തമിഴ് സൂപ്പർ താര ചിത്രങ്ങൾ വരെ പിന്നിൽ; മഞ്ഞുമ്മൽ ബോയ്സിന്റെ തമിഴ്നാട്ടിലെ കളക്ഷൻ കണ്ട് ഞെട്ടി സിനിമ ലോകം

വമ്പൻ പ്രാദേശിക സിനിമകളെ പോലും വെല്ലുവിളിച്ച് കൊണ്ട് തമിഴ്നാട്ടിൽ മഞ്ഞുമ്മൽ ബോയ്സിന്റെ കുതിപ്പ്. ഈ വർഷം തമിഴ്നാട്ടിൽ ഏറ്റവും കൂടുതൽ കളക്ഷൻ നേടിയ ചിത്രമായാണ് മഞ്ഞുമ്മൽ മാറിയത്. ഇതുവരെ തമിഴ്നാട്ടിൽ നിന്ന് മാത്രം 63 കോടി രൂപയാണ് മഞ്ഞുമ്മൽ ബോയ്സ് നേടിയത്. ഒരു മലയാള ചിത്രത്തിൻറെ ചരിത്രത്തിലെ ഏറ്റവും വലിയ തമിഴ്നാട് ബോക്സോഫീസ് കളക്ഷനാണ് ഇത്. ഒരു തമിഴ് ചിത്രം കേരള ബോക്സോഫീസിൽ നേടിയ കളക്ഷനെക്കാൾ കൂടിയ കളക്ഷനാണ് ചിത്രം തമിഴ്നാട്ടിൽ ഉണ്ടാക്കിയത് എന്ന പ്രത്യേകതയുമുണ്ട്. ശിവകാർത്തികേയന്റെ അയലാൻ, ധനുഷിന്റെ ക്യാപ്റ്റൻ മില്ലർ എന്നീ ചിത്രങ്ങളെല്ലാം തമിഴ്നാട്ടിൽ മഞ്ഞുമ്മൽ ബോയ്സിന് പിന്നിലാണ്.

ടോപ് ടെൺ ലിസ്റ്റ് ഇങ്ങനെ

1 മഞ്ഞുമ്മൽ ബോയ്സ് : 63.5 കോടി*
2 അയലാൻ : 60 കോടി
3 ക്യാപ്റ്റൻ മില്ലർ : 40.5 കോടി
4 ഗോഡ്സില്ല Vs കോങ് : 24 കോടി*
5 ലാൽ സലാം : 19.20 കോടി
6 സിറൻ : 16.25 കോടി
7 വടക്കുപട്ടി രാമസാമി : 14.5 കോടി
8 സിംഗപ്പൂർ സലൂൺ : 11.25 കോടി
9 ബ്ലൂ സ്റ്റാർ : 11 കോടി
10 പ്രേമലു : 10.65 കോടി*