പ്ലാസ്റ്റിക് സര്‍ജറിയും കുട്ടിയുടുപ്പമൊന്നുമില്ലെങ്കിലും ഒരു സുന്ദരിയുണ്ടായിരുന്നു ഇവിടെ, ഒരു പൊട്ടും കണ്‍മഷിയും തന്നെ അവള്‍ക്ക് ധാരാളമായിരുന്നു- മഞ്ജുവാര്യരെ പൊളിച്ചടുക്കി സോഷ്യല്‍മീഡിയ

മലയാളികളുടെ ശാലീന സൗന്ദര്യമെന്ന സങ്കല്‍പത്തിന് ഏറെ അനുയോജ്യമായ ആളാണ് കാവ്യ മാധവന്‍. നീണ്ട് വിടര്‍ന്ന കണ്ണുകളും ഇടതൂര്‍ന്ന മുടിയും മനോഹരമായ ചിരിയും കാവ്യയുടെ മാത്രം പ്രത്യേകതകളാണ്. ബാലതാരമായി എത്തിയ കാവ്യ നായികാവേഷങ്ങളിലൂടെ മലയാള സിനിമയിലെ പ്രധാന നായികമാരില്‍ ഒരാളായി മാറുകയായിരുന്നു. സൗന്ദര്യം മാത്രമല്ല അഭിനയത്തിന്റെ കാര്യത്തിലും ഒട്ടുമോശമല്ലാത്തതിനാല്‍ സിനിമകളില്‍ മികച്ച പ്രകടനം കാഴ്ചവെച്ചുകൊണ്ട് മുന്നോട്ടുപോയ കാവ്യാ ഒരുപാട് ആരാധകരെ സമ്പാദിച്ചിട്ടുണ്ട്.
ദിലീപുമായുള്ള വിവാഹശേഷം അഭിനയത്തില്‍ നിന്ന് ഇടവേളയെടുത്ത് മകള്‍ക്കൊപ്പം ഒരു കുടുംബിനിയായി മുന്നോട്ട് പോകുകയാണ്. എന്നാല്‍ കാവ്യയുടേതായി പുറത്ത് വരുന്ന ചിത്രങ്ങളെല്ലാം പ്രേക്ഷകര്‍ ഏറെ ആവേശത്തോടെയാണ് സ്വീകരിക്കാറുള്ളത്.മകള്‍ മഹാലക്ഷ്മിയും സോഷ്യല്‍മീഡിയയില്‍ താരമാണ്.

കാവ്യയുടെയും കുടുംബത്തിന്റെയും വിശേഷങ്ങള്‍ മാത്രം പങ്കിടുന്ന പേജ് അടുത്തിടെ ആരംഭിച്ചിരുന്നു ചുരുങ്ങിയ സമയം കൊണ്ട് നിറയെ ഫോളോവേഴ്‌സിനെ നേടാനും പേജിന് ആയിട്ടുണ്ട്. കാവ്യയുടെ സൗന്ദര്യത്തെ ചുറ്റിപ്പറ്റിയുള്ള പോസ്റ്റുകള്‍ പേജില്‍ നിറഞ്ഞിരുന്നു. ഇപ്പോഴിതാ പേജില്‍ വന്ന ഒരു പോസ്റ്റാണ് ഇപ്പോള്‍ ചര്‍ച്ചയാകുന്നത്.
പോസ്റ്റ് ഇങ്ങനെ-
”പ്ലാസ്റ്റിക് സര്‍ജറി ചെയ്തില്ലെങ്കിലും കുട്ടിയുടപ്പിട്ടില്ലെങ്കിലും അക്കാലത്തു യുവതലമുറയെ കയ്യിലെടുത്ത ശാലീന സൗന്ദര്യമുള്ളൊരു പെണ്ണുണ്ടായിരുന്നു മലയാള സിനിമയില്‍. അവള്‍ക്കു ഭംഗിക്ക് ഒരു പൊട്ടും കണ്‍മഷിയും തന്നേ ധാരാളം”, എന്ന ക്യാപ്ഷനോടെയാണ് കാവ്യയുടെ ചിത്രം ഉള്‍പ്പെടെയുള്ള പോസ്റ്റ്.

ആരാധകര്‍ ഇരുകൈയ്യും നീട്ടിയാണ് ഈ പോസ്റ്റ് ഏറ്റെടുത്തത്. അന്ന് മാത്രമല്ല ഇപ്പോഴും അത് അങ്ങനെ തന്നെയാണ് എന്ന കമന്റുകള്‍ പങ്കിട്ടുകൊണ്ടാണ് ആരാധകര്‍ പോസ്റ്റ് ഏറ്റെടുത്തത്.കാവ്യയെ പുകഴ്ത്തിയും നടിയുടെ സൗന്ദര്യത്തെ വാനോളം പുകഴ്ത്തിയുമാണ് ആരാധകര്‍ ഈ വാക്കുകള്‍ കുറിച്ചത്. അതോടൊപ്പം തന്നെ മറ്റൊരു വശത്ത്കൂടി നടി മഞ്ജുവിനിട്ടൊരു കൊട്ടും നല്‍കിയിട്ടുണ്ട്. മഞ്ജുവിനെ പരസ്യമായി അപമാനിച്ചിരിക്കുകയാണ് ഈ പോസ്റ്റിലൂടെ കാവ്യാ മാധവന്‍ ഫാന്‍സ്. കഴിഞ്ഞ ദിവസം ഗ്ലാസ് വെച്ച് ക്യൂട്ട് ചിരിയുമായി എത്തിയ മഞ്ജുവിന്റെ ചിത്രങ്ങള്‍ സോഷ്യല്‍ മീഡിയയില്‍ പ്രത്യക്ഷ്യപ്പെട്ടിരുന്നു. ഇതിന് പിന്നാലെയാണ് നടിയുടെ പ്ലാസ്റ്റിക് സര്‍ജറി വീണ്ടും വാര്‍ത്തകളില്‍ ഇടം പിടിച്ചത്