താടി വടിച്ചപ്പോൾ ആരാണെന്ന് അറിയുന്ന് പോലുമില്ല, അച്ഛനെ പോലെ തന്നെ; തരംഗമായി മഞ്ഞുമ്മല്‍ ബോയ്സിലെ സിജു

തീയറ്ററില്‍ നിറഞ്ഞോടുകയാണ് ‘മഞ്ഞുമ്മല്‍ ബോയ്സ്’. കൊടെക്കനാലിലേക്ക് ട്രിപ്പ് പോയ ആ 11 പേരും സിനിമ കണ്ട് പുറത്ത് ഇറങ്ങിയാലും നെഞ്ചില്‍ അവശേഷിക്കുമെന്നാണ് പലരും അഭിപ്രായം പങ്കുവയ്ക്കുന്നത്. ഓരോ കഥാപാത്രവും അത്രയും മികച്ചതാക്കാൻ അഭിനയിച്ച എല്ലാവര്‍ക്കും സാധിച്ചിരുന്നു. അങ്ങനെ മത്സരിച്ച് അഭിനയിച്ച 11 പേരില്‍ ശ്രദ്ധേയമായ ഒരു കഥാപാത്രമായിരുന്നു സിജു. എന്നാല്‍, സിജു ആരാണെന്ന് പ്രേക്ഷകര്‍ക്ക് പെട്ടെന്ന് അങ്ങ് പിടിക്കിട്ടി കാണില്ല.

സംവിധായകനും നടനുമായ ജീൻ പോള്‍ ലാല്‍ ആണ് സിജുവായി എത്തി അമ്പരിപ്പിച്ചത്. താടിയെടുത്ത് ജീൻ പോള്‍ എത്തിയതോടെയാണ് പലര്‍ക്കും തിരിച്ചറിയാൻ സാധിക്കാതെ പോയത്. ചിത്രത്തിലെ ഏറ്റവും ലൌഡ് ആയിട്ടുള്ള കഥാപാത്രയമായിരുന്നു ബാലു വർഗീസ് അവതരിപ്പിച്ച സിക്സൻ. സിക്സന്റെ ചേട്ടൻ സിജു ആയിട്ടാണ് ജീൻ പോള്‍ ചിത്രത്തിലെത്തിയത്. ആരെയും കൂസാത്ത, പേടിക്കാത്ത, നെഞ്ചും വിരിച്ച്‌ എന്തിനെയും നേരിടുന്ന കഥാപാത്രമായി ജീൻ മിന്നുന്ന പ്രകടനം കാഴ്ചവയ്ക്കുകയും ചെയ്തു.

2006ല്‍ കൊടൈക്കനാലില്‍ നടന്ന ഒരു യഥാർത്ഥ സംഭവമാണ് മഞ്ഞുമ്മല്‍ ബോയ്സ് എന്ന പേരില്‍ തിയറ്ററുകളില്‍ എത്തിയിരിക്കുന്ന ചിത്രം. തിരക്കഥ എഴുതി ചിത്രം സംവിധാനം ചെയ്തിരിക്കുന്നത് ചിദംബരം ആണ്. സൗബിൻ ഷാഹിർ, ശ്രീനാഥ് ഭാസി, ബാലു വർഗീസ്, ഗണപതി, ജീൻ പോള്‍ ലാല്‍, ചന്തു സലീംകുമാർ, അഭിറാം രാധാകൃഷ്ണൻ, ദീപക് പറമ്ബോല്‍, ഖാലിദ് റഹ്‌മാൻ, അരുണ്‍ കുര്യൻ, വിഷ്ണു രഘു തുടങ്ങി പ്രേക്ഷകരുടെ പ്രിയ താരങ്ങള്‍ അണിനിരന്ന ചിത്രമാണ് മഞ്ഞുമ്മല്‍ ബോയ്സ്.