പമുള്ളതും നിത്യഹരിത വനങ്ങളിലുമാണ് കാണപ്പെടുന്നത്. ഒക്ടോബര്-ജനുവരി മാസങ്ങളില് ഇവ പുഷ്പിക്കുകയും കായ്ക്കുകയും ചെയ്യുന്നു. നേരത്തെയും നിരവധി അപൂര്വയിനം സസ്യങ്ങളെ അരുണാചലില് കണ്ടെത്തിയിരുന്നു. എന്നാല് വര്ധിച്ചു വരുന്ന വനനശീകരണവും നിര്മാണപ്രവര്ത്തനങ്ങളും ജൈവവൈവിധ്യത്തെ തകര്ക്കുന്നുണ്ടെന്ന് ഗവേഷകര് ചൂണ്ടിക്കാട്ടുന്നു.
ലാൽ ജോസ് സംവിധാനം ചെയ്യ്ത അയാളും ഞാനും എന്ന ചിത്രത്തിലൂടെ ആണ് റോണി ഡേവിഡ് സിനിമ രംഗത്തേക് എത്തിയത്, എന്നാൽ…
ശരിക്കും ഡോക്ടറാണോ, ജോലി ഒന്നുമില്ലേ, തെണ്ടിത്തിരിമഞ്ഞൻ നടന്നാൽ മത്തിയോ എന്നൊക്കെയാണീ എലിസബത്ത് ഉദയൻനേരിടേണ്ടി വരുന്ന ചോദ്യങ്ങൾ. നടൻ ബാലയുടെ ഭാര്യയെന്ന…
ബോളിവുഡ് നടി സൊനാക്ഷി സിന്ഹയുടെ വിവാഹവുമായി ബന്ധപ്പെട്ട വാര്ത്തകളാണ് കുറച്ച് ദിവസങ്ങളായി തെന്നിന്ത്യൻ മാധ്യമങ്ങളിലടക്കം പ്രചരിക്കുന്നത്. എന്നാല് നവദമ്പതികളായ സൊനാക്ഷിയും…
മലയാളത്തിൽ സജീവമല്ലയെങ്കിൽ പോലും തമിഴകത്ത് മികച്ച സിനിമകളുമായി കരിയറിൽ മുന്നേറുകയാണ് നടൻ കാളിദാസ് ജയറാം. റായൻ ആണ് കാളിദാസിന്റെ പുതിയ…
വിവാദങ്ങളിൽ നിന്നേല്ലാം അകന്ന് കുടുംബസമേതം സന്തോഷകരമായ ജീവിതം നയിക്കുകയാണ് അമല പോൾ. ഇപ്പോൾ താരത്തിനെതിരെ ഗുരുതരമായ ഒരു ആരോപണമാണ് പുറത്തുവന്നിരിക്കുന്നത്.…
നടൻ ബാലയുടെ വ്യക്തി ജീവിതത്തിൽ സംഭവിച്ച കാര്യങ്ങൾ സോഷ്യൽ മീഡിയയിൽ അടക്കം ഏറെ ചർച്ചയായി മാറിയ ഒന്നാണ്. ഗായിക അമൃത…